কঞ্জুমর এফিয়ার্স, ফুদ অমসুং পব্লিক দিস্ত্রিব্যুসনগী কেন্দ্র মন্ত্রী শ্রী রাম বিলাস পাসৱান্না “ৱান নেসন ৱান রাসন কার্দ” প্রোগ্রামগী থোংদা এন.এফ.এস.এ. কার্দ হোল্দরশিংগী নেস্নেল পোর্তেবিলিতীগী ইমপ্লিমেন্তেসনগী প্রোগ্রেস য়েংশিন্নবা ঙসি ভিদিও কনফরেন্সকী থোংদা মীফম অমা পাংথোকখ্রে। মীফম অসিগী পান্দমদি রাজ্য/য়ু.তি. ১৪দা “ৱান নেসন ৱান রাসন কার্দ” ফেসিলিতী ইমপ্লিমেন্ত তৌনবা শেম-শারিবশিং খংমিন্নবনি। মীফম অদুদা রাজ্য/য়ু.তি. ৫, অসম, ছতিসগর, দিল্লী, মেঘলায়া অমসুং তমিল নাদুগী ফুদ মিনিস্তরশিংনা শরুক য়াখি অমদি লেমহৌরিবা রাজ্যশিং/য়ু.তি.শিংগীনা মরী লৈনবা ফুদ সেক্রেতরীশিংনা শরুক য়াখি। শ্রী পাসৱান্না হায়খি মদুদি কোবিদ-১৯গী লাইচৎ মতম অসিদা স্কিম অসিনা মাইগ্রেন্ত লেবরশিং, পন্দুনা লৈরিবা অমসুং মথৌ তৌবা মীওইশিংগীদমক ও.এন.ও.সি. পোর্তেবিলিতীগী থোংদা চিঞ্জাক মহৈ-মরোংগী ওইবা মখোয়গী চাকথুং ফংহনবদা য়াম্না চাউনা কানবা পীরি। মহাক্না হায়খি মদুদি ২০২০গী ওগস্ত ফাওবদা অতোপ্পা রাজ্য অহুম, উত্তরাখন্দ, নাগালেন্দ অমসুং মনিপুরসু নেস্নেল ক্লস্তরগা শম্নরগনি অমদি বিভাগ অসিনা চহি অসিগী লোইশিল্লকপদা ও.এন.ও.সি.গী মখাদা লেমহৌরিবা রাজ্য ১৪মক মনুং চলহন্নবা দরকার ওইবা খোংথাংশিং লৌখৎলি। মরক অসিদা শ্রী পাসৱান্না খংহনখি মদুদি চাউরাক্না রাজ্য ১০না কেন্দ্র সরকারদা পি.এম.জি.কে.এ.ৱাই.গী মখাদা চিঞ্জাক মহৈ-মরোং লেম্না য়েন্থোকপা থা অহুম অমগা মখা চত্থনবা চিথী ইরকখ্রে। খন্ন-নৈনখিবা অদুগী মনুংদা, লেমহৌরিবা রাজ্য/য়ু.তি. অয়াম্বনা ২০২০গী সেপ্তেম্বর লোইশিল্লকপা ফাওবদা মসিগী এক্তিবিতী অসি মপুং ফাহন্নবা মখোয়গী এক্সন প্লানশিং অমসুং লালোংশিং সেয়ার তৌখি, অদুম ওইনমক রাজ্য ৩ – অরুনাচল প্রদেশ, মেঘালয়া অমসুং ৱেস্ত বেঙ্গলনা ২০২০গী দিসেম্বর ফাওবগী মমাংদা মপুংফানা ইমপ্লিমেন্ত তৌনবা মতম অমা ইঙ্গীৎ পীরকখি। মীফম অদুদা অন্দমান অমসুং নিকোবর ইথৎ, অরুনাচল প্রদেশ, লক্ষদীপ অমসুং মেঘলায়া রাজ্য/য়ু.তি.শিংনা ইন্তরনেৎ তপ্পা নত্ত্রগা লিমিতেদ নেৎৱার্ক কনেক্তিবিতীগা মরী লৈননা থেংনরিবা খুদোংচাদবশিংসু পাউদমখি।

****