কেন্দ্রনা রাজ্যশিং/য়ু.তি.শিংনা কোবিদ-১৯ শন্দোরকপা অসি লান্থেংননবগীদমক্তা হোৎনরিবা অসিদা মখোয়গী মতেং পাংদুনা লাক্লি। কেন্দ্র সরকারনা কোবিদ-১৯ নমথনবা অমসুং লাকশিন্নবা দিল্লীগী এন.সি.তি.দা চাউরবা তোবাং অমা পাংখ্রে।

ইন্দিয়ন কাউন্সিল ওফ মেদিকেল রিসর্চ (আই.সি.এম.আর.)না ওজিক ফাওবদা দিল্লীদা লৈবা মথৌ তৌরিবা লেব ১২দা আর.তি.-পি.সি.আর. তেস্ত লাখ ৪.৭ পাংথোক্নবগীদমক্তা দাইগ্নোস্তিক মেতরিয়েল পীখ্রে। মখোয়না তেস্ত তৌবগীদমক্তা তঙাইফদবা আর.এন.এ. এক্সক্ত্রক্সন কিৎ ১.৫৭ অমসুং কোবিদ-১৯গী সেমপলশিং লৌখৎনবগীদমক্তা ভি.তি.এম. (ভাইরেল ত্রান্সপোর্ত মেদিয়ম) অমসুং স্বাব লাখ ২.৮৪ পীখি। কেসশিং অসিনা খঙহৌদনা খংহেন হেনগৎলকপগী ফিভম অসি য়েংলগা আই.সি.এম.আর.না এন্তিজেনদা য়ুমফম ওইবা রেপিদ তেস্তশিং তৌবদা অয়াবা পীখি অমসুং অসিগুম্বা এন্তিজেন রেপিদ তেস্ত কিৎ ৫০,০০০ অসি কোবিদ-১৯ নমথনবগীদমক্তা হোৎনরিবা অসিদা মতেং পাংনবগীদমক্তা দিল্লী সরকারদা পীখি।

হকশেল অমসুং য়াইফ-য়ুম্বালগী মখাদা লৈবা নেস্নেল সেন্তর ফোর দিজীজ কন্ত্রোল (এন.সি.দি.সি.)না কোবিদ-১৯ সর্ভীলেন্স অমসুং রেসপোন্স স্ত্রেতেজীগী মাইকৈ খুদিংমক্তা তেক্নিকেলগী ওইবা লমজিং-লমতাক পীবীদুনা দিল্লী সরকারনা হোৎনরিবশিং অসিদা মতেং পাংখি। হায়রিবা হীরমশিং অদুদা য়াওরিবশিং অদুদি লাইচৎ অসিনা হৌরকপা মতমদা লৈখিবা ক্বাইরেন্তাইন ফেসিলিতীশিং অমসুং কোবিদ কেয়র সেন্তরশিং (সি.সি.সি.) অদু খঙদোকপা অমসুং মদুগী এসেসমেন্ত তৌবা; সর্ভীলেন্সতা ওরিয়েন্তেশন ত্রেনিংশিং অমসুং তেক্নিকেলগী ওইবা মতেংশিং পীবা, কন্তেক্ত ত্রেসিং তৌবা অমসুং ইনফেক্সন তৌবদগী ঙাকথোকপা অমসুং মসিবু লাকশিনবা য়াওনা লেবকী ওইবা হীরমশিং, খঙদোকপা ঙম্লবা অৱাৎপা লৈরিবশিং অমসুং মসিগীদমক্তা পুথোরক্লিবা পাম্বৈশিং অদুগী দেতা এনালিসিস অমসুং মদুগী ফীদবেক অদু মতম চানা দিল্লী সরকারদা পীবা। এন.সি.দি.সি.নসু দিল্লী সরকারগী লেব প্রোফেশনেলশিংগী ত্রেনিং পীবগা লোইননা আর.তি.-পি.সি.আর.না সেমপলশিংগী প্রোসেসিং তৌনবগীদমক্তা লেবোরেতরী দাইগ্নোস্তিক্কী ওইবা তেংবাংসু পীখি।

এন.সি.দি.সি.না পীরিবা তেক্নিকেলগী ওইবা মতেংশিং অদুদা লৈরিবা ফিভমগী এনালিসিস তৌনবগীদমক্তা এক্সপর্তশিংগী সেন্ত্রেল তীম কয়া অমা থাদোকপা অমসুং মসিগী মতুং ইন্না চুনগদবা রিকমেন্দেশনশিং পীবা; দিল্লীগী নৌনা শেমদোক্লবা কোবিদ রেসপোন্স প্লান অদু চৎনহনবদা মতেং পাংনবা জিলাগী থাক্তা লৈবা তীমশিং অদুগা লৈংমান্ননা থবক তৌনবা অমসুং তেক্নিকেলগী ওইবা ইনপুৎশিং পীনবা পব্লিক হেল্থ এক্সপর্তশিং থাদোকপা; অমসুং দিল্লীদা কোবিদ-১৯গী মতাংদা সেরো-প্রেভালেন্স স্তদি অমা থৌরাং তৌবা অমসুং মদুবু থবক ওইনা পাংথোকপশিং অসি য়াওরিবনি। নৌনা শেমদোক্লবা দিল্লী কোবিদ রেসপোন্স প্লান অসি এন.সি.দি.সি.না হকথেংননা মতেং পাংদুনা শেমখিবনি।

