নীতি আয়োগনা বিল এন্দ মেলিন্দা গেৎস ফাউন্দেসন (বি.এম.জি.এফ.), সেন্তর ফোর সোসিএল এন্দ বিহেবিয়রেল চেঞ্জ (সি.এস.বি.এস.), অশোকা য়ুনিভর্সিতি, অমসুং হকশেল মন্ত্রালয়শিং অমসুং দবল্যু.সি.দি.গা চুশিন্নদুনা ঙসি ‘নেবিগেতিং দি ন্যু নোর্মেল’ কৌবা লমচৎ শাজৎতা অহোংবা পুরক্নবা কেম্পেন অমা অমসুং মসিগী ৱেবসাইৎ হৌদোকখ্রে।

নীতি আয়োগকী মেম্বর দোক্তর ভি.এ. পোল, সি.ই.ও. অমিতাব কান্ত, প্রিন্সিপল সাইন্তিস এদবাইজর পরোফেসর কে. বিজেরাঘভন, বি.এম.জি.এফ. কন্ত্রী দিরেক্তর হরি মেনন অমসুং মেককেন ৱার্ল্দগ্রুপ ইন্দিয়াগী মমিং লৈরবা শৈরেংবা অমসুং সি.ই.ও. অমসুং সি.সি.ও., প্রাসোন জোশি য়াওনা ঙসি হৌজিক থোক্লিবা লায়চৎ অসিগী ‘অনলোক’ ফেজ মনুংগী ওইবা কোবিদকী শাফগদবা লমচৎ শাজৎ মরু ওইনা মাস্কশিং উপ্পাদা মীৎয়েং থমদুনা কেম্পেন অসি হৌদোকখি। নীতি আয়োগ, হকশেল অমসুং য়াইফ য়ুম্বাল মন্ত্রালব অমসুং বি.এম.জি.এফ.কী মকোক থোংবা ওফিসিএলশিংসু য়াওখি। ৱেনকাস্ত অমগী থংদা পাঙথোকখিবা ভর্চ্যুল ওইনা হৌদোকপা অসিদা নীতি আয়োগকা পুন্না থবক তৌরিআ এন.জি.ও. অমসুং সিবিল সোসাইতি ওর্গনাইজেসন (সি.এস.ও.) ৯২,০০০ রোমনা শরুক য়াখি।

ভারত সরকারনা অমসুং নীতি আয়োগকী সি.ই.ও.না চিয়র তৌদুনা শেম্বা এম্পাৱর তৌখ্রবা গ্রুপ ৬গী লুচিং মখাদা কেম্পেন অসি শরুক অনি থোকই। অহানবা অসিনা হৌজিক চৎথরিবা অনলোক ফেজ অসিগী মনুংদা তৌগবা কোবিদকী শাফগদবা লমচৎ শাজৎকা মরী লৈনবা কাংলোনশিংগী বিহেবিয়রেল সাইন্স অমসুং ইঙ্কিৎ অমসুং খুন্নাইগী চৎনলোনচৎশিং শীজিন্নবগী থীওরিনা পীবা ৱারোমশিং য়াওবা ৱেব পোর্তেল http://www.covidthenewnormal.com/ অমসুং অনিশুবা অসিনা মাস্কশিং করম্না উপকনি হায়বদা মীৎয়েং থম্বা মীদিয়া কেম্পেন অমা।

নীতি আয়োগকী সি.ই.ও. অমিতাব কান্তনা হৌদোকপগী ৱারোল থম্লদুনা হায়, ‘ভারতনা অনলোক তৌবা অসিদা মরু ওইনা ৱারিবা অসি মীয়াম অমসুং ইন্সতিত্যুসনশিংদা করম্না কোবিদকী শাফগদবা লমচৎ শাজৎ চৎকদগে হায়না থৌগৎপা অসিনি। ভেক্সিন অমা পুথোকত্রিবা ফাওবদি মাস্ক উপ্পাগা লোয়ননা হেন্দ হাইজিন অমসুং সোসিএল দিস্তেন্সিং থম্বা অসিনা নোবেল কোরোনাভাইরস অসি শন্দোকপা তপথহনবদা মরু ওইগনি।’

