কেন্দ্রগী জল শক্তিগী মন্ত্রী শ্রী গজেন্দ্রা সিংহ শেখাৱৎনা ওরিশাগী চীফ মিনিস্তরদা চিথী ইরদুনা জল জীবন মিসন (জে.জে.এম.)গী কান্নবা লোয়ননা স্তেৎ অসিদা প্রোগ্রাম অসি খোংজেল য়াংনা ইমপ্লিমেন্ত তৌনবা খঙহনখি। ফঙ্কস্নেল হাউসহোল্দ তেপ কন্নেক্সনস (এফ.ঐচ.তি.সি.শিং)গী খুত্থাংদা ২০২৪গী মনুংদা খুঙ্গংগী য়ুমথোং খুদিংদা অফবা থক্নবা ঈশিং পীদুনা খুঙ্গংগী মীয়ামগী পুন্সি ফগৎনবা পান্দমদা স্তেৎ সরকারনা জে.জে.এম.গী থবক থৌরম পাঙথোক্নবা কেন্দ্র সরকারনা মতেং পুম্নমক পাঙগনি হায়না মহাক্কী চিথী অদুদা য়াওখি।

মহাক্কী চিথী অদুদা কেন্দ্রগী মন্ত্রীনা স্তেৎ অসিনা থম্লিবা পান্দমশিং ফংবা ঙমলক্তবা অমসুং ফন্দশিং মপুং ফানা শীজিন্নদবা অদু পনখি। স্তেৎ অসিদা ২০১৯-২০দা পান্দম থমখিবা লাখ ১৫.৬১কী মনুংদা য়ুমথোং লাখ ৪.৩৭ খক্তদা তোতি কন্নেক্সন পীবা ঙমখি। মসিদা শোথরকপা অসিনা ফন্দদা শীজিন্নবা হন্থরকই। ওরিশাদা ২০১৯-২০দা লুপা কোতি ৩৬৪.৭৪ কায়থবগী মনুংদা স্তেৎ অসিনা লুপা কোতি ২৭৫.০২ খক্তা শীজিন্নখি। স্তেৎ অসিনা ফন্দশিং মপুং ফানা শীজিন্নবা ঙমদবা অসিনা মরম ওইরগা, কেন্দ্রগী মন্ত্রীনা সি.এম.দা. ৱাতর সপ্লাই স্কিম অসিগী প্লানিং অমসুং ইমপ্লিমেন্তেসনগী পোরমশিং শেমদোক্তুনা থবক শুবা হেনগৎহনবা অমসুং ফন্দ শীজিন্ননবা খঙহনখ্রে। মিসন অসিগীদমক্তা স্তেৎশিংগী এফ.ঐচ.তি.সি.শিং পীবগী মশিং অমসুং ফংলিবা কেন্দ্রগী অমসুং চান্নবা স্তেৎ শরুক অদু শীজিন্নবদা য়ুম্ফম ওইরগা ফন্দশিং কায়থৈ।

য়ুমথোং খুদিংদা থক্নবা ঈশিং পীবা অসি লৈবাক অসিনা করম্না মরু ওইনা লৌবগে অমসুং মিসন অসি লেপ্পা লৈতবা মওংদা চংশিন্ননবা ওরিশাদা কায়থবা ফন্দ অদু লুপা কোতি ৩৬৪.৭৪দগী লুপা কোতি ৮১২.১৫তা ২০২০-২১দা হেনগৎহনখি হায়না শ্রী শেখাৱৎনা মহাক্কী চিথীদা অকনবা ৱা থমখি। শীজিন্নদবা বেলেন্স লুপা কোতি ৯০গা লোয়ননা চহি অসিগী কেন্দ্রনা কায়থবা লুপা কোতি ৮১২ অমসুং স্তেৎকী চান্নবা সিয়র য়াওনা ওরিশাদা ২০২০-২১দা জল জীবন মিসন ইমপ্লিমেন্ত তৌনবা লুপা কোতি ১,৮০৫ ফংলগনি। স্তেৎ অসিনা কন্দ্রগী ফন্দগা লোয়ননা স্তেৎকী চান্নবা সিয়র মতম চানা প্রোগ্রাম অসি ইমপ্লিমেন্ত তৌগদৌরিবা বিভাগতা পীগনি হায়না মন্ত্রীনা আশা তৌই মসিনা খুঙ্গংগী মফমশিংদা তোতি কন্নেক্সন পীবগী পান্দম ১০০% ফংবদা মতেং ওইরগনি।

মখা তানা, খুঙ্গং ২১,৫১৬তা হান্ননা লৈরবা ৱাতর সপ্লাই স্কিমশিং অসি শেমজিনবা অমসুং চাওথোকহন্নবদা মীৎয়েং থম্লগা প্লানিং হেনগৎহন্দুনা মতম চানা লায়রবা অমসুং শোথরবা খুঙ্গংগী মীয়ামদা তোতি কন্নেক্সনশিং অথুবা মতমদা পীনবা মহাক্না হায়খি। খুঙ্গংশিং অসিদা পান্দম অসি ফংনবা স্তেৎনা থবক অসি ‘কেম্পেন মোদ’তা লৌখৎনবা পাওতাক পীখি। পোরম অসি য়াৎপা মতমদা ঈশিং ফংদবা মফমশিং, ঈশিং ফত্তবা ফংবা মফমশিং, শোথরবা দিস্ত্রিক্তশিং, এস.সি./এস.তি.না নম্না খুন্দবা মফমশিং/খুঙ্গংশিং, অমসুং সান্সদ অদর্শ গ্রামিন যোজনা অমসুং পি.বি.তি.জি.গী মখাদা লৈবা খুঙ্গংশিং অসিদা হেন্না খুদোংচাবা ফংহনগদৌরি।

