য়ুনিয়ন পব্লিক সর্বিস কম্মিসন্না সিভিল সর্বিস (প্রিলিমিনরী) একজামিনেসন,২০২০ [ইন্দিয়ন ফোরেস্ত সর্বিস (প্রিলিমিনরী) একজামিনেসন, ২০২০ য়াওনা] ০৫.০৬.২০২০দা ফোঙখিবা শেমদোক্লবা একজামিনেসনশিং/আর.তি.শিংগী মতুং ইন্না ভারত পুম্বদা ০৪.১০.২০২০ (নোংমাইজিং) নুমিৎতা পাংথোক্লগনি।

সিভিল সর্বিস (প্রিলিমিনরী) একজামিনেসন,২০২০ [ইন্দিয়ন ফোরেস্ত সর্বিস (প্রিলিমিনরী) একজামিনেসন, ২০২০ য়াওনা] মশিং য়াম্লবা কেন্দিদেৎশিংদা মীৎয়েং থমদুনা অমসুং কেন্দিদেৎশিংদগী মখোয়গী সেন্তর হোংদোক্নবা অপাম্বশিং পীশিল্লকপগী মতুং ইন্না কম্মিসন্না মখোয়গী অনৌবা সেন্তরগী অপাম্বা পীশিল্লক্নবা খুদোংচাবা অমা পীনবা ৱারেপ লৌখ্রে। মথক্তা পনখিবা অসিগী মথক্তা সিভিল সর্বিস (মেন) একজামিনেসন, ২০২০ অমসুং ইন্দিয়ন ফোরেস্ত সর্বিস (মেন) একজামিনেসন, ২০২০গী সেন্তরশিং হোংদোক্নবা ওপ্সনসু কেন্দিদেৎশিংদা পীরি। মখোয়গী সেন্তরশিং হোংদোকপা পাম্বা কেন্দিদেৎশিংনা হায়জরকপা অদু অহেনবা কেন্দিদেৎশিং হপচিন্নবা সেন্তরশিংনা অহেনবা/মশিং হনগৎনবা থৌরাংলিবা অদুদা হপচিন্নবা তৌগনি।

কেন্দিদেৎশিংনা শেমদোক্লবা অপাম্বা সেন্তরশিং অদু পীশিন্নবা ৱিন্দো অদু তাঙ্কক অনি থোক্না মদুদি জুলাই ২০২০গী ৭ – ১৩ (নুমিদাং পুং ৬) অমসুং জুলাই ২০২০গী ২০ – ২৪ (নুমিদাং পুং ৬)দা কম্মিসনগী ৱেবসাইৎ https://upsconline.nic.in. তা থাজিন্নবা য়াগনি। করিগুম্বা মথৌ তারবদি, কেন্দিদেৎশিংনা ৱেবসাইৎ অসিদা চংদুনা অমদি হায়রিবা চাংয়েং অসিগী মখোয়না অপাম্বা সেন্তরশিং অদু পীশিনবা য়াগনি।

কেন্দিদেৎশিংনা খঙজিনগদবা অদুদি মখোয়না সেন্তর হোংনবগী হায়জরকপা অদু “অহানবা লাকপদা খুদোংচাবা পীবা” অসিদা য়ুম্ফম ওইগনি [কম্মিসন অসিগী চাংয়েং খুদিংমক্তা মসি চৎনৈ অমসুং সিভিল সর্বিস (প্রিলিমিনরী) একজামিনেসন,২০২০ অমসুং ইন্দিয়ন ফোরেস্ত সর্বিস একজামিনেসন, ২০২০গী একজামিনেসন নোতিসশিংদা মসি পনখি] অমসুং সেন্তর অমগী মশিং অদু শুরবদি হায়রিবা অদু খনবা য়াররোই। মখোয়গী অপাম্বা সেন্তর মশিং হেনখিবনা মরম ওইরগা ফংহৌদবা কেন্দিদেৎশিংনা লেমহৌরিবা সেন্তরদগী অমা খনবা মথৌ তাগনি।

সিভিল সর্বিস (প্রিলিমিনরী) একজামিনেসন,২০২০গী একজামিনেসন নোতিস নম্বর ০৫/২০২০-সি.এস.পি. তাং ১২০২/২০২০ অমসুং ইন্দিয়ন ফোরেস্ত সর্বিস একজামিনেসন, ২০২০গী একজামিনেসন নোতিস নম্বর ০৬/২০২০-আই.এফ.ও.এস. তাং ১২/০২/২০২০দা য়াওখিবা কন্দিসনশিং অমসুং ইলিজিবিলিতি অদু অহোংবা লৈরোই।

মথক্তা পীখ্রিবশিং অসিগা লোয়ননা ওগস্ত, ২০২০গী ১-৮কী মতমগী মনুংদা কম্মিসনগী ৱেবসাইৎ https://upsconline.nic.in অসিদা কেন্দিদেৎশিংদা কম্মিসন অসিনা ৱিদ্রোৱেল ৱিন্দো অমসু ফংহনগনি। এপ্লিকেসন ৱিদ্রোৱেল তৌবগী তার্ম অমসুং কন্দিসন পুম্নমক অসি সিভিল সর্বিস (প্রিলিমিনরী) একজামিনেসন,২০২০গী একজামিনেসন নোতিস নম্বর ০৫/২০২০-সি.এস.পি. তাং ১২০২/২০২০ অমসুং ইন্দিয়ন ফোরেস্ত সর্বিস একজামিনেসন, ২০২০গী একজামিনেসন নোতিস নম্বর ০৬/২০২০-আই.এফ.ও.এস. তাং ১২/০২/২০২০দা য়াওখিবা অদুগা মান্নগনি। কেন্দিদেৎশিংনা খঙজিনগদবদি এপ্লিকেসন অদু কেন্দিদেৎনা অমুক ৱিদ্রো তৌখ্রবদি মদু মতুং তারকপদা ফীভম অমত্তদা রিভাইব তৌবা য়ারোই।

*****