স্তীল অমসুং পেত্রোলিয়ম অমসুং নেচরেল গ্যাসকী মন্ত্রী শ্রী ধর্মেন্দ্র প্রধান্না ঙসি পঞ্জাবকী মন্দি গোবিন্দগরদা মাধব এলোইজনা লিংখৎপা “কন্তিনস গালভনাইজদ রিবার” প্রদক্সন ফেসিলিতী অমা শঙ্গাখ্রে।

থৌরম অদুদা ৱা ঙাংলদুনা, মন্ত্রী প্রধান্না হায়খি, “অয়াম্বা স্তীল, অমসুং মরু ওইনা গালভানাইজ তৌরবা সতীল অসি এনভাইরনমেন্ত-ফ্রেন্দলী ওইবা অমসুং কোস্ত-ইফেক্তিব ওইবা অকনবা মচাক অমনি। ইনফ্রাস্ত্রকচর সেক্তরশিং অমসুং স্তীলগী মথৌ তাবা অমসুং শিজিন্নবগী চাংদা পাক-শন্না চাউথোকহনবদা মিৎয়েং থম্বনা মরম ওইরগা, গালভানাইজ তৌরবা স্তীলগী দিমান্দ অসি শোইদনা হেনগৎলগনি। ঙসি শঙ্গাখিবা কন্তিন্যুৱস গালভানাইজদ রিবার প্রোদক্সন ফেসিলিতী অসিনা মতম কুইনদগী ঙাইরক্লবা কন্সত্রক্সন ইন্দস্ত্রীদা গালভনাইজ তৌরবা স্তীলগী সপ্লাইগী মথৌ তারিবা অদু মতেং পাংলগনি।”

স্তীলগী সেক্তরদা ইরোমদোম লেপচবা ঙম্বগী মতাংদা ঙাংলদুনা শ্রী প্রধান্না হায়খি, “ আত্মানিরভর ভারত হায়বসি অচৌবা মেন্যুফেকচরিং সেক্তর লৈবা, ইরোমদোম লেপচবা ঙম্বা অদুবু মালেমগী পুনবা ইকোনোমী লৈবা অকনবা ভারত অমনি। মসিদা স্তীল সেক্তরনা মরু ওইবা থৌদাং লৌগদবনি। ঐখোয়না দোমেস্তিক্কী ওইবা দিমান্দশিং মপুং ফাহনবদা মিৎয়েং থম্বা খক্তা নত্তনা মালেমগী ওইবা থাজবশিং অদুসু মপুং ফাহনবা ঙমগদবনি। ঙসি শঙ্গাখিবা ফেসিলিতী অসি আত্মানিরভর ভারত অমা ওইহনবগী অচুম্বা মাইকৈদা থাংলিবা খোংথাং অমনি। ”

শ্রী প্রধান্না স্তীলগী মন্ত্রালয়না সেক্তর অসিবু হেন্না মপাঙ্গল খনখৎহন্নবা অমসুং ইরোমদোম লেপচবা ঙম্নবা লৌখৎলক্লিবা খোংথাং কয়া অমা খুদম ওইনা দি.এম.আই. অমসুং এস.পি. পোলিসী, স্তীল ক্লস্তরশিং লিংখৎপা, স্তীল স্ক্রাপ পোলিসী, রো মেতরিয়েলগী সেক্যুরিতী লৈহন্নবা লৌখৎখিবা খোংথাংশিং, স্তীলবু মতিক চানা শিজিন্নবগী মতাংদা থৌগৎপা অসিনচিংবশিং অসিগী মতাংদসু ৱা ঙাংখি ।

*****