লৈবাক অসিদা হৌজিক চত্থরিবা কোবিদ-১৯গী লায়চৎ অসিনা মরম ওইদুনা অমুক্তা থেংনখিদ্রিবা ফিভম অসিনা খুন্নাইগী শেগমেন্ত খুদিংমক্তা অকায়বা পীরি। লায়রবা অমসুং তোঙান্না তাবা খুন্নাইশিংগী পুন্সি মহিংদা শাথিনা শোকহল্লে অমসুং মসিগী লুরবা তাঞ্জাসিদা খ্বাইদগী হেন্না শোকহনবদি ত্রাইবেলশিংদনি। অসিগুম্লবা ৱারবা মতম অসিনা ত্রাইবেল আর্তিসানশিংদা অৱাবা চৈথেং পীরিবা অসিবু খরদা ওইরবসু তেংবাংবা ঙম্নবা হায়দুনা ত্রাইবেল এফিয়ার্স মন্ত্রালয়, ত্রাইফেদনা ত্রাইবেলশিংগী পুন্সি মহিং শোকহন্দনবা মখোয়গী শেন্মিৎলোন্দা শোত্থরিবা অসিবু নৌনা ইনোৎ হাপ্নবা খুদক্কী ওইবা খোংথাং কয়া অমা পায়খৎখ্রে। ত্রাইফেদ দিজিতেল প্লেৎফোর্ম অমা ভিদিও কনফরেন্সিংগী খুত্থাংদা লোঞ্চ তৌবগী থৌরমদা ৱা ঙাংলদুনা কেন্দ্রগী ত্রাইবেল এফিয়ার্সকী মন্ত্রী শ্রী অর্জুন মুন্দানা ‘ত্রাইফেদ লান্মী’গী তিম্না উমংগী পোত্থোকশিং, হেন্দলুম অমসুং হেন্দিক্রাফতা য়ুম্ফম ওইবা ত্রাইবেলগী কম্মর্স অসিবু অনৌবা অৱাংবা থাক্তা ত্রাইবেলশিংগী পুন্সি অমসুং পুন্সি মহিংবু শেমদোক্তুনা পুখৎকনি হায়খি। মীওই কয়ানা ওনলাইন্দা চংদুনা মখোয়গী তোঙান তোঙানবা তঙাইফদবশিং, হায়বদি কারবার চলায়বা, পোৎ-লৈবা অমসুং পাউ ফাওনবগী থৌওংশিং, ফংনবা চংলিবা অসিদগী মালেমগী স্তেন্দর্দকা চান্নবা ই.-প্লেৎফোর্ম অমা শেমদুনা লৈবাক্কী অমসুং মালেমগী থাক্তা পুরক্নবা খুঙ্গংশিংদা য়ুমফম ওইবা ত্রাইবেল প্রদ্যুসরশিংবু অমত্তা ওইনা পুনশিন্নবা দিজিতাইজেসন দ্রাইব অমা চত্থবগী মরু ওইবা খোঙথাং অমা পাংথোকপগী তঙাই ফদবা অদু হৌজিক্তি খংলে।

ত্রাইফেদনা ঙসি শিনখিবা মীওই ২০০হেন্না শরুক য়াখিবা ‘ত্রাইফেদ গোস দিজিতেল’ অমসুং ‘বি ভোকেল ফোর লোকেল’ #GoTribal হায়রিবা ৱেবিনার অদুগী মরু ওইবা মিৎয়েং অসি মথক্তা পল্লিবশিং অসিনা ওইখি। মসিগী মরু ওইবা থৌওংদি সরকারগী ই.-মার্কেৎপ্লেস (জি.ই.এম.)তা ত্রাইব ইন্দিয়া প্রদক্ত লোঞ্চ তৌখিবগা লোয়ননা ত্রাইবেল এফিয়ার্সকী কেন্দ্রগী মন্ত্রী শ্রী অর্জুন মুন্দানা ত্রাইফেদকী অনৌবা ৱেবসাইৎ (https://trifed.tribal.gov.in) অমা লোঞ্চ তৌখিবা অদুনি। ত্রাইফেদকী চেয়রমেন শ্রী রমেশ চান্দ মীনা; ত্রাইফেদকী বোর্দ মেম্বর শ্রীমতি প্রতিভা ব্রহমা; জি.ই.এম.গী জে.এস. অমসুং সি.এফ.ও. শ্রী রজীব কান্দপাল অমসুং পি.আই.বি., এ.দি.জি. শ্রেমতি নানু ভশিন্না লোঞ্চ তৌখিবা অদুদা শরুক য়াখি। বিভাগকী মকোকশিং অমসুং সেনিয়র ওফিসিএলশিংনা ত্রাইফেদকী মহুৎ শিনখি।