‘এম্পাৱর তৌরবা গ্রুপ ৬ অমসুং হকশেল মন্ত্রালয়না পাম্লিবা অসি ঐখোয়না মথৌ তারিবা খুন্নাইগী লমৎ শাজৎ অসিদা অয়াবা পীদুনা মসি চৎনহনবগী পোৎলুমসি সরকারদগী প্রজাদা পীদুনা চৎনহনবা অসিনি। নীতি আয়োগনা বিল এন্দ মেলিনদা গেৎস ফাউন্দেসন অমসুং সেন্তর ফোর সোসিএল এন্দ বিহেবিয়রেল চেঞ্জকা লোয়ননা খুৎশমন্দুনা মীয়ামদা অচম্বা, লায়না তৌবা য়াবা ৱাখল্লোনশিং শেমদুনা মখোয়গী অকোয়বদা মসিগী লমচৎ শাজৎ অসি চৎপদা লায়হন্ননবা খুদক্তা অমসুং তুংদা তৌনবা হোৎনরি।’

নীতি আয়োকী মেম্বর দোক্তর ভি.কে.পোলনা হায় ঐখোয়গী তুংলমচৎ অসি ভাইরস অসিগী মখা পোনবা নত্তে ঐখোয়গী লমচৎ শাজৎশিংদনি। ‘করিগুম্বা ঐখোয়না অরাপ্পা থম্লবা, মাস্কশিং উপলবা, নত্রগা ভেক্সিনশুম্বা পল অমা শীজিন্নরবদি ভাইরস অসি শন্দোকপা ঙম্লোই। মীওইবগী হৈজ-শিংজবা অদুগা লোয়ননা ঐখোয়না ভাইরস অসি লান্থেংনরি। করিগুম্বা ঐখোয়না কোবিদকী শাফগদবা মচৎ শাজৎ অসি ঙাক্না চৎলবদি, ফিদম্নফম ওইরবা মালেম অসিদা ভাইরস অসিনা শন্দোরকপা ঙম্লোই। অখন্ননা মীৎয়েং চংগদবা মফমশিং অদুদি ঐখোয়গী মীশিং অসিগী খ্বাইদগী য়াম্বা অমদি লায়না অসি নারকপা য়ারিবা অপিকপা ফেক্তরীশিং অমসুং লাইরবা শিন্মীশিং অসিনি অমসুং মসিগী পাউজেল অসি কদায়দা অমসুং কনাদা তৌরগা মখোয়দা তাহনবা য়ৌহনবা অসিনি। ঐখোয়না কেম্পেন অসি শেমগৎপদা আশা তৌরিবা অদুদি মসিগা মান্নবা অতোপ্পা কয়া লৈহনগনি; মসি শুবনতগী ঈথক মচা অমা ওইরোই অদুবু মসি লমচৎ শাজৎকী অহোংবা পুরক্নবা অচৌবা সুনামি অমা ওইহনগনি হায়বা অসিনি।’

প্রিন্সিপল সাইন্তিস এদবাইজর কে. বিজেরাঘভাননা খোংথাং অসি থগৎখি অমসুং ঐখোয়গী মরক্তা অরাপ্পা থমদ্রবদি লায়না অসি লাকশিনবা ঙমদবা মওংদা শন্দোরক্কনি হায়না ফোংদোকখি। অখন্নবা থৌ পুরিবা এম.ও.এচ.এফ.দবল্যু.গী ওফিসর রাজেশ ভুশননা মন্ত্রালয়গী মাইকৈদগী কেম্পেন অসিদা অঙম্বা মতেং পাংগনি হায়খ্রে।

বি.এম.জি.এফ.কী ভারত লৈবাক্কী দিরেক্তর হরি মেনননা আয়, ‘ঐখোয়না ভারত সরকার অমসুং নীতি আয়োগকা খুৎশমন্দুনা লৈবাক অসিনা কোবিদ-১৯ থেংনবদা অঙম্বা মতেং পাংগনি। কোবিদ-১৯ ঙাকথোক্নবা লমচৎ শাজৎশিং থৌগৎপা ওইনা বিহেবিয়রেল সাইন্স অসি থবক ওইনা ওন্থোক্তুনা অরাইবা অমসুং অচম্বা মওংদা শীজিন্ননবা সরকার অসিগা লোয়ননা অফবা খোংথাং অমা ওইনা পুন্না হোৎনমিনবা অসি ঐখোয়গী ওইনদি লাইবক ফবনি। ঐহাক্না আশা তোরি মদুদি “নেবিগেতিং দি ন্যু নোর্মেল” কেম্পেন অসিনা মরু ওইনা মাস্ক উপ্পনা ঙাকথোক্নবা লমচৎ শাজৎ অসি ইন্দুনা মহৌশাগী পুন্সিদা পুরকপদা মতেং ওইরগনি।’