খুঙ্গংশিংদা ৱাতর সপ্লাই সিস্তেমশিংগী প্লানিং তৌবা, ইমপ্লেমেন্ত তৌবা, শীল-লাংবা, চল্লাইবা অমসুং য়েংশিনবা অসিদা খুঙ্গংগী মফম অদুগী মীয়াম/গ্রাম পঞ্চায়েৎশিং অমসুং নত্রগা শীজিন্নরিবা কাংলুপশিংনা য়াওশিনবা মথৌ তাই, মসিনা ঈশিং মাংহন্দনা মতম শাংনা চৎনহন্নবা পান্দম ফংহন্নবা মহাক্না মখা তানা ফোঙদোকখি। খুঙ্গং খুদিংমক্তা জল জীবন মিসন অসি মীয়ামগী অশেংবা খোংজং অমা ওইনবা কম্ম্যুনিতি মোইলাইজেসনগা লোয়ননা আই.ই.সি. কেম্পেন পাংথোকপা মথৌ তাই।

কেন্দ্রগী মন্ত্রীনা থক্নবা ঈশিং পীবগী সিস্তেমশিং মতম কুইনা চৎনবা হৌজিক পীরিবা থক্নবা ঈশিংগী হৌরকফমশিং অসি ফগৎহন্নবা ফোঙদোকখ্রে। স্তেৎনা এম.জি.এম.আর.ই.জি.এস., জে.জে.এম. এস.বি.এম.(জি), পি.আর.আই.এস.তা পীবা ১৫শুবা ফাইনান্স কম্মিসন গ্রান্তশিং, দিস্ত্রিক মিনরেল দিবেলপমেন্ত ফন্দ, সি.এ.এম.পি.এ, সি.এস.আর ফন্দ, লোকেল এরিয়া দেবেলপমে্ন্ত ফন্দশিংগুম্বা তোঙান তোঙানবা প্রোগ্রামশিং অসিগী মখাদা লৈরিবা রিসোর্সেস অসিগী খুথাংদা খুঙ্গং খুদিংমক্কী মসিগী রিসোর্সশিং অসি পুন্না শেম শাদুনা খুঙ্গংগী থাক্তা অমসুং ভিলেজ এক্সন প্লান (ভি.এ.পি.)না ফজনা শীনগদবনি।

২০২০-২১দা পি.আর.আই.শিংদা পীবা ১৫শুবা ফাইনান্স কম্মিসনগী শেনথংশিংগী মতুংইন্না ওরিশাদা লুপা কোতি ২,২৫৮ কায়থখ্রে অমসুং মসিগী শেনফম অসিগী ৫০%না ৱাতর সপ্লাই অমসুং সেনিতেসন্দা শোয়দনা শীজিন্নগদবা ওইরি। মসিগী শেনফম অসি ৱাতর সপ্লাই, নোংগী ঈশিং তুংশিনবা অমসুং ঈশিং রিসাইকল তৌবগা লোয়ননা খুঙ্গংশিংদা ও.দি.এফ. সস্তেনেবিলিতিগী থবকশিংদা শীজিন্নগদবনি।

কেন্দ্রগী মন্ত্রীগী চিথী অসি হৌজিক ওইরিবা কোবিদ-১৯গী লাইচৎকী ফীভম অসি য়েংলগা মতাং চাবা ওই। মসিগী সোসিএল দিস্তেন্সিং পাংথোকপগা লোয়ননা ঈশিং পীবগী থবকশিং থুজিন্নবদা মতেং পাংনবা মীয়ামগী হৈনবী চপ চানা হোংদোকপা মতম অমনি।

মীয়ামগী ঈশিং য়াফমশিং/মীয়ামগী ঈশিং ফঙফমশিংদা মীয়াম তিন্দবা হায়বসি মরু ওইবা অমনি। মরম অদুনা লোকেলশিং/মাইগ্রেন্তশিং থবক ফংহনবা অমদি খুঙ্গংগী শেন্মিৎলোন ফগৎহনবতা মতেং ওইবতা নত্তনা সোসিএল দিস্তেন্সিং ঙাকপদা মতেং ওইগদবা য়ুমথোঙ খুদিংদা তেপ কন্নেক্সন পীননবা ৱাতর সপ্লাইগী থবক খুঙ্গং খুদিংমক্তা পায়খৎপা মথৌ তাই।

জল শক্তিগী মন্ত্রীনা ওরিশাগী সি.এম.দা স্তেৎ অসি ২০২৪ ফাওবদা ‘১০০% এফ.ঐচ.তি.সিজ স্তেৎ’ ওইহন্নবা থাজবা পীখ্রে অমসুং য়াম্না থুনা ভিদিও কনফরেন্সকী খুথাংদা সি.এম.গা জে.জে.এম. প্লানিং অমসুং ইমপ্লিমেন্তেসন তৌবগী মতাংদা খন্ননবা অপাম্বা ফোঙদোকখি।