থৌরম অসিদা থমোয় শেংনা থাগৎপা ফোংদোক্লদুনা ত্রাইবেল এফিয়ার্সকী কেন্দ্রগী মন্ত্রী শ্রী অর্জুন মুন্দানা অহানবদা সরকারগী ই.-মার্কেৎপ্লেসতা সরকারনা মখোয়গী পোত্থোকশিং লৈনবা খুদোংচাবা পীগদবা ত্রাইবস ইন্দিয়া স্তোর অমসুং মদুগী মতুংদা শেমদোক্লবা ৱেবসাইৎ (https://trifed.tribal.gov.in/) শঙ্গাখি; অমসুং মসিদা ত্রাইবেলগী খুন্নাইদা কান্নবা পীগদবা স্কিমশিংগী ৱারোল অমসুং হৌজিক হৌজিক পাংথোক্লিবা খোংথাং কয়াগী অকুপ্পশিং য়াওরি।

শ্রী মুন্দানা ৱা ঙাংখিবা অদুদা মমাংদা থোকখিদ্রিবা থৌদোক অমা মালেম্না হৌজিক থেংনরিবা অমসুং মসিনা মাইগ্রেন্ত শিন্মীশিংবু কয়া য়াম্না ৱাহনবগে হায়বদুগী মতাংদা পনখি। ‘ত্রাইফেদ লান্মী’শিংনা কন্না হোৎনরিবা থবকশিং অমসুং মন্ত্রাল্যনা ত্রাইবেল আর্তিসান অমসুং গেদররশিংগী শেন্মিৎলোনগী ওইবা ফিভমশিং ফগৎহন্নবা হোৎনরিবশিংবু মহাক্না থাগৎখি। মীয়ামদগী তোখায়না লৈরিবা ত্রাইবেল খুন্নাইশিংবু মপাঙ্গল হাপ্তুনা মখোয়গী হৈ-শিংববু শিজিন্নদুনা কান্নবা লৌবা অসিদা ঐখোয়না অহেনবা মিৎয়েং চংফম থোকই অমসুং অমুক্তা থোকখিদ্রিবা ফিভম অসিনা ঐখোয়দা পীরিবা খুদোংচাবশিং অসি ঐখোয়না কান্নবা মওংদা শিজিন্নগদবনি হায়না মহাক্না হায়খি।

শ্রী মুন্দানা ত্রাইফেদনা ত্রাইবেলশিংবু মেনস্ত্রীমগা শমজিন্নহনবদা অচৌবা থৌদাং অমা লৌরি হায়খি অমসুং ঙসি লোঞ্চ তৌখিবা খোংথাং অনিসিদা য়াওরিবা কাংবুশিংবু থাগৎখি। ফিলোসোফী, শেন্নবগী মপুং ওইবা কাংলোনশিং অমসুং পুন্সিদা থোক্লিবা থৌওংগী খুদমশিংদগী লৌরিবা কান্নবা মচেৎ কয়া শিজিন্নদুনা মহাক্না ত্রাইবেল এফিয়ার্স মন্ত্রালয়গী মাংদা লৈরিবা চাউখৎপগী মিৎয়েং অমসুং ‘ত্রাইফেদ লান্মী’না ত্রাইবেল খুন্নাইবু মেন্সত্রীমগী মরক্তা তিলহন্নবা হোৎনরিবা থবকশিং অদু মীয়ামদা পাউদমখি। মহাক্না ত্রাইবেল খুন্নাইশিংদা লৈরিবা কান্নরবা ই-পাউশিং অমসুং অখংবশিং অসিদা মীয়াম্না মিৎয়েং চংবিয়ু অমসুং মসিনা হৌজিক ওইরিবা ৱারবা ফিভম অসিদা মখোয়গী খুন্নাইগী চাউখৎপা পুরক্নবতা নত্তনা লৈবাক অমসুং মীয়ামদা কান্নবা কয়া অমা পীগনি হায়না হায়খি।

