ইনফোর্মেসন অমসুং ব্রোদকাস্তিংগী মিনিস্তর প্রকাস জাবরেকারনা ভর্চুএল ইন্দিয়া পেবিলিয়ন হাংদোক্তুনা ঙসিদগী ভারত কান্স ফিল্ম ফেস্তিবেল ২০২০ শরুক য়াবা হৌখ্রে । ফেস্তিবেল অসি ২০২০গী জুন ২২দগী জুন ২৬ ফাওবা চৎথগনি ।

কান্স ফিল্ম মার্কেতকী ভর্চুএল ইদিসন অসি ঐখোয়গী প্রধান মন্ত্রীনা মীওইবা খুন্নাইনা চপ মান্নবা শিংনবা অমা মায়োক্নবা মতমদা পুন্না থেংনবা অমসুং খাংবা কন্নবা হায়খিবা ৱাফম অদু থবক ওইনা উৎলে ।

মালেমগী ফিল্মগী মীওইশিং অমসুং ফিল্ম পামজবশিংদা মিনিস্তরনা হায়খি ভর্চুএল ওইনা হাংদোক্লিবশিং অসি অনৌবা চৎনবীশিংনি অমসুং হায়রিবা ভর্চুএল স্পেসশিং অসি অনৌবা মরুপশিংগী অনৌবা মফমশিংনি । ফিল্মশিং ভারতকী থৌনানি অমসুং ফিল্ম পুথোক্নবা কেন্দ্র অমসুং রাজ্য সরকারশিংনা অয়াবা পীনবা সিঙ্গল ৱিন্দো অমা শেম্লগনি । মালেমগী ফিল্ম পুথোক্লিবশিং ভারত্তা ফিল্ম নম্নবা অমসুং মালেমগী কৈথেলদা য়োন্নবা মিনিস্তরনা খঙহনখি । কান্সতা উৎকদৌরিবা ভারতকী ফিল্ম অনি অসি মীয়াম্না পাম্নগনি হায়বগী থাজবা মিনিস্তরনা থমখি ।

কান্সতা ভারতকী পেবিলিয়ন অসি মতম পুম্নমক্তা থবক ময়াম অমা পায়খৎফম ওইদুনা লাক্লি । মফম অসিদা ভারতকী ফিল্ম পুথোকলিবশিং অমসুং মীহুৎশিংগা মালেমগী মীয়ামগা ৱারি শানখি অমসুং ভারতকী সেনিমাগী মহাও খঙলবশিংনা ভারতকী ফিল্ম পুথোক্লিবশিংগা পুনদুনা ভারতকী তোঙান-তোঙানবা ফজরবা মফমশিং ফিল্ম নম্নবা ৱারি শানগনি ।

চহি অসিদসু অনৌবা নিয়মশিং চৎনদুনা, লেমজনিংঙাই ওইরবা ফিল্ম ফেস্তিবেল অসিদা শরুক য়াদুনা ভারতকী ফিল্মগী চৎনবী ঙাক্লি , ভারতকী পেবিলিয়ন অসিদা পুন্না ফিল্ম পুথোক্নবা, ভারত্তা ফিল্ম নম্নবা, ভারতকী ফিল্মশিং মপান্দা য়োন্নবা অমসুং ভারত্তা পোস্ত প্রদক্সনগী থবকশিং পাংথোক্নবা দেলিকেতশিংগী মরক্তা খন্ন-নৈনবা কয়া পাংথোক্লবা য়ারি । পেবিলিয়ন অসিদা ফিল্ম মেকরশিং অমসুং অতোপ্পা মেদিয়া অমসুং মরী লৈনবশিংগা মরী অমা শম্নহনগনি ।

চহিদা অহানবা ওইনা শরুক য়াবা থৌরম অনি য়াওরি । ফেস্তিবেল অসিদা নেসনেল এৱার্দ ফংলবা ফিল্ম অনি হায়বদি মাইঘাত:ক্রাইম নম্বর ১০৩/২০০(মরাথি) অমসুং হেল্লারো(গুজরাতি) উৎকনি । মসিগী মথক্তা, মথং চহিদা তারিবা শক্নাইরবা ফিল্ম দিরেক্তর সত্যজিৎ রেগী চহি ১০০সুবা থৌরম পাংথোকপা ওইনা মহাক্কী ফিল্ম খর ভারতকী পেবিলিয়নদা উৎকনি । ভারত্তা ফিল্ম নম্নবা দেতা য়াওবা ৱেবসাইত লৈরগনি ।

অহানবা ওইনা কান্সতা হাংদোক্লিবা ফিল্ম বাজারদা , এন এফ দি সিগী ফিল্ম বাজারগা মার্চে দু ফিল্মসগা পু্ন্না থবক তৌমিন্নরি অমসুং ফিল্ম বাজার ২০১৮দগী ফিল্ম ৫ য়োন্নবা লৌখৎলে ।

ভর্চুএল ইন্দিয়া পেবিলিয়ন হাংদোকপদা শরুক য়াখিবশিংগী মনুংদা ভারত সরকারগী ইনফোর্মেসন অমসুং ব্রোদকাস্তিং মিনিস্ত্রিগী সেক্রেতরি অমিৎ খারে, ভারত সরকারগী ইনফোর্মেসন অমসুং ব্রোদকাস্তিং মিনিস্ত্রিগী এদিসনেল সেক্রেতরি অতুল কুমার তিৱারি , ভারত সরকারগী ইনফোর্মেসন অমসুং ব্রোদকাস্তিং মিনিস্ত্রিগী জোইন্ত সেক্রেতরি(ফিল্মস) তি সি এ কলয়ানি , এন এফ দি সিগী এম দি স্রিলা দত্তা কুমার, ফ্রান্সতা লৈবা ভারতকী এম্বেসিগী কন্সুলার প্রাসুন জোসি, সি বি এফ সিগী চেয়রমেন মধুর বান্দাকর অমসুং ফিল্মগী শক্নাইরবা মীওই কয়া য়াওখি ।

ভর্চুএল ওইনা পাংথোক্লিবা ফেস্তিবেল অদুদা মালেমগী পেনেলিস্তশিংনা শরুক য়াদুনা বি২জি অমসুং জি২জি মীফম কয়া পাংথোক্লি । পেবিলিয়নগী ৱেবসাইত www.indiaatcannes.in অমসুং www.marchedufilms.com. দগী অকুপ্পা মরোলশিং ফংগনি ।

ঙসি পাংথোকখিবা ভর্চুএল হৌদোকপা থৌরম অদু মীওই ২০০০ হেনবনা য়েংখি ।

****