প্রধানমন্ত্রীগী লোইশঙ

প্রধান মন্ত্রী অমসুং রসিয়ান ফেদেরেসনগী রাস্ত্রপতিগী মরক্তা তেলিফোন্দা ৱারি শানখ্রে

Posted On: 02 JUL 2020 3:11PM by PIB Imphal

ইং ২০২০গী জুলাই ২দা প্রধান মন্ত্রী শ্রী নরেন্দ্র মোদীনা তেলিফোন্দা রসিয়ান ফেদেরেসনগী রাস্ত্রপতি ব্লাদিমির পুতিনগা ৱারি শানখ্রে।

মালেমগী অনিশুবা লাঞ্জাউ মাইপাকখিবগী ৭৫শুবা নিংশিং থৌরমশিং মাইপাক্না পাংথোকখিবা অমসুং রসিয়াদা কন্সতিতুসনগী এমেন্দমেন্তশিংগী ভোৎ লৌনবা মাইপাকখিবদা প্রধান মন্ত্রীনা রাস্ত্রপতি পুতিনবু থাগৎখি।

ভারত অমসুং রসিয়াগী মীয়ামগী মরক্তা লৈনরিবা মরূপ-মপাং ওইবগী অকনবা মরীগী খুদম অমা ওইনা, ২০২০গী জুন ২৪দা মোস্কোদা পাংথোকখিবা মিলিতরি পেরেদতা ভারতকী কন্তিজেন্ত অমা শরুক য়াখিবা অদু প্রধান মন্ত্রীনা নৌহৌননা পনখি।

কোবিদ-১৯গী মালেমগী লাইচৎ লাকশিন্নবা লৈবাক অনিনা মাইপাক্না পায়খৎলিবা অফবা থবকশিং লুচিংবশিংনা খঙজিনখি অমসুং কোবিদ মতুংদা মালেম অসিনা থেংনগদৌরিবা অৱাবশিং পুন্না থেংননবা ভারত-রসিয়া নকশিন্ননা থবক তৌমিন্নবা হায়না য়ানখি।

চহি অসি লোইশিল্লকপদা ভারত্তা পাংথোক্কদৌরিবা লৈবাক অনিগী চহিগী মীফম অসিগীদমক নাকল অনিগী মরক্তা উনবা অমসুং ৱারী শানবা হেনগৎহনবা হায়না মখোয়না য়ানখি। লৈবাক অনিগী মীফম অদুদা ভারত্তা রাস্ত্রপতি পুতিন ওক্নবা মহাক্না খৌরাং ঙাইরিবা অদু প্রধান মন্ত্রীনা পাউদমখি।

ফোন তৌরকপগীদমক রাস্ত্রপতি পুতিন্না প্রধান মন্ত্রীবু থাগৎখি অমসুং হিরম খুদিংমক্তা লৈবাক অনিগী মরক্তা লৈনরিবা অখন্নবা অমসুং অচেৎপা মরুপ-মপাং ওইবগী মরী অদু মখা তানা কনখৎহন্নবা মহাক্কী থাজবা অমুক হন্না থমখি।

*****



(Release ID: 1635891) Visitor Counter : 182