কোবিদ-১৯না লৈবাকসিদা লৈরিবা মীপুম খুদিংদা ইরোমদোম লেপচবা ভারত ফংবা ঙম্নবা অমুক হন্না শাগৎনবা, অমুক হিংগৎহন্নবা অমদি ঐখোয় ইশাবু অমুক হন্না শেমদোকচনবা তাঞ্জা অমা পীরে, হায়না প্ম ভিভুষন, দা: রঘুনাথ অনন্ত মশেলকরনা ফোঙদোকখ্রে‍।

ৱাফমসি মহাক্না নোর্থ ইস্ত ইনস্তিত্যুত ওফ সাইন্স এন্দ তেক্নোলোজী (সি.এস.আই.আর.-এন.ই.আই.এস.তি.)না শীন্দুনা পাঙথোকপা কাউন্সিল ফোর সাইন্তিফিক এন্দ ইন্দস্ত্রিএল রিছর্চ-সম্মর রিছর্চ ত্রেনিং প্রোগ্রাম (সি.এস.আই.আর.-এস.আর.তি.পি.), ২০২০গী মনুং চন্না “ইশাদা থাজবগা লোয়ননা ইরোমদোম লেপচবা ভারত” হায়বা হীরমসিদা ৱা ঙাঙবদা ফোঙদোকখিবনি‍।

দা: মশেলকরনা হায়খিবদা ঐখোয়না ইরোমদোম লেপচপবা ভারত ফংনবা হোৎনবদা ঐখোয়না ইশাবু মালেমসিদগী তোখাইনা থম্লোইদবনি মদুগী মহুত্তা মালেমগী সপ্প্লাই চেন অসিগা পুনশিনগদবনি‍। মহাক্না ‘ইরোমদোম লেপচবা ভারত’কী য়ুম্বী মঙা – লৈয়ু, শাউ, হেন্না ফবা শাননবা লৈয়ু, হেন্না ফবা লৈননবা শাউ, অমদি পুন্না শামিন্নৌ (পব্লিক-প্রাইভেত পার্ত্নরসিপ শেমবা)‍, হায়বা হীরমসিদা ৱাফমশিং থমখি‍। মহাক্না ঐখোয়গী লৈবাক অসিনা চাওখৎলক্নবগীদমক তেক্নোলোজী অমদি থাজবা হায়বসিনা ঙাক্লৌ পীবা মথৌ তারিবা লৈবাকসিগী নহারোলশিংগী থৌনাদা চিংনবা লৈতনা থাজৈ হায়না মহাক্না ফোঙদোকখি‍।

দা: মশেলকরনা ‘মেক ইন ইন্দিয়া’ থৌরাং অসিনা শুপ্নতগী ভারত্তা পোত্থোকশিং পানখৎপখক নত্তনা ভারত্তা পুথোকপদসু মীৎয়েং চঙবা মথৌ তাই হায়না মহাক্কী ৱাখল্লোন থমখি‍। পোত্থোকশিং পানখৎপনা থবক পীগনি হায়বসসদা চিংনবা লৈত্রবসু অনৌবা মহুৎ শিনবা য়াবশিং পুরক্নবগীদমক ঐখোয়না কন্না থিজিন হুমজিনবা মথৌ তাই হায়না মহাক্না হায়খি‍। থিজিন হুমজিনবগী মরুওইবা ৱাফমশিং থম্লদুনা মহাক্না হায়খিবদা থিজিন হুমজিনবনা শেনবু লৌশিং ওন্থোকই অমদি অনৌবা ৱাখল্লোন পুথোকপনা লৌশিংবু শেন ওন্থোকই‍, মরম অসিনা লৈবাকসিনা নুংঙাই য়াইফনবগীদমক অনি অসি খুৎশম্ননা চৎমিন্নবা মথৌ তাই‍। ঐখোয়দা হৈথোই শিংথোইবা অমদি তেক্নোলোজী লৈরে অদুগা হৌজিক ঐখোয়না মথৌ তারিবসি ঐখোয়গী তৌবা ঙমবা অসিদা থাজবা থমবনি‍।

মসি মরু ওইরিবগী মরমদি কোবিদ-১৯গী মতুংদা চাইনাদা থম্লমবা থাজবা মাঙখ্রবনিনা মালেম অসিনা অতোপ্পা পন্থুংফম অমা থিরক্কনি‍। ভারতনা মফম অমদি মরম চাবা পন্থুংফম অমা ওইরক্নবগীদমক্তা ভারতনা লল্লোন ইতিক তৌবদা নুংঙাইহন্নবা লোজিস্তিক অমদি ইনফ্রাস্ত্রকচর মরাং কায়না মতিক চানা থমবা অমদি মপান লৈবাকশিংদগী শেন থাদবগী চুনবা ক্লাইমেত অমা শেমবা মথৌ তাই‍।

ভারত অসি মালেমগী ওইনা রাজনিতীগী লমদা থাজবা থমবা লৈবাক অমা ওইনা শকখঙবা মরমনা ভারতকী লাইবক্তা চাউনা অহোংবা লাক্লগনি হায়না মহাক্না হায়খ‍ি‍। মহাক্না মশেলকর মন্ত্র ১০ (নৎত্রজা রাম মন্ত্র ১০), মমিং ওইনা: (১) পান্দম ৱাংনা থম্মু – নীংলিবশিংদুনা নহাক্কী অওইবনি‍; (২) হোৎনবা লেপতবা; (৩) ঐখোয় মতম পুম্নমক্তা পাম্বৈগী শরুক অমনি ৱায়েৎকী নত্তে; (৪) থোঙ খুদিংমক লোনশিনখ্রবা মতমদা নশাগী থোঙ শাজৌ; (৫) তুমিন্না হোৎনৌ, নহাক্কী মায় পাকপনা মখোল থোকচসনু; (৬) মরুওইবা মওং মতৌ অহুম – অনৌবা ৱাখল্লোন, পুক্নীং লুপ্পা, থম্মোয়দা মীনুংশি; (৭) ঐখোয়না করিগুম্বা অমা হেক্তা তৌবা ঙমগনি অদুবু পুম্নমক্তি ঙম্লোই – নহাক্না তৌরিবদুদা পুক্নীং চঙঙু; (৮)অফবা ৱাখল চেল্লু; (৯)মালেমসিনা হোংলকপগী মতুং ইন্না অনৌবা মহৈ অমদি অনৌবা তেক্নোলোজীশিং মথৌ তাই‍; অমদি (১০) মীওইবগী ৱাখলনা শাগৎপা, মীওইবনা তানফংবা, অমদি মীওইবগী খাংবা কনবগী পনখৈ লৈতে, হায়বশিংসিদা ৱাফম কয়া থমখি‍।

খ্বাইদগী ফবদু লাক্কদৌবা ৱাৎলি হায়বসি থাজৌ অমদি হোৎনবা লেপকনু অদুগা চহীনা পুক্নীং হন্থনবগী মচাক ওইহল্লোইদবনি, অমদি মসিনা ‘ইশাবু থাজজবগা’ লোয়ননা ইরোমদোম লেপচবা ভারতগী মঙলানদুগীদমক ঐখোয়গী লৈবাকসিবু মতোল য়ৌনা পুগদৌরিবনি হায়না মহাক্না নহারোলশিংদা পীবা পাউজেলদা হায়খি‍।

*****