অনৌবা রিপোর্তনা কোবিদ-১৯গী মতাংসিদা ভারতনা ক্লীন মোবিলিতী অমদি পাৱর সিস্তেমদা মায় ওনশিল্লকপদা থোক্লক্লিবা শীংনবশিং অমদি খুদোংচাবশিং তাক্লি‍

নীতি আয়োগ অমদি রোকী মাউন্তেন ইনস্তিত্যুৎ (আর.এম.আই.)না ঙসি অরূবা, হান্নগী ফীভমদা লায়না হঞ্জিল্লকপা ঙমবা অমদি মমল য়াম্না চঙদবা ভারতকী তুংগী ইনর্জীগী মায়কৈদা ইনোৎ হাপচিনবা অমদি অমুক হিংগৎহনবদা য়ুম্ফম ওইবা রিপোর্ত তুৱার্দ্স এ ক্লীন ইনর্জী ইকনমী: পোস্ত-কোবিদ-১৯ ওপোর্চুনিতীজ ফোর ইন্দিয়া’জ ইনর্জী এন্দ মোবিলিতী সেক্তর্স ফোঙখ্রে‍।

রিপোর্ত অসিনা মতৌ করম্না কোবিদ-১৯না ভারতকী অরূবা ইনর্জীগী মায়কৈদা মায় ওনশিল্লক্নবা, মরু ওইনা চত্থোক চৎশিন অমদি পাৱর সেক্তরগী লমদা পীরিবা ইথিলগী মতাংদা তাক্লি অমদি লৈবাকসিগী লুচিংবশিংদা শেন্মিৎলোন হিংগৎহনবা অমদি অরূবা ইনর্জীগী শেন্মিৎলোন অমগী মায়কৈদা খোঙজেল কায়দনা চঙশিন্নবা ঙাকফম থোকপা চৎন-কাংলোন অমদি খুদোংচাবশিংসু পীরি‍।

কোবিদ-১৯না ভারতকী চত্থোক চৎশিন অমদি পাৱর সেক্তরদা শেন মরাং কায়দবা অমদি সপ্প্লাই ৱাৎপদগী হৌরগা পোত্থোক শীজিন্নরিবশিংগী দিমান্দ অমদি অপামবা হোংলকপা ফাওবা য়াওনা দিমান্দ অমদি সপ্প্লাইদা মশক থোক্না শীংনবা পুরক্লি‍।

নীতি আয়োগ ভাইস চেয়রমেন রাজিব কুমারনা কোবিদ-১৯ লাইচৎ লাকশিল্লবা মতুংদা ভারতকী শেন্মিৎলোন অমুক হিংগৎলকখিগনি হায়না ফোঙদোকখি‍। “ভারতকী মপাঙ্গল কল্লবা দেমোক্রেতিক ইনস্তিত্যুসন অসিনা খুজিল থৌরাংশিং ফীভম কায়দনা থমবদা মতেং ওইরি‍। হৌজিক পায়খৎলিবা শেন্মিৎলোনগী অহোংবা অসিনা, করিগুম্বা নীংথিনা পায়খৎলবদি, লৈবাকসিগী চাউখৎপগী চাং অসি অতৈদগী হেন্না লৈহনগনি,” হায়না মহাক্না হায়খি‍।

“অরূবা ইনর্জীনা ভারতকী শেন্মিৎলোন হিংগৎহন্নবগী অমদি মালেমগী থাক্তা চাংদম্নবা ঙম্নবগী অচৌবা শাফু ওইগনি‍,” হায়না নীতি আয়োগ সি.ই.ও. অমিতাব কান্তনা মখা তাখি‍। “ঐখোয়না অনৌবা নোর্মেল অসিদা লৈবাকসিদা অমদি লৈবাকসিগী ইন্দস্ত্রীদা ভেল্যু পীনবগীদমক মতৌ করম্না ঐখোয়গী ইরমদমগী অনৌবা ইকোসিস্তেম অসিবু শীজিন্নগদগে হায়বসি য়েংশিনবা মথৌ তাই‍। ভারতনা ঐখোয়গী শেন্মিৎলোনগী পাৱরহাউস অনি – ত্রান্সপোর্ত অমদি পাৱর সেক্তর – হিংগৎহনবা ঙমবা অমদি হেন্না মপাঙ্গল কনখৎহনবা ঙমগদবা অকক্নবা থৌওং খরা ঐখোয়না রিকম্মেন্দ তৌরে‍।”

রিপোর্ত অসিনা ভারতকী অরূবা ইনর্জীগী ফ্যুচরবু ঙাক্লৌ পীননবা থৌরাংশিংদা মীৎয়েং থমদুনা পোলিসীমেকরশিং অমদি অতৈ মরূওইবা ফীরেপ লৌগদবা মীওইশিংগী ফ্রেমৱর্ক ওইনা চৎন-কাংলোন মরী য়াত্থোক্তুনা থম্লি: ১) মমল চঙদবা ইনর্জীগী পাম্বৈদা শেন থাদবা, ২) হান্নগী ফীভমদা হঞ্জিল্লকপা ঙমবা অমদি শোয়নিংঙাই লৈতবা ইনর্জী সিস্তেমদা ঙাক্লৌ পীবা, ৩) মওং চুম্না তৌবা অমদি অথোই অহেন তান্নবদা মীৎয়েং চঙবা, অমদি ৪)খুন্নাইগী অমদি অকোয়বগী চাং কায়হন্দনবা খোঙথাং য়োকখৎপা‍।