ত্রাইফেদকী থবক থৌরমশিংগী অকুপ্পা ৱারোল য়াওবা প্রজেন্তেসনগী মতুংদা, ত্রাইফেদকী চ্যেরমেন শ্রী রামেশ চান্দ মীনানা ত্রাইফেদকী তীম পুম্নমকপু মখোয়না কন্না হোৎনবগীদমক থাগৎপা ফোঙদোকখি অমসুং ত্রাইবেলগী শেন্মীৎলোনগী লুপা লাখ ২ অসি শোইদনা শরুক অনি নত্রগা অহুম হেনগৎকনি মহাক্না থাজৈ। লোয়ননা, হোৎনবা অসিনা ত্রাইবেল গেদররশিং অমসুং আর্তিসনশিংগী পোত্থোকশিং অমসুং পুথোক্লিবশিং অসি লৈবাক অমসুং মপালদা শীজিন্নবা হেল্লগনি হায়না মহাক্না থাজৈ।

মহাক্কী থৌরম হৌদোকপগী ৱারোল পীবা হৌরকপদা ত্রাইফেদকী মেনেজিং দিরেক্তর, শ্রী প্রাবির কৃষ্ণনা অহানবা ওইগদোরিবা ৱেবিনার অমগী খুথাংদা দিজিতেলগী ওইবা থৌরাং অনিগী ফোর্মেল লোঞ্চতা শরুক য়াবগীদমক কেন্দ্রগী মন্ত্রীবু থাগৎপা ফোঙদোকখি। কেন্দ্রগী মন্ত্রীনা লেপ্পা লৈতনা ত্রাইবেলগী য়াইফনবা তৌখিবা মতেং অদুবু শকখঙবা উৎপা ওইনা ত্রাইফেদকী আশা লৈরবা দিজিতেলগী ওইবা দ্রাইব অমসুং মসিনা অহানবা ওইগদৌরিবা তেক্নোলোজি অসি শীজিন্নদুনা মেনস্ত্রীমগা মরী থমগদৌরিবা ত্রাইবেল লাখ ৫০(আর্তিসিয়নশিং, গেদররশিং,দ্বেল্লরশিং) হেনবগী পুন্না মফম অমা শেম্বদা করম্না মসিনা পান্দম থম্বগে হায়বগী মতাংদা শ্রী কৃষ্ণনা ফোঙদোকখি। শ্রী কষ্ণনা জে.ই.এমগী তীমনা ত্রাইবস ইন্দিবা স্তোর অসি জে.ই.এম.দা লাইব থাদোকপা অসি ওইথোকহন্নবা মতেং পাংখিবগীদমক থাগৎপা ফোঙদোখি।

