ভর্চ্যুল থৌরম অমগী খুত্থাংদা কেন্দ্রগী হকশেল অমসুং য়াইফ য়ুম্বাল মন্ত্রী দোক্তর হার্শ বর্ধননা শ্রী অস্বিনি কুমার চৌবে, এম.ও.এস.(ঐচ.এফ.দবল্যু)গী মমাংদা ২০২০গী চহিগী তি.বি.রিপোর্ত ফোঙখ্রে। ত্রেনিং মোদ্যুল অমা ওইরিবা নিক্সশে সিস্তেমগী মখাদা তি.বি. নারবা মীওইশিংগী দাইরেক্ত বেনিফিৎ ত্রান্সফর (দি.বি.তি.)গী মেন্যুএল অমা ওইরিবা জোইন্ত মোনিতরিং মিসন (জে.জে.এম.) রিপোর্ত অমসুং থা অহুমগী ওইবা ন্যুসলেতর নিক্সশে পত্রিকাদা মখোয়না ফোঙখি।

রিপোর্ত অসিদা য়াওবা চাওনা মাই পাকখিবশিং অদুদি:

• ২০১৯দা চাওরাক্না তি.বি. নারবা মীওই লাখ ২০.০৪ খঙবা ঙমখি। মসিনা ২০১৮গী চহিদা থেংনখিবা তি.বি. অদুগা চাংদম্নবদা ১৪% হেনখি।
• নিক্সশে সিস্তেমগী খুত্থাংদা তি.বি. নারবা মীওইশিং ওনলাইনদা খঙদোকপা অদু মপুং ফাগৌরে।
• খঙদোকপা ঙমহৌদবা কেসকী মশিং ২০১৭দা লাখ ১০ হেল্লম্বদগী কেস লাখ ২.৯দা হন্থখ্রে।
• লনাই সেক্তরনা খঙদোকপা ঙম্বা তি.বি. নারবা মীওই অসি লাখ ৬.৭৮ ওইবগা লোয়ননা ৩৫% হেনগৎখ্রে।
• লায়না মোলিকুলর দাইগনোসিস তৌবা য়াবনা মরম ওইরগা, অঙাংদা তি.বি. নাবা খঙদোকপা ঙম্বা অসি ২০১৮গী ৬%গা চাংদম্নবদা ২০১৯দা ৮%দা হেনগৎখ্রে।
• তি.বি নারবা মীওই পুম্নমক্কী ঐচ.আই.ভি. তেস্ত তৌবগী খুদোংচাবা ফংহনবা অসি ২০১৮গী ৬৭% দগী ২০১৯দা ৮১%দা হেনগৎখ্রে
• লায়েংবগী খুদোংচাবা হেনগৎহনবনা মরম ওইরগা খঙদোক্লবা অনাবশিংগী লায়েংবদা মাই পাকপগী চাং অসি ১২%দা হেনগৎখ্রে। ২০১৮গী ৬৯%গা চাংদম্নবদা ২০১৯কী ওইনা ৮১% ওই।
• লৈবাক অসিগী খুঙ্গং খুদিংমক্তা দোত সেন্তর লাখ ৪.৫ হেনবনা লায়েং পীরি।
• নিক্সশেনা প্রোগ্রাম অসিগী দাইরেক্ত বেনিফিৎ ত্রান্সফর (দি.বি.তি.) স্কিম মরিগী খুদোংচাবা হেনগৎহনখ্রে–
  1. তি.বি. নারবা মীওইদা নিক্সশে পোশান য়োজনা (এ.পি.ৱাই.)
  2. লায়েং পীরিবশিংদা তেংবাং
  3. লনাইগী প্রোভাইদরশিংদা তেংবাং অমসুং
  4. খঙদোক্লবা ত্রাইবেলগী মফমশিংগী তি.বি. নারবা মীওইশিংদা চৎথোক চৎশিনগী তেংবাং

