মাইনর ফোরেস্ত প্রদ্যুসকী পোৎলমশিং প্রোক্ব্যুর্মেন্ত তৌনবা কেন্দ্র অমসুং স্তেৎ সরকারগী ফন্দশিংগী খুত্থাংদা লুপা কোতি ৮৩৫ রোমগী অপুনবা প্রোক্ব্যুর্মেন্ত অমসুং লুপা কোতি ১২০০না লনাই ত্রেদকী খুত্থাংদা (মান্দিস/ হাত বাজারশিংদা য়োনবগী খুত্থাংদা) স্তেৎ ১৭দা এপ্রিল ২০২০দগী হৌখ্রে। মসিনা চহি অসিগী প্রোক্ব্যুর্মেন্ত লুপা কোতি ২০০০ য়ৌহনখ্রে অমসুং ত্রাইবেল মীয়ামদা মখোয়গী মাইনর ফোরেস্ত প্রদ্যুসশিংগী মহুৎ ওইনা দাইরেক্ত বেনিফিৎ ত্রান্সফর অমা পীরি।

হায়রিবা অসি ঙসি দিল্লীদা তি.আর.আই.এফ.ই.দি.না শীনখিবা মিদিয়া ব্রিফিং ৱেবিনার অমদা লাউথোকখিবনি। “এম.এস.পি. ফোর এম.এফ.পি. তেক্স রুতস ইন ত্রাইবেল ইন্দিয়া” হায়না মিংথোনবা ৱেবিনার অসিদা তি.আর.আই.এফ.ই.দি.গী মেনেজিং দিরেক্তর, মিস্তর প্রাবির কৃষ্ণনা চিয়র লৌখি।

স্তেৎ ২২দা ত্রাইবেল এন্তর্প্রাইজ ১২০৫ লীংখৎপা অমসুং লৈরিবা ত্রাইবেল লাখ ৩.৬দা অমসুং সেল্ফ-হেলপ গ্রুপ ১৮০০০দা থবক্কী খুদোংচাবশিং পীখিবগা লোয়ননা ত্রাইবেল এফিয়র্স মন্ত্রালয়গী খোংথাং অমা ওইরিবা, ভন ধন য়োজনা (স্তার্ত-অপস স্কিম) অসি ইমপ্লিমেন্ত তৌখিবা চহি অদুগী মনুংদা মাই পাকখি। মাইপাকনা ইমপ্লিমেন্ত তৌবা অসিনা লৈবাক অসি শিনবা থুংনা মিনিম্ম ফোরেস্ত প্রদ্যুস স্কিমগী মিনিম্ম সপ্পোর্ত প্রাইজ অসিদা মতেং পাংনবা মচাক অমা ওইরি।

মিস্তর প্রাবির কৃষ্ণনা প্রজেন্তেসন অমগী খুত্থাংদা হায়খি মদুদি স্কিম অসিনা হৌরকপদা স্তেৎ অনি খক্তা ওইরম্মি অদুবু হৌজিক্তি স্তেৎ ১৭তা শন্দোকখ্রে। (মসিদা অন্ধ্রা প্রদেশ, অসাম, ছাত্তিসগর, গুজরাৎ, ঝরখন, কর্নতক, কেরলা, মধ্য প্রদেশ, মহারাস্ত্র, মনিপুর, নাগালেন্দ, ওরিশা, রাজাস্থান, তামিল নাদু, ত্রিপুরা, উত্তর প্রদেশ অমসুং নোংচুপ বঙ্গাল য়াওরি)

মিস্তর প্রাবির কৃষ্ণনা স্কিম অসিগী কান্নবশিং অমসুং মসিনা মাইনর ফোরেস্ত প্রদ্যুস (এম.এফ.পি.)কী ললোন ইতিক তৌবদা করম্না ত্রাইবেলশিংগীদমক ফংফম থোকপা দিল ফংহনবগে হায়বা অদু শন্দোক্না তাকখি।

কোবিদ-১৯ লায়না লাইচৎ অসিনা মরম ওইরগা অমুক্তা থোকখিদ্রিবা ফীভমশিংনা খুদোংচাদবশিং থোকহল্লি অমসুং ত্রাইবেল মীয়ামশিংগী মরক্তা খমথেংনা অৱাবা থেংনহল্লি। নহাশিংগী মরক্তা থবক ফংদবা, ত্রাইবেলশিংগী রিভর্স মাইগ্রেসননা ত্রাইবেল পুম্নমক্কী শেনমিৎলোনদা শোইথহল্লকই। মসিগুম্লবা ফীভম অসিদা এম.ই.পি.গীদমক্তা এম.এস.পি.না স্তেৎ পুম্নক্তা খুদোংচাবা অমা পীরি।

