দিবেলপমেন্ত ওফ নোর্থ ইস্তর্ন রীজন (দি.ও.এন.ই.আর.)গী রাজ্য মন্ত্রী (মনীংতম্বা), এম.ও.এস. পি.এম.ও., পর্সোনেল, পব্লিক গ্রিবান্সেস অমসুং পেন্সন, এতোমিক ইনর্জী এন্দ স্পেসকী কেন্দ্রগী মন্ত্রী দা. জিতেন্দ্র সিংহনা ঙসি দিল্লীদা আই.এ.এস. সিবিল লিস্ত-২০২০ অমসুং মসিগী ই-ভর্জন লোঞ্চ তৌখ্রে। মসিগী লিস্ত অসিনা লৈরিবা প্রোফাইলগী মতুং ইন্না অচুম্বা থবক্কী অচুম্বা ওফিসর খনবদা তেংবাংগনি অমসুং মীয়ামগী ওফিসশিং পান্নরিবা ওফিসর ময়ামগী ৱারোল খঙফম ওইবা কান্নবা পথাপ অমা ওইগনি হায়খ্রে।

মসি আই.এ.এস. সিবিল লিস্তকী ৬৫শুবা ইদিসন্নি অমসুং স্তেৎ কেদর খুদিংমক্কী আই.এ.এস. ওফিসরশিংগী ফোতো য়াওবা ২শুবা ই-সিবিল লিস্তনি। লিস্ত অসিদা বেৎচকী, কেদর স্তেৎকী, হৌজিক লৈরিবা পোস্তিংগী, তলব অমসুং এলাৱেন্স, মহৈগী থাক অমসুং সুপরএনুএসনগী ৱারোল য়াওরি।  

দা. জিতেন্দ্র সিংহনা প্রধান মন্ত্রীনা মমাংগী চহী ৫-৬তা দি.ও.পি.তি.দা তত্তনা হায়বগী মতুং ইন্না মীয়ামগী অফবা ওইনবা রিফোর্ম কয়া অমসুং অনৌবা থৌওং কয়া উবা ফংলে হায়খি। মে ২০১৪দগী উরক্লিবা তোঙানবা মওংগী ৱারেপ কয়া অমা পল্লদুনা মহাক্না হায়খিবদা মতম কুইনদগী চৎনরক্লবা গেজেতেদ ওফিসর অমনা চে-চাং এতেস্তেদ তৌবগী থৌওং তোকহন্দুনা মশানা এতেস্তেদ তৌজহনবা, আই.এ.এস. ওফিসরশিংনা মখোয়গী কেরিয়র হৌরকপা মতমদা কেন্দ্র সরকারগী এসিস্তেন্ত সেক্রেতরী ওইহনবগী চৎনবী, পি.এম.গী এক্সেলেন্স এৱার্দস ওফ দি.এ.আর.পি.জি.গী ৱারেপশিং অসি য়াম্না অহোংবা ওইবা ঙাক্তনি হায়খি। 

মন্ত্রীনা হায়খিবদা নেস্নেল রিক্রুইৎমেন্ত এজেন্সী অমা শেম্বগী থৌওং য়াম্না খুমাং চাউশিল্লে অমসুং মসি থবক ওইনা চৎনরবা তুংদদি কেন্দিদেৎশিংদা থাক মান্নবা লৈমায়দা চাংদম্নবা ফংহনবগী ওইনা পুৱারীদা নীংশিংদুনা লৈহৌরগনি হায়খি। এন.আর.এ.না নন-গেজেতেদ পোস্তকী থবক অসি জিলা খুদিংদা তেস্ত সেন্তর লৈহন্দুনা ওনলাইন্দা কম্মন ইলিজিবিলিতী তেস্ত পাংথোক্তুনা লৌরগনি। ফ্রন্তলাইন ৱর্করশিংনা কোবিদ-১৯ থেংননবা  ত্রেনিংগী তঙাই ফদবা য়েংশিনবগী চান্নরবা আই.জি.ও.তি.দা ওফিসর লাখ ২৫ হেনবনা রেজিস্তর তৌরক্লিবা অসি পনবদা য়াম্না নুংঙাইবা ফাওই হায়না মহাক্না হায়খি। মসিগী থৌওং অসিনা আই.এ.এস. ওফিসর অমবু কোরোনাগী লান্মী ওইহন্নবা ত্রেনীং পীবদা তেংবাংগনি হায়খি। মসিগা লোয়ননা কোবিদকা মরী লৈনবা মীয়ামগী ৱাকৎ ৫০,০০০ হেনবা অসি গ্রাইবেন্স সেলনা ফংলে অমসুং মসিগী পাউখুম পীবদা নুমিৎ ১.৪ চংবগা লোয়ননা অথুবা মতমদা লাখ অমা হেল্লগনি। মসিগী খোংথাংশিং অমসুং শেমদোকপশিং অসিনা মীয়াম্বু লৈঙাকপদা লায়হন্দুনা মীয়াম্না হিংবদসু নুংঙাইবা ওইরগনি হায়না দা. জিতেন্দ্র সিংহনা হায়খি।

*****