ভারত লৈঙাক্না স্তেৎশিং/য়ু.তি.শিংগা লোয়ননা কোবিদ-১৯ ঙাকথোক্নবা, লাকশিন্নবা অমসুং য়েংশিন্নবা খোঙথাং কয়া গ্রেদেদ, প্রি-এম্পতিব অমসুং প্রো-এক্তিব এপ্রোচ অমগী খুত্থাংদা লৌখৎলি। হোৎনবা অসিদা তোঙান তোঙানবা গাইদলাইনশিং, এদবাইজরীশিং অমসুং লায়েংনবা প্রোতোকলশিং দেবেলপ তৌরি অমসুং স্তেৎশিংগা লোয়ননা কোবিদ-১৯ লাকশিন্ননবা পুন্না হোৎনবা কনখৎন্নবা সিয়র তৌরি।

তোঙান তোঙানবা স্তেৎশিং মসিগী লাকশিন্ননবা লালোংশিং অসি লৌখৎলি অমসুং মপুং ফানা কান্নরবা ফমশিং ফঙবা ঙম্লে। মহারাস্ত্র সরকার অমসুং ব্রিহানমুম্বাই ম্যুনিসিপাল কোর্পরেসন (বি.এম.সি.)না হোৎবশিংদা অফবা ফমশিং উবা ফঙলে। হোৎনবা অসিগী শরুক ওইনা, মখোয়না থৱায় য়াওনা ‘ভাইরস অসি তান্থোক্লি’ অমসুং কোবিদ চিংনবশিং ত্রেসিং কন্না তৌরি।

মী কুংনা তাবনা (স্ক্যার কিলোমীতর অমদা মীওই ২,২৭,১৩৬) মরম ওইরগা ধারবিদা এপ্রিল ২০২০দা কেস ৪৯১ থেংনখি লোয়ননা গ্রোৎথ রেৎ ১২% অমসুং কেস দব্লিংগী মতম নুমিৎ ১৮নি ওইখি। বি.এম.সি.না লৌখৎলিবা প্রোএক্তিব ওইবা পাম্বৈশিংনা কোবিদ-১৯গী গ্রোৎথ রেৎ মে ২০২০দা ৪.৩% অমসুং মখা তানা জুনদা ১.০২% হন্থহনখি। হায়রিবা পাম্বৈশিং অসিনা কেস দব্লিংগী মতম মে ২০২০দা নুমিৎ ৪৩দা হেনগৎখি অমসুং জুন ২০২০দা নুমিৎ ৭৮ ওইখি।

ধারবিগী মীশিং ৮০%না কম্ম্যুনিতী তোইলেৎ শীজিন্নবা ওইবনা বি.এম.সি.না মখল কয়াগী খুদোংচাদবা থেংনৈ। ফুৎ ১০ x ফুৎ ১০ ওইবা য়ুমথোংশিং/শঙতপতা চাউরাক্না মীওই ৮-১০ লৈ লোয়ননা অখুবা লেম্বীশিংগা লোয়ননা মথোন ২-৩গী দলানশিং লৈ মসিগী মখানা য়ুম ওই অমসুং দলানশিংনা ফেক্তরীশিং ওইন্না শীজিন্নৈ। মরম অসিনা ফিজিকেল দিস্তেন্সিং তোবদা কা হেন্না খুদোংচাদবশিং লৈ লোয়ননা ‘হোম ক্বারন্তিন’ মপুং ফানা তৌবগী ওইথোকপা লৈতে।

বি.এম.সি.না তি. মরিগী মোদেল অমা মপুং ফানা ঙাকনা চৎনবা তৌরি – ত্রেসিং, ত্রেকিং, তেস্তিং অমসুং ত্রেত্তিং। হায়রিবা খোংথাং অসিদা প্রোএক্তিব স্ক্রীনিংগুম্বা থবক থৌরমশিং য়াওরি। মসিদা দোক্তরশিং অমসুং লনাই ক্লিনিকশিংনা য়ুম অমদগী য়ুম অমদা চৎতুনা স্ক্রীনিং মীওই ৪৭,৫০০গী তৌখ্রে, মোবাইল ভানগী মতেংনা মীওই ১৪,৯৭০ স্ক্রীন তৌখ্রে অমসুং বি.এম.সি. হেলথ ৱার্করশিংনা ৪,৭৬,৭৭৫ সর্ভে তৌখ্রে। অহলশিং/সিনিয়র সিতিজেনশিংগুম্বা খুদোংথীবা য়াবা কাংলুপকীদমক স্ক্রীনিং তৌনবা ক্লিনিক খরা লিংখৎখি। মসিনা মীওই লাখ ৩.৬ স্ক্রীন তৌখ্রে। লোয়ননা চাউরাক্না সেনিয়র সিতিজেন ৬২৪৬ সর্ভে তৌখি অমসুং ‘তাইম্লি সেপরেসন’গী পোলিসিগী শরুক ওইনা লায়না অসি শন্দোকপা মপুং ফানা থিংনবা মখোয়বু অতোপ্পা মীয়ামশিংদগী তোঙান্না থমখি। ধারবিদা মীওই ৫,৪৮,২৭০ পুন্না স্ক্রীন তৌখি। চীংনবা কেসশিংনা ফজনা শিল-লাংলবা কোবিদ কিয়র সেন্তরশিং অমসুং ক্বারন্তিন সেন্তরশিংদা থমখি।

