ঙাকশেল মন্ত্রী শ্রী রাজনাথ সিংহনা মালেমগী অনিশুবা লাঞ্জাওদা লান ঙম্বগী চহী ৭৫শুবা কুমওন থৌরম নীংশিংদুনা জুন ২৪, ২০২০দা পাঙথোক্কদবা ভিক্তরী পেরেদ শরুক য়ানবগীদমক মোস্কোদা চৎকদৌরি‍। পেরেদ অসি রসিয়ান অমদি মরুপ মপাং ওইবশিংনা থৱাই কৎখিবা উৎখিবা থৌনাবু ইকায়খুম্নবা ওইনা পাঙথোকপনি‍। রসিয়ান ফেদরেসনগী ঙাকশেল মন্ত্রী মিস্তর সের্গৈ শোইগুনা ঙাকশেল মন্ত্রীবু মে ৯, ২০২০দা পাঙথোক্কনি তৌরম্লগা কোবিদ-১৯ লাইচৎনা মরম ওইরগা য়ৈথোরকখিবা ভিক্তরী পেরেদ অদুদা শরুক য়ানবা পাউকৎ পীরকখিবনি‍।

অতোপ্পা অমনা রসিয়ান কন্তিঞ্জেন্ত অমদি অতোপ্পা পাউকৎ ফংদুনা লাকপা কন্তিঞ্জেন্তশিংগা লোয়ননা ভিক্তরী পেরেদতা শরুক য়ানবগীদমক মীওই ৭৫না শাবা ত্রাই-সর্ভিস ইন্দিয়ন মিলিতরী কন্তিঞ্জেন্ত অমা হান্ননা মোস্কোদা থুংখ্রে‍। ভিক্তরী দে পেরেদতা শরুক য়াগদৌরিবা মার্চিং কন্তিঞ্জেন্ত অদু থৌনা ফরবা সিখ লাইত ইন্ফেন্ত্রীগী মেজর রেঙ্ক ওফিসর অমনা লুচিংলি‍। রেজিমেন্ত অসিনা মালেমগী অনিশুবা লাঞ্জাওদা থৌনা ফনা লান্থেংনখি অমদি বেত্তল ওনর মরি অমদি মিলিতরী ক্রোস অমদি অতৈ গেলেন্ত্রী এৱার্দ কয়া ফংখি‍।

ভিক্তরী দে পেরেদ অসিদা ভারতনা য়াওগদৌরিবা অসি ভারতকী লান্মীনা শরুক য়াখিবা অমদি থৱায় কৎখিবা মালেমগী অনিশুবা লাঞ্জাওদা রসিয়া অমদি অতৈ লৈবাকশিংনা থৱায় কৎখিবশিংদুগী মফমদা ইকাইখুম্নবা উৎপনি‍। নীংশিংবা য়াই মদুদি প্রধান মন্ত্রী শ্রী নরেন্দ্র মোদীনা রসিয়ান ফেদরেসনকী প্রেসিদেন্ত মিস্তর ভ্লাদিমির পুতিন অমদি ঙাকশেল মন্ত্রীনা মহাক্কী কাউন্তরপার্তপু অখন্নবা পাউজেল থাদুনা ভিক্তরী দেগী ৭৫শুবা কুমওন থৌরমদা য়াইফ পাউজেল পীখি‍। ঙাকশেম মন্ত্রীগী খোঙচৎ অসিনা ভারত অমসুং রসিয়া অনিগী মতম শাংনা লৈরকলবা অখন্নবা অমদি স্ত্রেতজিক ওইবা মরীবু হেন্না চেৎশিনহল্লগনি‍।

*****