মেককেন ৱার্ল্দগ্রুপ ইন্দিবাগী সি.ই.ও. অমসুং সি.সি.ও. প্রাসোন জোশিনা হায়, ‘ ফেজ অসিগী মনুংদা ঐখোয়না খুদোংচাদবা কয়া থেংনৈ। ঐখোয়না কোবিদকা চান্নবা লমচৎ শাজৎশিং অসি ঐখোয়গী নুংতি-নুমিৎ খুদিংগী ওইবা শরুক অমা ওইদ্রিবা ফাওবা য়ারিবা মখৈ ঙাক্কদবনি। ঐখোয়না হোৎনরিবা অসি মীয়াম্না মাস্ক উপ্পগী হৈনবী অসি লৈহন্নবনি। খুন্নাই অসিগী শরুক অমা ওইনা মাস্কশিং উপ্পগী মথৌ তাবা অসি ঐখোয়না ঙাক্কদবনি, অমসুং ঐখোয়গী লমচৎ শাজৎকী শরুক অমা ওইরে হায়বা অসি উৎকদবনি।’

https://www.youtube.com/watch?v=pbaSzQQ9q5s&feature=youtu.be

কেম্পেন অসিগী মরমদা:

ৱেবসাইৎ

এম.ও.ঐচ.এফ.দবল্যু. অমসুং অতোপ্পা স্তেকহোল্দরশিংগা লোয়ননা দেবেলপ তৌবা ৱেবসাইৎ অসিগী পান্দমদি মীয়ামনা শরুক য়াবা হেনগৎহনবা অমসুং মসিদা সি.এস.ও.শিং অমসুং এন.জি.ও.শিং য়াওহনবনি। মসিনা তোঙান তোঙানবা সেক্তরশিংদা কোবিদকী শাফগদবা লমচৎ শাজৎশিং অসি থবক ওইনা ওন্থোকহনবদা ললোং শিন্নবা মফম অমা অমসুং ৱাশকপা ঙমহল্লগনি। মসিনা সি.এস.ও.শিং, এন.জি.ও.শিং, মীয়াম, ইন্সতিত্যুসনশিং, অঙ্গনৱাদি ৱার্করশিং অমসুং দিস্ত্রিক্ত এদমিনিস্ত্রেসন য়াওনা মীওই অমা হেক্তনা চংবা য়ানবা পান্দম থম্মী। ই-পাউ অসি লৈরবদি ইন্সতিত্যুসনশিং অমসুং সিইল সোসাইতি ওর্গনাইজেসনশিংনা কোবিদকী শাফগদবা লমচৎ শাজৎশিং অসি ঙাকতুনা মখোয়গী মহৌশাগী ওইবা থবক থৌরমশিং তৌবা ঙম্লগনি।

অনলোক ফেজ অসিদা মরু ওইবা লমচৎ শাজৎ মরি ইমপ্লিমেন্ত তৌবদা পোর্তেল অসিনা মীৎয়েং থম্লি:

1. মাস্ক উপ্পা

2. সোসিএল দিস্তেন্সিং

3. হেন্দ হাইজিন

4. মীয়াম তীনবা মফমদা লোক-তিন শিৎতবা

হকশেল, মচি ওইবা চিঞ্জাক অমসুং পব্লিক ত্রান্সপোর্ত (অচৌবা সহরশিংদা) অসিগী ওইনা অখন্নবা সেক্তরগী কান্ননবা অমসুং গাইদলাইনশিং ৱেবসাইৎ অসিনা পীরি।

মাস্ক উপ্পদা য়ুম্ফম ওইবা কেম্পেন অমা

মাস্ক চুম্না উপনবা মওং তাক্নবা মীদিয়া শীজিন্নগনি। মসিগী অচম্বা খোংথাং অসিনা কোবিদ-১৯ লান্থেংনবদা অচৌবা অহোংবা অমা পুরকই হায়বদা হায়মনবা থোকলোই।জাপান অমসুং সাউথ কোরিয়া গুম্বা লৈবাক্তা ‘মাস্ক উপ্পা’ অসি খুন্নাইনা য়ারবা চৎনবী অমা ওইখ্রে। মাস্ক উপ্পগী কেম্পেন অসি বিল এন্দ মেলিনদা গেৎস ফাউ্দেসনগা মেককেন ৱার্ল্দগ্রুপকা লোয়ননা চুংশিন্নদুনা দিজাইন তৌবনি।

*****