য়াম্না খুদোংথীনিঙাই ওইবা জোনশিংদা প্রোএক্তিব স্ক্রীনিং তৌনবা মেনপাৱরগী সম্যাস থেংননবা, বি.এম.সি.না সরকারগা লনাইগা চুংশিন্নদুনা অকনবা লাকশিন্ননবগী পাম্বৈশিং লৌখৎলি অমসুং লৈরিবা ‘লনাই’ প্রেক্তিসনরশিং শীজিন্নখি। বি.এম.সি.না লনাই দোক্তরশিংদা পি.পি.ই. কিৎশিং, থর্মেল স্কেন্নরশিং, পলজ ওক্সিমীতরশিং, মাস্কশিং অমসুং গ্লোবশিং পীদুনা দোর-তু-দোর স্ক্রীনিং য়াম্না খুদোংথীনিঙাই ওইবা জোনশিংদা তৌখি অমসুং সস্পেক্ত পুম্নমক খঙদোকখি। বি.এম.সি.না প্রেক্তিসনর পুম্নমক্তা মখোয়গী ক্লিনিকশিং হাংদোক্তুনা অনাবা মীওইশিং য়েংনবা হায়খি অমসুং করিগুম্বা কোবিদ-১৯নি চীংনবা থেংনরবদি বি.এম.সি.দা পাউ পীরকনবা থৌগৎখি। বি.এম.সি.না লনাই প্রেক্তিসনরশিংগী ক্লিনিকশিং সেনিতাইজ তৌদুনা অমসুং মথৌ তাবা মতেং পুম্নমক পীখি। স্রদা হলেথকী ইনফ্রাস্ত্রকচর চাওথোকহন্ননবা, লনাই হোস্পিতাল পুম্নমক লা্য়েংবগী মথৌ তৌহল্লি ।

মী কুংবা তাবা মফমদা খুদোংচাদবশিং থেংনবনা মরম ওইরগা হোম ক্বারন্তিন তৌবদা মপুং ফানা পাম্লিবা ফলশিং ফঙবা ঙম্লোইদবনা স্কুলশিং, লুহোংবদা শীজিন্নবা হোলশিং, স্পোর্তস কমপ্লেক্সশিং অসিনচিংবদা ইন্সতিত্যুসনেল ক্বারন্তিন ফেসিলিতীশিং শেমখি। মসিদা ব্রকফাস্ত, অয়ুক অমসুং নুমিদাংগী চাকলেন থোংবদা শীজিন্ননবা মীয়ামগী চাকশঙ অমা পীরি, মেদিকেল সর্ভিস, মথৌ তাবা হীদাক লাংথকশিং অমসুং খূৎশু খূৎলাইশিং মতম পুম্বদা ফঙহল্লি।

বি.এম.সি.গী কোবিদ-১৯ মায়োক্নবগী লাল্লোংগী মরুওইবা ফিচর অমদি মরুওইবা মচাক অহুম: কান্নবা লাকশিন্নবা খোংথাং অমা; পাকশন্না তেস্ত তৌবা; অমসুং কম্ম্যুনিতিদা লেপ্পা লৈতনা পোৎচৈশিং অমসুং তঙাইফদবা পোৎলমশিং পীবা লাকশিন্নবা পাম্বৈশিং য়াওবা অদুনি। কাহেন্না নারবা অনাবশিং হোস্পিতালদা এদমিসন তৌনবা ধার্বিগী মপান্দা পুথোকখি; অনাবশিংগী ৯০%না ধার্বি মনুংদা লায়েংলি। বি.এম.সি.না গ্রোসরি কিৎ ২৫,০০০ হেনবা অসমুং চান্নবা পেকেৎ ২১,০০০ হেনবনা অয়ুক অমসুং নুমিদাংগী চাকলেনগী তোঙান তোঙান্না কন্তেনমেন্ত জোনশিংদা মীয়াম্না য়ুম মনুংদা লৈদুনা অমসুং মপান থোকপগী মথৌ তাহন্দদুনা ভাইরস শন্দোকপা লাকশিন্দুনা য়েন্থোকখি। চানবা পোৎলম অমসুং মনা মশিংশিং এম.এল.এ.শিং, এম.পি.শিং অমসুং কোর্পোরেতরশিংনা লেম্না য়েন্থোকখি। মসিগী মথক্তা কন্তেনমেন্ত ওইরিবা মফমশিং অমসুং কম্ম্যুনিতি তোইলেৎশিং তোয়না দিসইনফেক্তেন্ত তৌখি। এম.এস.আর.তি.সি. বসশিং স্তাফশিংগী খুদোংচানবা মথৌ তৌখি। রিস্ক য়াম্না ৱাংবা মফমশিং নাকল খুদিংমক্তগী অথিংবা থমখি অমসুং কম্ম্যুনিতি লুচিংবশিংনা কম্ম্যুনিতিগী অৱাবশিং মায়োক্ননবা অমসুং হেল্থ ৱার্করশিং অমসুং কম্ম্যুনিতিগী মরক্তা শম্ননবা কোবিদ য়োদধা ওইনা খনখি। মসিনা মখোয়দা লৈবা য়াবা অকিবা অমহেক্তা অমসুং মরি লৈনবা কোকহনবা অমসুং সরকারগী খোংথাংশিংদা থাজবা থম্বদা মতেং পাংখি।

******