“ভারতনা লাইচৎ অসিনা পীরিবা শীংনবশিং অসিবু অরূবা ইনর্জীগী মায়কৈদা মায় ওনশিন্নবগী খুদোংচাবা ওন্থোকবা ঙমগদবা অতেনবা, ময়ায় ওইরপ্পা অমদি অশাংবা মতমগী ওইবা শেন্মিৎলোন হিংগৎহনবগী লাল্লোং অমদি খুদোংচাবশিং মশক খঙদোকপা মথৌ তাই,” হায়না নীতি আয়োগকী প্রিন্সিপাল কন্সল্তেন্ত অমদি মিসন দাইরেক্তর অনিল স্রিভাস্তবনা ফোঙদোকখি‍।

ত্রান্সপোর্ত সেক্তরদা লৈবা খুদোংচাবশিংদা মীয়ামগী চত্থোক চৎশিনগী পাম্বৈ শাফবা ফীভম ওইহনবা, নন-মোতোরাইজ ত্রান্সপোর্ত মচাক মথুমশিং ফীভম ফগৎহনবা অমদি পাকথোক চাউথোকহনবা, ওইথোকপা য়াবা মফমশিংদা য়ুমদগী থবক তৌহল্লগা গারী শীজিন্নদুনা চৎপগী কিলোমিতর মশিং হন্থহনবা, পোৎ পুথোক পুশিন তৌবা অমদি মী হোন্দোক হোঞ্জিন তৌবগী লমদা ইলেক্ত্রিক গআরী শীজিন্নবগী লৈবাক্কী খুজিল থৌরাংদা ঙাক্লৌ পীবা, অমদি ভারতপু ওতোমোতিব এক্সপোর্ত হব অমা ওইহনবা হায়বশিং অসি য়াওরি‍।

পাৱর সেক্তরদা লৈবা খুদোংচাবশিংদা ইলেক্ত্রিসিতী দিস্ত্রিব্যুসনগী বিজিনেস অমদি মসিগী থৌওং ফগৎহনবা, রিনিউএবল অমদি দিস্ত্রিব্যুতেদ ইনর্জী রিসোর্সশিং শীজিন্নবা য়াহনবা, অমদি হান্নগী ফীভমদা হঞ্জিল্লকপা ঙম্বা ইনর্জী য়োকখৎপগা লোয়ননা রিনিউএবল অমসুং ইনর্জী স্তোরেজ তেক্নোলোজীশিং লমদমসিদা পুথোকপা হায়রিবশিং অসি য়াওরি‍।

“রিপোর্ত অসিদা য়াওরিবা চৎন-কাংলোনশিং অমদি খুদোংচাবশিং অসিনা ভারতকী তুং কোইগদবা অরূবা ইনর্জীগী ফ্যুচরদা মখা তানা ইনভেস্ত তৌবা য়াগদবা ইনোৎ অমদি হিংগৎহনবগী লম্বীশিং কমদৌনা ইভালুএত অমদি প্রাইওরিতাইজ তৌগদগে হায়বগী মতাংদা ভারতকী পব্লিক অমদি প্রাইভেত সেক্তরগী লুচিংবশিংদা লমজিং পীবা ঙমগনি‍।”

“কোবিদ-১৯না মালেমদা চাউনা অকায়বা পীরে অমদি মীপুম খুদিংমক্কী পুন্সিদা শোকহল্লে‍,” হায়না রোকী মাইন্তেন ইনস্তিত্যুৎকী সেনিয়র দাইরেক্তর ক্লে স্ত্রেঞ্জরনা ফোঙদোকখি‍। “ভারতনা হান্নগী ফীভমদা হঞ্জিল্লক্নবগী থৌরাং লৌখৎলিবা অসিদা অরূবা ইনর্জী অমদি মোবিলিতী সিস্তেমনা পোত্থোক পুথোকপগী চাং হেনগৎহন্দুনা, ইলেক্ত্রিসিতী থাজবা থমবগী চাং হেনগৎহন্দুনা, মমল তাঙনা থাউ পুশিল্লকপা লেপহন্দুনা অমদি নুংশিৎ শেংদোক্তুনা হেন্না রেজিলিএন্ত ওইবা ভারত অমা ওইহনবা ঙমগনি‍।

পুন্না শীজিনমিন্নবা, ইলেক্ত্রিক্কী অমদি শমজিন্নবা পেসেঞ্জর মোবিলিতী অমসুং মমল চঙদবা, অরূবা অমদি ফীভম ফগৎহল্লবা পোৎ পুথোক পুশিন তৌবগী পাম্বৈ শীজিন্নদুনা ইং ২০৩০ ফাওবগী মনুংদা ভারতকী ত্রান্সপোর্ত সেক্তরনা কার্বোন দাইওক্সাইদ থাদোকপাগী অপুনবা চাং গিগাতোন ১.৭ হন্থহনবা অমদি থাউ মিলিয়ন তোন ৬০০লোম শীজিন্নদবা ঙমগনি হায়না রিপোর্ত অসিনা পল্লি‍। রিনিউএবল ইনর্জী, ইনর্জী স্তোরেজ, ফীভম ফবা অমদি ফ্লেক্সিবল ওইবা জেনেরেসন অমদি দিমান্দ হায়রিবশিং অসি শীজিন্নদুনা পাৱর সেক্তরদসু মশক থোক্না কান্নবা পুরকপা ঙমগনি‍।

রিপোর্ত অসি মখাদা পীরিবা লিঙ্ক অসিদা চঙদুনা য়েংবা য়াগনি‍:

নীতি আয়োগ: https://niti.gov.in/sites/default/files/2020-06/India_Green_Stimulus_Report_NITI_VF_June_29.pdf

রোকী মাউন্তেন ইনস্তিত্যুৎ: https://rmi.org/insight/india-stimulus-strategy-recommendations-towards-a-clean-energy-economy/

আর.এম.আই. ইন্দিয়া: https://rmi-india.org/insight/india-stimulus-strategy-recommendations-towards-a-clean-energy-economy/

****