হ্যুমেন রিসোর্স চাউখৎ-থৌরাংগী মন্ত্রালয়
নেস্নেল তেস্তিং এজেন্সী (এন.তি.এ.)না নেস্নেল তেস্ত অভ্যাস মোবাইল এপতা হিন্দী তেস্ত ফিচরশিং লোঞ্চ তৌখ্রে
অনৌবা ফিচর অসিনা হিন্দীদা জে.ই.ই. মেনগী মোক তেস্তশিং প্রেক্তিস তৌবদা হিন্দী মেদিয়মগী মহৈরোয়শিংদা মতেং পাংলগনি – শ্রী রামেশ পোখ্রিয়াল ‘নিশঙ্ক’
মহৈরোয় ৯.৫৬ লাখ হেনবনা নেস্নেল তেস্ত অভ্যাস এপ দাউনলোদ তৌখ্রে অমসুং এপ অসিদা মহৈরোয়শিংনা লাখ ১৬.৫ হেনবা তেস্তশিং পীখ্রে – ঐচ.আর.দি. মন্ত্রী
Posted On:
21 JUN 2020 3:31PM by PIB Imphal
হ্যুমেন রিসোর্স দিবেলপমেন্তগী কেন্দ্রগী মন্ত্রী রামেশ পোখ্রিয়ল ‘নিশঙ্ক’না ঙসি নেস্নেল তেস্তিং এজেন্সি (এন.তি.এ)না নেস্নেল তেস্ত অভ্যাস মোবাইল এপতা হিন্দী তেস্ত ফিচরশিং লোঞ্চ তৌরে হায়না লাওথোকখ্রে। মহাক্না হায় কম্পিতিতিব একজামদা হিন্দী পাম্বা মহৈরোইশিংনা এন.তি.এ.গী নেস্নেল তেস্ত অভ্যাস স্মার্তফোন এপতা পীবা হিন্দী মোক তেস্তশিংগা লোয়ননা মখোয়গী মোবাইল দিভাইসশিংদা হৌজিক প্রেক্তিস তৌবা য়ারগনি।
হৌখিবা থাদা জে.ই.ই. অমসুং নীতকুম্বা কম্পিতিতিব একজাম পাংথোকপা নেস্নেল তেস্তিং এজেন্সি (এন.তি.এ.)না জে.ই.ই. মেন, নীত য়াওনা এন্ত্রান্স একজামশিং ময়ুমদগী শাফগদবা মওংদা পাহন্নবা ইঞ্জিনিয়রিং অমসুং মেদিকেল এসপিরেন্তশিং এম্পাৱর তৌনবা আর্তিফিসিএল ইন্তিলিজেন্স (এ.আই.)না পাৱর তৌবা স্মার্তফোন এপ লোঞ্চ তৌখ্রে। হৌজিক ফাওবদা এপ অসিদা মহৈরোয়শিংনা তেস্ত লাখ ১৬.৫ হেন্না পীখ্রে অমসুং মহৈরোয় লাখ ৯.৫৬ হেনবনা এপ অসি দাউনলোদ তৌখ্রে।
হিন্দী মিদিয়ম ওইবা মহৈরো্য়শিংনা মখোয়না শেম শাবদা মতেং ওইনবা হিন্দী লোলদা পেপরশিং লোঞ্চ তৌনবা হায়রকখি। মসি খন্থরগা এন.তি.এ.না এপ অসিগীদমক ফিচর অসি লোঞ্চ তৌখি। হিন্দী লোলগী কেন্দিদেৎশিংনা মসিগী কম্পিতিতিব একজামশিংগী হৌজিক শেম শাবদা নত্রগা মোক তেস্ততা হিন্দীদা শরুক য়াবা য়ারগনি। ভারত শীনবা থুংনা লৈরিবা মহৈরোয়শিংগীদমক্তা হিন্দী ভর্জন অসি থৌজল অমা ওইরি, মরমদি ইংলিসনা ফার্স্ত লেঙ্গুয়েজ ওইদবা মহৈরোয়শিংনা এক্সেস তৌবা হেন্না য়াহল্লগনি। মহৈরোয় মশিং কয়ানা হৌজিক্তি মখোয়গী এন্ত্রান্স একজামশিংগীদমক্তা মসি শীজিন্নবা য়ারগনি।
