লখনৌগী নেস্নেল বোতনিকেল রিসর্স ইন্সতিত্যুৎ (এন.বি.আর.আই.)না কোবিদ-১৯গী তেস্ত তৌনবা “এদভান্স ওইরবা ভাইরোলোজী লেব” অমা লীংখৎখ্রে। ফেসিলিতি অসি ইন্দিয়ন কাউন্সিল মেদিকেল রিসর্স (আই.সি.এম.আর.), ৱার্ল্দ হেল্থ ওর্গনাইজেসন (দবল্যু.ঐচ.ও.) অমসুং হকশেল অমসুং য়াইফ য়ুম্বাল মন্ত্রালয়না পীবা গাইদলাইনশিং অদু ঙাক্লগা লীংখৎখিবনি।

মসি বাইও সেফতি লেবেল (বি.এস.এল.)গী লেবেল ৩গী ফেসিলিতি অমনি। “ফেসিলিতি অমনা শীজিন্নরিবা পেথোজেনগী মখা পোন্না বাইওসেফতি লেবেলশিং অসি পীগনি। আই.সি.এম.আর.গী গাইদলাইনশিংগী মতুং ইন্না, কোবিদ-১৯গী ওইন্দি বি.এস.এল.২ লেবেল ফেসিলিতি ওইগদবনি অদুবু মসিনা হেন্না এদভান্স ওইবা ভর্জন অমনি” হায়না এন.বি.আর.আই.গী মকোক থোংবা প্রিন্সিপল সাইন্তিস্ত ওইরিবা দোক্তর সমির সাৱন্তনা ফোঙদোকখি। মসিগী এদভান্স ওইবা ভর্জন অসিগী “নেগেতিব প্রেসর” অমা লৈ, মসিগী আর্থদি এরোসেল অমা হেক্তা চিংশিনবা ঙম্বা অমসুং মদু ফিল্তরশিংগী খুত্থাংদা থাদোক্নবা সক্সন ফেসিলিতি অমা য়াওই। মসিনা কলচর তৌনবা ফেসিলিতিশিংদা লায়না শন্দোকপগী ওইথোকপা অদু হন্থহল্লি।

এদভান্স ওইরবা ভাইরোলোজী লেব শঙগাখিবা

এন.বি.আর.আই.গী দিরেক্তর ওইরিবা প্রোফেসর এস.কে. বারিকনা হায় মদুদি ফেসিলিতি অসিনা উত্তর প্রেদেশ (য়ু.পি.)কী তেস্ত তৌবগী চাং অসি হেনগৎহল্লগনি। হৌজিক য়ু.পি.না নোংমদা সেম্পল ২০,০০০রোম তেস্ত তৌরি।

“প্রোতোকল অসি ঙাক্নবা, অহানবা চয়োলদা ঐখোয়না নোংমদা সেম্পল ১০০ তেস্ত তৌবা হৌগনি অমসুং মতুং তারকপদা ঐখোয়না নোংমদা সেম্পল ৫০০ ফাওবদা হেনগৎকনি” হায়না দোক্তর সাৱন্তনা ফোঙদোকখি।

“উত্তর প্রদেশ সরকার অমসুং কাউন্সিল ওফ সাইন্তিফিক এন্দ ইন্দস্ত্রিএল রিসর্স (দি.জি.-সি.এস.আই.আর.)গী মথক থোংবা ওথোরিতিশিংনা হায়রকপগী মতুং ইন্না, কোরোনাভাইরসকী লায়চৎ থোক্লকপা অসিদা উত্তর প্রদেশ মীয়ামগী শেবা তৌনবা এন.বি.আর.আই.না তেস্তিং ফেসিলিতি অসি লীংখৎনবা খোংথাং পাইখৎখি,” হায়না প্রোফেসর বারিকনা হায়খি। সেন্ত্রেল ইন্সতিত্যুৎ ওফ মেদিসিনেল এন্দ এরোমাতিক প্লান্তস (সি.আই.এম.এ.পি.), লখনৌদগী সাইন্তিস্ত অমসুং রিসর্সকী তীম অমা লাক্তুনা কোবিদ সেম্পলশিং তেস্ত তৌবদা এন.বি.আর.আই.দা মতেং পাংলগনি হায়নসু প্রোফেসর বারিকনা পাউদমখি।

*****