শিপ্পিংগী রাজ্য মন্ত্রী (আই./সি.) শ্রী মনশুখ মান্দাবিয়ানা লুচিংদুনা ভিদিও কনফরেন্সিংগী খুত্থাংদা শিপ ওনর এসোসিএসন, সি.এম.দি., শিপ্পিং কোরপোরেসন ওফ ইন্দিয়া; দাইরেক্তর জেনেরেল, শিপ্পিং অমসুং শিপ্পিং মন্ত্রালয়গী সেনিয়র ওফিসিএলগা লোয়ননা ভারত্তা জহাজ শেম্বগী ফেসিলিতীশিং ফগৎহন্নবা অমসুং মালেমদা ইন্দিয়াগী ফ্লেগ শিপ হেনগৎহন্নবগী মতাংদা খন্নখ্রে।

শ্রী মান্দাবিয়ানা ভারতপু ‘শিপ রিপিয়র হব’ অমা ওইনা শেমদোক্নবা জহাজ শেম্বগী চাউরবা ইকোসীস্তেম অমা শেম শানবগীদমক শিপ্পিং ইন্দস্ত্রীগী মীহুৎশিংদগী পাউতাক পীরক্নবা হায়খি। ভারতকী সর্বিস ইঞ্জিনিয়রশিংগী মহৈশিং ফগৎহনবা, য়ার্দ কেপাসিতী হেনগৎহনবা অমসুং লমদমসিদা শাজবা তঙাই ফদনা চংগদবা স্পেয়র পার্তশিং লেপ্তনা পীবা ঙম্নবগী হীরম কয়াদা মরু ওইবা পীদুনা ৱাফম কয়া পনখি।

‘আত্মানির্ভর ভারতকী’ মখাদা প্রধান মন্ত্রী শ্রী নরেন্দ্র মোদীগী মিৎয়েংবু হন্না হন্না পল্লদুনা শ্রী মান্দাবিয়ানা জহাজ শেমজিনবগী ফেসিলিতীশিংদা অনৌবা থৌওং শিজিন্ননিংবগী ৱাফম ফোংদোকখি মরমদি চহী খুদিংগী চাউরাকপা ভেসেল ৩০,০০০ অসি ভারতকী হিথাংফমদা লাকই অমসুং ভারতনা মসিগী খুদোংচাবা অসি লৌফম থোকই হায়খি। শ্রী মান্দাবিয়ানা ওফিসিএলশিংদা ভারতকী ফ্লেগ শিপকী মশিং হেনগৎহন্না এক্সন প্লান অমা পীরক্নবশু হায়খি মরমদি মসিনা ফোরেক্সকী চাউরাকপা য়ু.এস.দি. বিলিয়ন ১৩ তুংশিনবা ঙমদুনা অহেনবা থবক পীবা ঙমগনি অমসুং ইন্দিয়ন তোনেজকা লোয়ননা অতাবা মমলদা ফ্রৈৎ রেৎ স্তেবিলাইজেসন তৌহনবা ঙমগনি হায়খি।

*****