শ্রী রাজীব কন্দপাল, জে.এস. অমসুং সি.এফ.ও., জি.ই.এম.না মহাক্কী ৱারোলদা তি.আর.আই.এফ.ই.দি. অমসুং জি.ই.এম. তীমশিংনা অপুনবা লমজিং অমসুং লুচিং মখাদা করম্না পুন্না কন্না হোৎনবগে হায়বগী মতাংদা পনখি অমসুং মসিনা জি.ই.এম.দা ত্রাইবস ইন্দিয়া স্তোর পুরক্কিবনি হায়খি। লৈঙাক্কী বিভাগকী মন্ত্রায়শিং অমসুং পি.এস.য়ু.শিংনা হৌজিক গবর্নমেন্ত ই-মার্কেৎপ্লেসকী খুথাংদা ত্রাইবস ইন্দিয়াগী পোত্থোকশিং হৌজিক এক্সেল তৌবা য়ারগনি অমসুং জি.এফ.আর.গী রিগুলেসনগী মতুং ইন্না লৈবা য়ারগনি। মহাক্না জি.ই.এম.দা সোসিএল ইনক্লুজন অসি মরুওইবা মীৎয়েং অমনি হায়না ফোঙদোকখি অমসুং স্তার্ত অপশিং, খুঙ্গংগী ওন্তপ্রিনোরশিং, ত্রাইবেল ওন্তপ্রোনোরশিং, নুপী, ত্রাইবেলশিংগুম্বা নিচে সপ্লাইয়র সেগমেন্তশিং পুক্নিং থৌগৎকদবনি হায়খ্রে। পোজিতিব রেস্পোন্স পুথোক্লিবা নৌনা শঙ্গাখিবা ররেল দিবেলপমেন্ত স্তোরগী খুদম পীরদুনা,

ৱারোল অসিগী মতুংদা ত্রাবেল কম্ম্যুনিতিগী অৱাবা ফীভমশিং কোকহন্নবা তি.আই.এফ.ই.দি.না লৌখৎলিবা দিজিতেল ত্রান্সফোর্মেসনগী মনুং চল্লিবা খোংথাং পুম্নমক অমসুং তীম অসিনা পীরিবা তোঙান তোঙানবা পাম্বৈশিংগী মরমদা কুপ্না উৎখি। প্রজেন্তেসন অদুনা হৌজিক চত্থরিবা মরুওইনা ঙসি লোঞ্চ তৌখিবা দিজিতেল ইনিসিএতিব অনিদা অহেনবা মীৎয়েং থমখি। মসিনা তি.আর.আই.এফ.ই.দি. অমসুং ত্রাইবেল এফিয়র্স মন্ত্রালয়না লৈবাক অসিগী ত্রাইবেলশিংগী অৱাবা কোকহনবদা মতেং পাংনবা লৌখৎলিবা পাম্বৈশিং অদু শাংনা য়াওখি। লুপা কোতি ২০০০গী অপুনবা প্রোক্যুরমেন্তকা (সরকার অমসুং লনাইগী ললোল-ইতিক্কী খুথাংদা) লোয়ননা ত্রাইবেলশিংগী অৱাবা কোকহনবা খোংথাং অমা ওইনা থোরক্লিবা এম.এফ.পি. স্কিমগী এম.এস.পি. অমসুং ত্রাইবেল এফিয়র্স মন্ত্রালয়গী খোংথাং অমা ওইরিবা বন ধন য়োজনা ( স্তার্ত-অপস স্কিম) মাই পাক্না ইমপ্লিমেন্তেসন তৌদুনা ত্রাইবেল ইন্তর্প্রাইসেস ১২০৫ লিংখৎপা অমসুং ত্রাইবেল গেদরর লাখ ৩.৬তা থবকশিং অমসুং স্তেৎ ২২দা সেল্ফ-হেল্প গ্রুপ ১৮০৭৫কী খুদোংচাবশিং পীবা অনিমক পল্লদুনা প্রজেন্তেসন অসিনা মসিগী অমসুং অতোপ্পা খোংথাংশিংগী কান্নবশিং উৎলি। অখন্ননা মহারাস্ত্র, ছত্তিশগর, নাগালেন্দ, মনিপুরগুম্বা তোঙান তোঙানবা চেম্পিয়ন স্তেৎশিংগী ফলশিং খুদম ওইনা উৎখি। প্রজেন্তেসন অসিনা অৱাবা অসিগী মনুংদা পাইখৎকদবা অতোপ্পা খোংথাংশিংসু উৎখি।

