লৈবাক অসিদা লৈরিবা লনাইগী মেদিকেল প্রেক্তিস্নরশিংদগী কেন্দ্রগী মন্ত্রী দোক্তর জিতেন্দ্রা সিংহনা কোবিদকী ফিদবেক লৌখ্রে

পুং অমা মখায়রোম শাংবা ৱেবিনারদা অদুদা, চেন্নাই, ন্যূ দিল্লী, মুম্বাই, নাগপুর, পত্না, কোতা, ইরোদ, অসিনচিংবা ভারতকী তোঙান তোঙানবা সহরশিংগী মেদিকেল সাইন্সকী মখল কয়াগী স্ত্রীমশিংদা লুচিংলিবা ফিজিসিয়নশিং অমসুং স্পেসিএলিস্তশিংনা মখোয়গী ইনপুৎশিং ফোঙদোক্লকখি।

ভারতকী মেদিকেলগী লমদা লৈরিবশিংনা ফীভম অসি য়ৌনা শীংথানিঙাই ওইনা থবক তৌবা অমসুং মাই পাকনা কোরোনাগী মায়োক্তা লান্থেংনবা অসিগীদমক থৌরম অসিদা শরুক য়ারদুনা দোক্তর জিতেন্দ্রা সিংহনা থগৎপা ফোঙদোকখ্রে। মেদিকেলগী লমদা লৈরিবা লোয়ননা ভারতকী হেলথ ইনফ্রাস্ত্রকচরনা অৱাবগী তানফম অসিদা লৌখৎলিবা অসিনা মখোয়না তৌবা ঙম্বা অমসুং অতেনবা মতমগী মনুংদা মশাগী মথৌ তাবা অদুদা ওনশিনবা ঙম্বা অমসুং মীয়ামগীদমক্তা মাই পাকনা থৌদাংশিং লৌবা ঙম্মি হায়বা অসি মলেমদা উৎখি।

ভারত্তা ১৯৭০ নত্রগা ১৯৮০গী মতম ফাওবদা অফবা এন্তি-মাইক্রোবিএল দ্রকশিং থোক্লকত্রিঙৈ মমাংদা লৈরম্বা হাইজিন অমসুং লুনানবা য়াওনা মেদিকেল মেনেজমেন্তদা লৈরিবা নন-ফার্নাকোলোজিকেলগী থবক থৌরমশিং অসি দোক্তর জিতেন্দ্রা সিংহনা পনখি। মসি য়ৌনা ভারতকী ফিজিসিএনশিংনা লায়না লাইচৎ অমসুং লৌনগনবা লায়নাশিং লাকশিনবদা নোংচুপলোমগী ফিজিসিয়ন অয়াম্বগা চাংদম্নবদা য়াম্না হেল্লি হায়না মহাক্না ফোঙদোকখি।

অরোগ্যসেতু শীজিন্নবা হেনগৎহন্ননবা মথৌ তারিবা অদুগী মতাংদা অমসুং মরু ওইনা খা থংবা ভারতকী হোস্পিতাল খরদা হেলথ ইন্সুরেন্সকী থবক থৌরমদা য়ুম্ফম ওইরগা ভারতকী ওইবা ঙাকথোকনবা মওংশিং অমসুং হীদাক পীবদা মীৎয়েং চংবগী মতাংদা ৱেবিনার অসি মোদরেৎ তৌবা দোক্তর এ. মুরুগনথননা ঙাংখি।

দোক্তর জিতেন্দ্রা সিংহ হায়, হৌজিক তৌগদৌরিবা থবক অসি মতম পুম্বগী ওইনা লাইচৎ অসিগী ঙাকথোক্নবা পাম্বৈশিং অমসুং মসিগী মায়োক্তা শেম শাবদা মীৎয়েং থমবনি। হীরম অসিদা, মহাক্না হায় তোপ-তোপ্পা হেলথ ইন্সুরেন্স স্কিম অমা ওইরিবা অয়ুশমান ভারত অসি হেন্না পাক থোক চাওথোকহন্নবা অমসুং য়াওবা য়াবশিং য়াওহন্নবা হোৎনগদবনি।

লনাই সেক্তরদা রেগুলেসন হন্থহনবা মথৌ তাবা, লাইসেন্স য়াওদবা প্রেক্তিসনরশিং অথুবদা য়েংশিনবা, মথৌ তাদবা প্রোসিদ্যুরশিং তৌদবা অসিনা নহা ওইরিবা মেদিকোসশিংবু মেদিকেল ক্লিনিকশিং লীংখৎনবা, পি.পি.ই.মোদেলশিং ফগৎহনবা কয়া অসি য়াওবা মখল কয়াগী পাওতাকশিং শরুক য়াখিবা দোক্তরশিংনা পীখি।

***