তরামঙাশুবা ফাইনান্স কম্মিসন্না (এক্স.ভি.এফ.সি.) জুন ২৬ অমসুং ২৬, ২০২০দা হৌজিক হৌজিক কম্মিসন অসিনা থেংনরিবা খুদোংচাদবশিংগী মরমদা খন্ননবা মসিগী এদবাইজরী কাউন্সিলগা ভর্চুএলগী মীফম ফমখ্রে। এক্স.ভি.এফ.সি.গী চেয়রমেন শ্রী এন.কে. সিংহনা লুচিংখিবা মীফম অদুদা কম্মিসনগী সেনিয়র ওফিসিএলশিং অমসুং মেম্বর খুদিংমক্না শরুক য়াখি। এদবাইজরী কাউন্সিলগী মাইকৈদগী দাঃ কৃষ্ণমুরতী সুব্রমনিয়ম, দাঃ সাজিদ জেৎ. চিনোয়, দাঃ প্রাচি মিশ্রা, শ্রী নীল্কান্থ মিশ্রা অমসুং দাঃ ওমকার গোস্বামিগা লোয়ননা অখন্ননা কৌখিবা দাঃ রাথিন রোয়না জুন ২৫, ২০২০দা পাংথোকখিবা মীফমদা শরুক য়াখি। এদবাইজরী কাউন্সিলদগী দাঃ অর্বিন্দ ভিরামনি, দাঃ দি.কে. স্রিবাস্তবা, দাঃ এম. গোবিন্দা রাও অমসুং দাঃ সুদিপ্তো মুন্দলেগা লোয়ননা দাঃ শঙ্কর অচার্য়া অমসুং দাঃ প্রোনাব সেননা জুন ২৬, ২০২০গী মীফমদা শরুক য়াখি। মীফম অসি ইং ২০২০-২১গী এক্স.ভি.এফ.সি.গী রিপোর্ত পীশিনখিবা মতুংগী ওইনা এদবাইজরী কাউন্সিলগা লোয়ননা পাংথোকপা অহুমশুবা অমসুং কোবিদ-১৯না মরম ওইদুনা লৈবাক শিনবা থুংনা লোকদাউন লৈখিবা মতুংগী ওইনা অনিশুবা ওইনা ফমখিবনি।

এদবাইজরী কাউন্সিলগী মেম্বরশিংনা খনবগী মতুং ইন্না মখোয়না কম্মিসনগা এপ্রিলদা উন্নখিবা মতুংদগী লৈবাক্কী লোকদাউন অসি মে লোয়বা ফাওবা শাংদোকখ্রে অমসুং হৌজিক্তি অথিংবা কয়া লৈরম্বা অদু তাঙ্কক নায়না লৌথোরকপদগী শেন্মিৎলোনগী থবক থৌরমশিং অসি অমুক্কা হন্না থবক তৌবা হৌরক্লে। তৌবতবু লায়চৎ অসিনা কেন্দ্র অমসুং রাজ্য সরকারগী শেন্মিৎলোন অমসুং সরকারগী শেন্থোক্তা কয়া য়াম্না শোকহনবগে হায়বদুদি খংবা ঙমদ্রি। এনালিস্ত অমসুং থিঙ্ক-তেঙ্ক কয়ানা ইং ২০২০-২১গী ওইবা য়াবা জী.দি.পি.গী শাহৌ অসি হন্থনা পীরি। হৌজিক চত্থরিবা সোসিএল দিস্তেন্সিংগী খোংথাংশিং অমসুং মফম কয়াদা অথিংবা লৈবা অসিনা সপ্লাই চেন অসি মহৌশাগুম্না হঞ্জিল্লক্ত্রি অমসুং মসিনা হান্নগুম্না ফগৎলকপগী থৌওংদদি য়াম্না অকায়বা পীরি।

এদবাইজরী কাউন্সিলনা কেন্দ্র অমসুং রাজ্য সরকারগী তেক্সতগী লাকপা শেনফমশিংনা শেন্মিৎলোন্দা কয়াম্না শোকহনগনি হায়বসু খন্নখি। লায়চৎ অসিনা তেক্স খোমজিনবদা খুদোংচাদবা কয়া লৈহনগনি হায়বদু পল্লদুনা কাউন্সিলগী মেম্বরশিংনা লায়চৎসিনা তেক্স খোমজিনবদা য়াম্না চাং নাইদবা চৈথেং পীগনি হায়খি।

সরকারগী মাইকৈদা ওইবা য়াবা দিফিসিৎ অমসুং দেৎকী মতাংদা খন্নখিবগা লোয়ননা লায়চৎ অসিগী মতুংদা পব্লিক দেৎপু হেন্না ফগৎহনবগী লম্বী অমা শেম্বগী ওইথোকপা য়াবা অমসুং মদুদা থেংনগদবা খুদোংচাদবশিংগী মরমদসু খন্নখি। চাদিং তৌবগী ওইনদি হকশেল, লায়রবশিংদা তেংবাংখিবা অমসুং শেন্মিৎলোনগী ওইবা অতোপ্পা মরমশিংগী মতুং ইন্না সরকারনা য়াম্না চাদিং তৌখিবা ওইগনি হায়নসু খন্নখি।

এদবাইজরী কাউন্সিলগী মেম্বরশিংনা লাক্কদৌরিবা মতমশিংদা তং তাদবা কয়া অমা থেংনগনি অমসুং কম্মিসন অসিনা চহী-মঙাগী মতমগী ফিস্কেল ত্রান্সফর তৌবগী থৌওং শিনবদা থেংনগদবা চাংয়েং কয়াগী মতাংদসু পনখি। কম্মিসন অসিনা এদবাইজরী কাউন্সিলগা লোয়ননা শেন্মিৎলোন অমসুং ফিস্কেল ফ্রন্ততা ওইরক্কদৌরিবা ফিভমশিং অসি খ্বাইদগী ফবা ফিভম ওইহনবা ঙম্নবা কুপ্না য়েংশিনগনি।

*****