ত্রাইফেদনা কোভিদ-১৯ মনুংদা এম এফ পিগা মরি লৈনবা পাউতাক পিখ্রে, মদুদি ইশা-ইশানা লু-নান্না অমদি হকচাং ফনা লৈনবগীদমক অখনবা হৈনবী থম্নবা হোৎনবা, অমগা অমগগী মরক্তা হকথেংননা শেল পিথোক-পিশিন তৌদবনচিংবশিং অসিনা। হায়রিবা অসি হন্দক্তা অয়াবা পিখিবা ৱন ধন কেন্দ্র ১২০৫গী মনুংদা ৱন ধন এস ঐছ জিদগী ‘ৱন ধন সোসিয়ল দিস্তেন্সিং এৱ্যর্নেস অমদি লাইভলিহুদ সেন্তর’ ১৫০০০ শেমগৎপগী থবক তৌরি। ত্রাইফেদনা থৌরাং অসি পুক্নিং থৌগৎনবগীদমক দিজিতল কমুনিকেসন স্ত্রেতিজি অমা শেমননবা য়ুনিসেফ (UNICEF)কা খুৎশম্নখ্রে। অসিদসু নত্তনা ত্রাইফেদনা ত্রাইবল কাংলুপকী হিংবদা তঙাইফদ্রবা চানা থকনবা অমদি রাসন পিনবগীদমক আর্ত ওফ লিভিং ফাউনদেসনগী #iStandWithHumanity Initiative কা লোইননা শরুক য়ামিন্নখ্রে।

ত্রাইবেলশিংগী মথৌতাবা পোৎলমশিং তাংকক খুদিংমক্তা ফংহন্নবগীদমক দিজিতল স্ত্রেতিজি অমা ওইনা অনৌবা কলা অমা ওইনা ৱেবসাইত ((https://trifed.tribal.gov.in) হাংলে। হায়রিবা ৱেবসাইত অসিদা ওরগনাইজেসনগা মরি লৈনবা পাউশিং অমদি মখল মখা কয়াগী ত্রাইবেল ৱেলফিয়র স্কিমশিং; ত্রাইবেল কলাকারশিংগী পোৎথোকশিং লৈবা-য়োনবা য়ান্নবা ই-মার্কেত শেম্বা; ৱন ধন য়োজনা শরুক য়ামিন্নরিবা ফোরেস্ত দ্ৱেলরশিং, খুংগংগী কৈথেলনচিংবশিংগা মরি লৈনবা অকুপ্পা মরোল দিজিতেলাইজেসন তৌবা হায়রিবশিং অসি ৱেবসাইত অসিদা লোইনমক লিংক তৌহনগনি।

ত্রাইবেল পুন্সি অমদি লালোন ইতিক্কী ফিভম অসিনা য়ুমফম ওইদুনা ত্রাইফেদনা সরকারগী অমদি লনাই লালোন ইতিক অমদি মসিগা মরি লৈনবা শেল পিথোক-পিশিনগী থবকশিংদগী এম.এফ.পি.গী লৈনবগী দিজিতেলগী মওংদা ওইহন্নবগী থবক হৌখ্রে। ই-কমর্সতগী খুদোংচাবা লৌদুনা ত্রাইবস ইন্দিয়াগী পোত্থোকশিং অসি অমাজোন, পে.তি.এম. অমসুং সোপক্লুগুম্বা অতৈ প্লেৎফোর্মশিংদা মখল খুদিংমক্কী পোৎলমশিং অমসুং ওফরশিং শোইদনা ফংহন্নবা www.tribesindia.com দা মফম খুদিংমক্না পুন্না থবক তৌমিন্ননবা ফংহনখ্রে। মসিদা দোক্রা মেতল ক্রাফ পিসেসকুম্বা ক্রিএতিব মাস্তরপিসশিং অমসুং আর্তিফেকশিং, ফজরবা চফু শাবগী পোৎলম, মখল-মখা কয়াগী পেন্তিং মখলশিংদগী মচু শংলবশিং, শিজিন্নবদা নুংঙাইবা এপরেলশিং, তোপ-তোপ্পা জেৱলরীশিং অমসুং ওর্গানিক অমসুং মহৌশানা ফংবা চান-থক্নবশিং ফংই।

