২০২০গী নবেম্বর অরোইবা ফাওবা প্রধান মন্ত্রী গরীব কল্যান অন্ন য়োজনা শাংদোক্লগনি হায়না প্রধান মন্ত্রী নরেন্দ্র মোদীনা ঙরাং লাউথোকখ্রে। মহাক্না হায়খি স্কিম অসি জুলাইদগী ২০২০গী নবেম্বর ফাওবা শাংদোকলে। থা ৫গী মতম অসিগী মনুংদা মীওই ক্রোর ৮০ হেনবদা থা অমদা লেম্না চেং/গেহু কেজি ৫ লেম্না পীগনি অমসুং থা অমদা ইমুংদা অমদা চানা মপুম কেজি ১ লেম্না পীগনি।

২০২০গী এপ্রিল-জুন থা মনুংদা থা অমদা মীওই অমদা কেজি ৫ পীবদা সবসিদিগী লুপা ক্রোর ৪৪,১৩১ য়াওরগা চেং এম তি অমদা লুপা ৩৭,২৬৭.৬০ অমসুং গেহু এম তি অমদা লুপা ২৬,৮৩৮.৪০ চাদিং তৌগনি হায়না ফুদ অমসুং পি দি দিপার্তমেন্তনা পানরি।

নফসাগী মখাদা, রাজ্য মনুংদা পুথোক-পুশিন তৌবা অমসুং এফ.সি.আই দিপোতশিংদগী ফেয়র প্রাইজ সোপশিং ফাওবা পুবগী মমল অমসুং দিল্লরশিংগী শেন্দোং অসি নফসাগী মখাদা শেমখিবা নিয়মশিংগী মখাদা ভারত সরকার অমসুং রাজ্যশিংগী পুথোক্কনি। নফসাগী নিয়মশিংগী মখাদা পুথোক-পুশিন অমসুং দিল্লরশিংগী শেন্দোংগী অপুনবা লুপা ক্রোর ১,৯৩০গী শেনফম ভারত সরকারনা পুথোক্কনি। সবসিদি পীবা, রাজ্যশিংগী মরক্তা পুথোক-পুশিন তৌবগী খরচ, দিল্লরশিংগী শেন্দোং অমসুং ইপোস শীজিন্নবগী দিল্লরশিংগী অহেনবা শেন্দোংগী পীগদবা লুপা ক্রোর ৪৬,০৬১গী শেনফম ভারত সরকারনা পুথোক্কনি।

মথক্কী অসিদা য়ুমফম ওইরগা পাবদা, ২০২০গী এপ্রিলদগী নবেম্বর ফাওবা মিল্লিয়ন তন ৩২গী চেং অমসুং গেহু য়েন্থোকপদা পুন্না লুপা ক্রোর ১,২২,৮২৯ চঙগনি হায়না পানরি।

কঞ্জুমর এফেয়ার্স দিপার্তমেন্তগী মতুংইন্না, ২০২০গী এপ্রিল-জুন মনুংদা হৱায় য়েন্থোকপদা চাউরাক্না লুপা ক্রোর ৫,০০০ চঙগনি হায়না পারি। ২০২০গী এপ্রিল-নবেম্বরদা হৱায় য়েন্থোকপদা লুপা ক্রোর ১৩,৩৩৩ চঙগনি হায়না পারি। মসিগী মথক্তা, মপান লমগী শিন্মীশিংদা থা অনি চেং/গেহু য়েন্থোকপদা লুপা ক্রোর ৩,১০৯.৫২ চঙখি হায়না পারি।

সেন্তরনা লেপ্পা চেং/গেহুগী মমল অসি থা অমদা লুপা ক্রোর ১,৪০০ ওইদুনা চাউরাক্না লুপা ক্রোর ১১,২০০ চাদিং তৌখি। অসুম্না, চেং, গেহু অমসুং হৱায় য়েন্থোকপদা চাউরাক্না লুপা ক্রোর ১,৫০,৪৭১ চঙগনি হায়না পানরি।

*****