এপ অসি হান্না দাউনলোদ তৌরবা মহৈরোয়শিংনা মোক তেস্তশিং হিন্দীদা খুদক্তা শরুক য়াবা য়াগনি নত্রগা করিগুম্বা এপ অসি য়াওদ্রবদি গুগল প্লে স্তোরদগী লেম্না দাউনলোদ তৌবা য়াগনি। এপ অসিগী খ্বাইদগী নৌবা ভর্জননা ইংলিস অমসুং হিন্দী লোল অনিমক্তা নেবিগেসন, ইনস্ত্রকসনশিং, তেস্ত লৌবগী অমসুং এনলাইসিস য়াওরি। এপ অসি মখোয়গী স্মার্তফোন নত্রগা তেব্লেৎতা দাউনলোদ তৌবগা মহৈরোয়শিংনা মখোয়গী অকুপ্পা ৱারোমগা লোয়ননা সাইন অপ তৌবা মথৌ তাগনি অমসুং মখা তাবদা মখোয়না অপাম্বা লোল হিন্দী ওইনা খনগনি অমসুং মখোয়না খল্লিবা চাংয়েংশিংগী মোক তেস্ত হিন্দী লোলদা পীবা হৌগনি।
![https://static.pib.gov.in/WriteReadData/userfiles/image/image001OV6F.jpg](https://static.pib.gov.in/WriteReadData/userfiles/image/image001OV6F.jpg)
![https://static.pib.gov.in/WriteReadData/userfiles/image/image0020W4N.jpg](https://static.pib.gov.in/WriteReadData/userfiles/image/image0020W4N.jpg)
![https://static.pib.gov.in/WriteReadData/userfiles/image/image003JZRH.jpg](https://static.pib.gov.in/WriteReadData/userfiles/image/image003JZRH.jpg)
![https://static.pib.gov.in/WriteReadData/userfiles/image/image004KUV0.jpg](https://static.pib.gov.in/WriteReadData/userfiles/image/image004KUV0.jpg)
ইংলিস লোলগা মান্ননা নুমিৎ খুদিংগী এন.তি.এ.না এপ অসিদা অনৌবা তেস্ত অমা হিন্দীদা থাদোক্কনি, মসি মহৈরো্য়শিংনা শরুক য়ানবা দাউনলোদ তৌবা য়াগনি। মখোয়গী দিভাইস ‘এয়রপ্লেন’ মোদতা থম্লগা মখোয়না তেস্তশিং ওফলাইনদা শরুক য়াবা য়াগনি অমসুং তেস্ত অদু পীশিন্ননবা অমদি মখোয়গী ফম য়েংন্নবা ওনলাইন অমুক হন্না লৈবা মথৌ তাগনি। জে.ই.ই. মেন, নীত য়াওনা চাংয়েংশিংগী নুমিৎ খুদিংগী তেস্তশিংগী লিস্ত পীবগা লোয়ননা অতোপ্পা চাংয়েংশিং অথুবদা হপচন্দুনা মহৈরোয়শিংনা মখোয়গী ময়ুমদগী তেস্তশিং অসিদা শরুক য়াবা ঙমলগনি অমসুং মখোয়গী তেস্তশিংগী ফমশিংগী অকুপ্পা ৱারোল লোয়ননা মদু অকুপ্পা এনলাইসিস পুম্নমক অপাম্বা লোলদা মদু হিন্দী নত্রগা ইংলিসতা খুদক্তা ফংহল্লগনি।
*****
(Release ID: 1633187)
Visitor Counter : 193