মসিদা নত্তনা ত্রাইবস ইন্দিয়া ই-মার্কেৎপ্লেস অসি সোর্সিং অমসুং স্তোক অসি য়োন্নবগীদমক্তা মশা মথন্তা থবক পাংথোকচবা ওইবা রিতেল ইনভেন্তরী মেনেজমেন্ত সিস্তেমগী মখোংদা তারক্কদৌরি, মসিগী ই-মার্কেৎকী প্লেৎফোর্ম অসিদা ত্রাইবেল লাক্ষ ৫রোমগী আর্তিসানশিংবু ওন-বোর্দতা পুরক্নবগীদমক্তা এম্বিসিয়স ওইবা খোংথাংনি। মখোয়শিংবু নেস্নেল অমসুং ইন্তর্নেস্নেলগী মার্কেৎফাওবা য়ৌহনগনি। মসি জুলাই ২০২০ফাওবদা লোইশিনখিবা য়াই।

ত্রাইফেদকী বন ধনগী পুনশিন্নরবা ই-পাওগী নেৎৱর্ক অসি খ্বাইদগী তানা শৌগৎপা প্রাইস ওপরেসন্দা থবক পাংথোক্লিবা উমংগী মীশিং অমসুং মসিগী বন ধন য়োজনাগা মরি লৈনবা ই-পাও খুদিংমক পুনশিন্ননবা খুদোংচাবা পী, মসি খুঙ্গংগী হাৎ অমসুং গোদামশিংগা শম্নহল্লি। মসি লৈবাক অসিগী য়াম্লবা থৌরাংশিং অসি য়েংশিন্নবা অমসুং নিংথিজনা পাংথোকহন্নবগী খুদোংচাবগীদমক ৱারেপ লৌবদা মতেং পাংগনি। মসিগী য়োজনা অসি ত্রাইবেল ৩,৬১,৫০০গী পুন্সিবু থেংনবা রাজ্য ২২দা চৎনহনখ্রে। লৈবাক পুম্বদা মশক খংনবা অমসুং মশক মেপ্পিং তৌনবা ত্রাইবেল কাংলুপ অসি আত্মনির্ভর অভিয়ান্দগী মতিক চারবা বেনিফিসিয়রিশিংনি। মসিগী পান্দমদি মৃতোঙান-তোঙানবা মন্ত্রালয় অমসুং এজেন্সিশিংগা পুন্না থবক তৌমিন্ননবা অমসুং অসিগুম্বা শোল্লবা অমসুং খুদোংথিনিংঙাই ওইবা ফীভমদা লৈরবা কাংলুপশিং অসিদা খুদোংচাবা ফংহন্নবনি। ত্রাইফেদ অসিনা আত্মনির্ভর অভিয়ান্দগী ত্রাইবেলগা মরম ওইবা ৱায়েল-কাংলোন পাংথোক্নবা অমসুং মখোয়বু তেংবাংনবগীদমক নিংথিজবা মওংদা শেমখিবনি।

ত্রাইফেদকী ই.দি. শ্রী রামতেকেনা মহাক্কী থাগৎপগী ৱারোলগা লোয়ননা পুক্নিং থৌগৎনিংঙাই ওইবা অমসুং ই-পাও ফংনিংহাই ওইবা সেসন অসি লোইশিনখি। মহাক্না কেন্দ্র মন্ত্রী শ্রী অর্জুন মুন্দাগী পুক্নিং থৌগৎনিংঙাই ওইবা অমসুং ৱাখল-লৌশিংগী ওইবা ৱাফম থম্বিখিবগীদমক থাগৎপা ফোংদোকখি অমসুং মহাক্না লমজিংবিরিবা অমসুং গাইদলাইনশিং অসি মখা তানা তৌবিনবা ৱাফম ফোংদোকখি।

লিঙ্ক য়েংবিনবগীদমক মসিদা ক্লিক তৌবিয়ু: -

*****