ঙাকশেল মন্ত্রালয়
ওপরেসন সমুদ্র সেতু – আই.এন.এস. এরাবৎনা মালদিবতগী ভারত মচা ১৯৮ পুরকখ্রে
Posted On:
23 JUN 2020 7:50PM by PIB Imphal
"ওপরেসন সমুদ্র সেতু"গীদমক্তা ইন্দিয়ন নেভীনা থাখিবা, আই.এন.এস. এরাবৎনা ঙসি জুন ২৩, ২০২০গী অঙনবা অয়ুক্তা তুতিকোরিন হিথাংফমদা মালদিবকী মালেদগী পুদুনা লাকপা ভারত মচা ১৯৮গা লোইননা থুংলখ্রে। অশুম্না হৌজিক ফাওবদা ইন্দিয়ন নেভীনা ভারত মচা ২৩৮৬ মালদিবতগী ভারত্তা পুরকখ্রে।
ভারত মচাশিংবু জহাজদা পুদুনা লাকপগী খোংথাং অসি মালদিবতা লৈবা ভারতকী মিসন্না পায়খৎখিবনি। তৌফম থোকপা তঙাইফদবা মেদিকেল স্ক্রীনিংশিং তৌরবা মতুংদা পর্সনেলশিংদু জহাজদা কাহনখি। সমুদ্র খোংচৎ অদুগী মনুংদা কোবিদকা মরী লৈনবা চেকশিন্নবগী কাঙলোন পুম্নমক মতীক চানা ইনখি।
পুথোরক্লিবা মীওইশিং অদু তুতিকোরিন্দা লোকেল ওথোরিতীশিংনা ওকখি অমসুং জহাজদগী খোংলৈ থুনা কুমথনবা, হেলথ স্ক্রীনিং, ইমিগ্রেসন অমসুং চত্থোক চৎশিন পুম্নমক শীনবীখি।
হায়রিবা মী হোন্দোকপগী থবক অসিগা লোইননা ইন্দিয়ন নেভীনা হৌজিক ফাওবদা ভারত মচা ৩৩০৫ মালদিব, শ্রী লঙ্কা অমসুং ইরান্দগী হৌজিক লৈরিবা লাইচৎ অসিগী মনুংদা হোন্দোরকখ্রে।
***
(Release ID: 1633816)
Visitor Counter : 177