এন.সি.দি.সি.না ২০২০গী জুন ২৭তগী ২০২০গী জুলাই ১০ ফাওবা দিল্লী শিনবা থুংনা সেরোলোজিকেল সর্ভে অমা পাংথোক্কদৌরি। মীওই ২০,০০০দগী ব্লদ সেমপলশিং লৌদুনা এন্তি-বোদীশিং খুদম-চাংদমশিং য়েংনবা তেস্ত তৌগদৌরি।

দিল্লীগী এন.সি.তি.দা কোবিদ নমথনবগী পাম্বৈশিংদা মতেং পাংনবা হোৎনবগী শরুক অমা ওইনা, ফমুং ১০,০০০ লৈবা “সরদার পতেল কোবিদ কেয়র সেন্তর” অসি দিল্লীগী ছত্তরপুরদা লৈবা রাধা সোআমি সতসঙ্গ বীসতা শেমগৎলি। হায়রিবা সেন্তর অসি চলাইবগী, মেদিকেল পর্সোনেলশিংগী মতৌ তাবা মশিং মতিক চানা ফংহনবা য়াওনা থবক-থৌরম পুম্বা ইন্দো-তিবেতান বোর্দর পুলিস (আই.তি.বি.পি.)না থৌওং অসিদা লুচিংবগা লোইননা সেন্ত্রেল আর্মদ পুলিস ফোর্সশিং (সি.এ.পি.এফ.শিং)দা খুৎশিন্নখ্রে।

দি.আর.দি.ও.না শাবা অমসুং আর্মীগী দোক্তরশিং অমসুং পেরামেদিকেল স্তাফশিংনা শেন্নবা ফমুং ১০০০ অমা লৈবা অনৌবা গ্রীন ফীল্দ হোসপিতাল অসি ধৌলা ক্বানগী মনাক্তা লৈবা মফম অমদগী মথংগী চয়পলদা মথৌ তৌবা হৌরগনি। হায়রিবা ফীল্দ হোসপিতালশিং অসি নই দিল্লীগী এ.আই.আই.এম.এস. তাথোক-তাশিন তৌবগী অনকপা মরী লৈগনি। হায়রিবা হোসপিতাল অসি ওক্সিজেন, ভেন্তিলেতরশিংগা লোইন-লোইননা আই.সি.য়ু.সু য়াওগনি।

ভারত সরকারনা কেন্দ্রগী ওইনা এন.৯৫ মাস্ক লাখ ১১.১১, পি.পি.ই. কিৎ লাখ ৬.৮১, ঐচ.সি.ক্যু. তেব্লেৎ লাখ ৪৪.৮০ লৌখি অমসুং মখোয়শিং অদুবু দিল্লীদা য়েন্থোকখি। ভেন্তিলেতর ৪২৫ দিল্লীগী শরুক থুংখি অমসুং হায়রিবশিং অদু জি.এন.সি.তি.গী হোসপিতাল কয়া অমদা য়ৌহনখি।

দিল্লীদা পেসেন্তশিং অদুগী লুবগী ফিভমগী মতুং ইন্না কোবিদকী পেসেন্তশিং অদুবু লায়েংনবা দেদিকেতেদ কোবিদ হোসপিতাল ৩৪ (দি.সি.ঐচ.), দেদিকেতেদ কোবিদ হেল্থ সেন্তর ৪ (দি.সি.ঐচ.সি.), দেদিকেতেদ কোবিদ সেন্তর ২৪ (দি.সি.সি.সি.) লৈ। অসুম্না দিল্লীদা পুন্না ফেসিলিতী ৬২ অসিনা কোবিদ-১৯ লায়েংবগী থবক্তা শরুক য়ারি। হায়রিবা ফেসিলিতীশিং অসিগী মশিং নোংম-নোংমগী ওইনা অসুম হেনগৎলক্লি।

দিল্লী সরকারদা শিখিবা মীওই (কোবিদ-১৯দগী) খুদিংমক্কী মতাংদা মীওই অদুনা শিদ্রিঙৈগী মমাংদা নুমিৎ কয়ানিগী মমাংদা হোসপিতালদা পুরকখিবগে অমসুং কদাইদগী পুরকখিবগে হায়বগী এসেমেন্ত অমা পাংথোক্নবা খঙহল্লকখ্রে। হায়রিবা মীশক অদুনা হোম আইসোলেসন্দা লৈখিব্রা অমসুং মীশক অদু মতম চানা হোসপিতালদা পুরকখিব্রা হায়বগী মতাংদা অখন্নবা মিৎয়েং চংগদবনি। অশিবা খুদিংমক ভারত সরকারদা মতম চানা খঙহনগদবনি। কোবিদ-১৯না মরম ওইরগা লৈখিদ্রবা পেসেন্তশিংগী অশিবআ হকচাংশিং অদু মখোয়গী অনকপা মরী-মতাশিংদা খুৎশিন্নবদা অমসুং মখোয়গী তৌফম থোকপা অরোইবা মথৌ-মঙমশিং অদু পাংথোকপদা পন্থবা লৈহল্লোইদবনি হায়না হোসপিতাল খুদিংমক্তা অহকপা য়াথংশিং পীখ্রে।

*****