তি.বি.গী চহিগী রিপোর্ত ফোঙলদুনা দোক্তর হার্শ বর্ধননা হীরম অসিদা থৌদাং লৌবা য়াওরিবা পুম্নমক্না পুন্না হোৎনবা অসিবু থাগৎখি। “থৌনা লিংজেল লৈরবা প্রধান মন্ত্রী শ্রী নরেন্দ্রা মোদীনা লুচিংলিবা ভারত সরকার অসিগী মখাদা মালেমগী ওইনা পান্দম থম্লিবা অসিগী মমাংদা ২০২৫ অসিদা লৈবাক অসিদগী তি.বি. মুথৎপগী এস.দি.জি. পান্দম ফংনবা হোৎনরি। আশা কয়া থম্লিবা পান্দম অসিগা চান্ননবা প্রোগ্রাম অসি রিভাইস নেসনল ত্যুবরক্যুলোসিস কন্ত্রোল প্রোগ্রাম (আর.এন.তি.সি.পি.) অসি নেসনল ত্যুবরক্যুলোসিস ইলিমিনেসন প্রোগ্রাম (এন.তি.ই.পি.) হায়না মমিং ওনখ্রে” হায়না ফোঙদোকখি।

“চহিগী রিপোর্ত অসিদা য়াওরিবা অসিগী মতুং ইন্না লৈবাক অসিদা তি.বি. লাকশিনবগী তোঙান তোঙানবা খোংথাংশিংদা শীংথংনিঙাই ওইনা মাই পাকখি। রেঙ্কিং অসিনা স্তেৎ.য়ু.তি. পুম্নমক্না মখোয়গী পান্দমশিং ফংনবা হোৎনবদা ফগৎনবা থৌনা শোইদনা হাপলগনি। ঙল্লিঙৈদা ময়েক শেংনা খঙদোকপা লোয়ননা চান্নবা লায়েং চৎথবা অসিনা তি.বি. মুথৎপদা মরু ওই। নেসনল তি.বি. ইলিমিনেসন প্রোগ্রাম (এন.তি.ই.পি.)না মখোয়গী লেবোরেতোরী নেতৱার্ক লোয়ননা দাইদনোসতিক ফেসিলিতী অনিমক লৈবাক্কী মফম পুম্নমক্তা শন্দোকখ্রে। ২০২৫ ফাওবদা তি.বি. মুথৎনবা, মুল্তি-সেক্তোরেল এপ্রোচ অমগী খুত্থাংদা তি.বি.গী থবক থৌরমশিং চাওথোকপা অমসুং হকচাং শোকচল্লবা তি.বি. নারবশিংদা য়ৌহনবা মথৌ তাই। হোৎনরিবা পুম্নমক অসিনা কান্নরবা ফমশিং পুরক্লি।”

লায়না অসি লান্থেংনবদা থীন্থনবা মরম ওইরিবা লৈবাক অসিদা তি.বি. নারবা মীওইশিংদা থম্লিবা অমকপা ৱাখল্লোনশিং অসিগী মতাংদা দোক্তর হার্শ বর্ধননা হায়, “ঐখোয় লৈবাক অমত্তগী মচা ওইনা তি.বি. অমসুং অকোয়বনা য়েংলিবা অমকপা ৱখল্লোন অসিগী মায়োক্তা লান্থেংননবা অমত্তা ওইনা পুনশিনবা মথৌ তাই মসিনা তি.বি. নারবা মীওইশিংনা হন্থনা য়েংবা য়াওদনা ইজৎ লৈনা লায়েং চৎথবা ঙমগনি। খুন্নাই অসিনা অনাবা মীওইদা থৌনা হাপ্পদা অমসুং পুক্নিং থৌগৎবদা মতেং পাংগদবনি।”

তি.বি. নোতিফিকেসন তঙাই ফদবা ওইহনবা অমসুং ক্বালিতি তি.বি. কেয়রশিং পীদুনা নেস্নল তি.বি. প্রোগ্রামদা লনাইগী সেক্তরশিংনা পীবা ঙম্বা মরু ওইবা মতেং অদু পল্লদুনা মহাক্না হায় কোলাবোরেতরি অমসুং রিগুলেতরি খোংথাংশিং অনিমক্কী মতেংনা লনাইগী সেক্তরদা ২০১৯দা লৈবাক অসিনা তি.বি. অনাবা ৬,৬৪,৫৮৪ খংদোকপা ঙমখ্রে অদুগা মসিনা ২০১৮গা চাংদম্নবদা তি.বি. নোতিফিকেসন্দা ২২% হেনগৎপা ঙমখ্রে।

“মসিগী চহি অসিগী মরুওইবা শরুক অমদি অহানবা ওইনা সেন্ত্রেল তি.বি. দিভিজন (সি.তি.দি.)না স্তেৎ অমসুং য়ু.তি.শিংনা তি.বি. মাংহন্নবা খোথাংশিংদা থা অহুমগী রেক্কিং অমা হৌদোকপা অসিনি। তি.বি. অনাবশিং হীদাক চংদবগী লায়েংবগী মরি লৈনবা, তি.বি. অনাবশিংগী ঐচ.আই.ভি. তেস্ত তৌবা, নিক্সশে পোশান য়োজনা (দি.বি.তি.)গী মওংদা তি.বি. অনাবশিংদা মচি ওইবা চীঞ্জাক্কী মতেং, খংদোক্লবা তি.বি. অনাবশিংগী মরক্তা য়ুনিভর্সেল দ্রগ সসসেপ্তিবিলিতী তেস্তিং (য়ু.দি.এস.তি.) কভরেজ, তি.বি. প্রিভেন্তিব থেরাপি (তি.পি.তি.) কভরেজ অমসুং ফাইনান্সিএল এক্সপেন্দিচরশিং অসি এসেসমেন্ত ক্রাইতেরিয়া”দা চল্লে, হায়না হকশেল মন্ত্রীনা ফোঙদোকখি।

শ্রী অশ্বিনি কুআর চৌবে, হকশেল অমসুং য়াইফ—ুম্বালগী স্তেৎ মন্ত্রীনা হায় “সরকারা য়ৌবা ঙমদবা য়ৌবা ঙম্নবা অমসুং তি.বি. অনাবশিং মখোয়গী নারিঙৈ মনুংদা মতেং পাংনবা তি.বি.গী কম্ম্যুনিতি-বেজ রেসপোন্সতা য়ুমফম ওইবা মরুওইবা খোংথাং অমা হান্ননা লৌখৎখ্রে। চহি অসিগী অরোইবদা স্তেকহোল্দরশিং লোয়না য়াওরগা স্তেৎ/ য়ু.তি. অমসুং দিস্ত্রিক্তকী থাক্তা তি.বি. ফোরম ৭০০গী মথক্তা লিংখৎলগনি। মসিগী তি.বি. ফোরমশিং অসিনা তি.বি.গী খুদোংথীবশিং মায়োক্ননবা মল্তি সেক্তরেল অমসুং কম্ম্যুনিতি-লেদ রেস্পোন্স অমা পীগনি”।

মীশিং লাখ ৫০ হেনবা অচৌবা স্তেৎশিংগী কাংলুপশিংদা, গুজরাৎ, অন্ধ্র প্রদেশ অমসুং হিমাচল প্রদেশতা খ্বাইদগী ফবা পর্ফোর্মিং স্তেৎশিংগী এৱার্দ পীখি। মীশিং লাখ ৫০দগী তাবা অপীকপা স্তেৎশিংগী কাংলুপশিংদা ত্রিপুরা অমসুং নাগালেন্দদা এৱার্দ পীখি। য়ুনিয়ন তেরিতোরীগী কাংলুপ্তা দাদরা অমসুং নগর হভেলি অমসুং দামন অমসুং দ্যুবু খ্বাইদগী ফবা পর্ফোর্মর ওইনা খনখি।

কুমারি প্রীতি সুদান, সেক্রেতরি (এম.ঐচ.দবল্যু.), শ্রী রাজেশ বুশন, ও.এস.দি. (ঐচ.এফ.দবল্যু.), কুমারি আর্তি অহুজা, এদিস্নেল সেক্রেতরি (হেল্থ), দোক্তোর ধর্মেন্দ্র সিংহ গঙৱার, এ.এস. অমসুং এফ.এ., এস.ঐচ. রাজীব গর্গ, দিরেক্তর (দি.জি.ঐচ.এস.) অমসুং হকশেল অমসুং য়াইফ-য়ুম্বাল মন্ত্রালয়গী সেন্ত্রেল তি.বি. দিবিজনগী মকোকথোংবা অতোপ্পা ওফিসরশিং য়াওখি। রিপোর্ত থাদোকপগী থৌরম অদুনা স্তেৎ/য়ু.তি. থাক্কী ওফিসিএলশিং, পার্তনর ওর্গনাইজেসনশিং, সিভিল সোসাইতীগী কাংলুপশিং অমসুং তি.বি.চেম্পিয়নশিং ভর্চুএল ওইনা শরুক য়াবা থেংনখি।

*****