এপ্রিল-জুন থা অসি মাইনর ফোরেস্ত প্রদ্যুস খোমগৎপা খ্বাইদগী ৱাংবা মতম ওইবগা লোয়ননা, মসিদা সরকারনা শিনবীবা অমসুং প্রোক্ব্যুর্মেন্ত য়াওরমদ্রবদি মরু ওইনা কোবিদ-১৯না থোকহল্লিবা ফীভম অসিদা ত্রাইবেলশিং খম থেংনা ৱারমগনি। হীরম অসিদা, ত্রাইবেলশিংগী হীংনবগী পাম্বৈশিং শেমবীনবা অমসুং ঙাক শেনবীনবা অমসুং অৱাবা তারিবা মতম অসিগী মনুংদা চেকশিন্না লৈহন্নবা, মখল কয়াগী মীফমশিং (ভিদিও কফরেন্সিংগী খুত্থাংদা) পাঙথোক্তুনা স্তেৎশিং অমসুং ত্রাইবেল এফিয়র্সগী মরক্তা অপুনবা থৌরাং অমা লৌখৎনবা শেমখি। শোথরবা ত্রাইবেলগী শেনমিৎলোন অসিবু ফগৎহন্নবা, এম.এফ.পি.গীদমক্তা শেমদোক্লবা এম.এস.পি.গী গাইদলাইনশিং মে ১, ২০২০দা থোকখ্রে, এম.এফ.পি.গীদমক্তা এম.এস.পি.গী মমলশিং ৯০% ফাওবা হেনগৎহনখ্রে অমসুং ত্রাইবেলনা গেদররশিংগীদমক ইনকমশিং ৱাংখৎহনবদা মতেং ওইরগনি।

এম.এস.পি.গী মখাদা এম.ই.পি.গী লিস্ততা অনৌবা পোৎলম ২৩ মন্ত্রাল্যয়না হাপনবা খঙহনখ্রে। হায়রিবা পোৎলমশিং অসিদা ত্রাইবেল গেদররশিংনা খোমজিল্লিবা লৌউ-শীংউগী অমসুং হোর্তিকলচরগী পোৎথোক য়াওরি।

ত্রাইবেল গেদররশিংগী মরক্তা সোসিএল দিস্তেন্সিং কাংলোনশিং অমসুং মথৌ তাবা হাইজিন ঙাক্লগা মখোয়গী মথৌশিং তৌনবা এৱের্নেস পীনবা য়ুনিসেফ, দবল্যু.ঐচ.ও. অমসুং ত্রাইবেল এফিয়র্সকা লোয়ননা স্তেৎ অমসুং নেসনল থাক্কী ৱেবিনারশিং এপ্রিলদা পাঙথোকখি হায়না শ্রী কৃষ্ণনা ফোঙদোকখি। মোতো অদু কোবিদ লেপহন্সি অমসুং থবক লেপলোই হায়বা অসি ওইখি। হায়রিবা পাউজেল অসি এদভর্তিসমেন্তশিং, কেম্পেনশিংগী খুত্থাংদা স্তেৎশিং অমসুং সোসিএল মিদিয়দা শন্দোকখি।

অৱাবা তারিবা তানফম অসিগী মনুংদা লৌখৎপা শীংথানিঙাই ওইরবশিং অদু পল্লবা মতুংদা, স্কিম অসি মতম খরা খক্তগী ওইবা নত্তে হায়না শ্রী কৃষ্ণনা ভাবোক্তা খঙহনখি। আর্তিকল ২৭৫ (১)গী মখাদা কোবিদ-১৯ রিলিফ প্লান অসিগী মখাদা এম.এফ.পি.শিংগী কল্লেকসন, প্রোক্ব্যুর্মেন্ত, হর্বেস্তিং অসসুং প্রোসেসিং চাওথোক্নবা; ভন ধন কেন্দ্রশিং লীংখৎপা অমসুং ত্রাইবেল ওন্তপ্রেনোর্শিপ হেনখৎহনবা; ত্রাইবেলগী চান্নবা চিঞ্জাক অমসুং মচি ওইবশিং ফংনবা অমসুং চিঞ্জাক অমসুং চিঞ্জাক নত্তবগী তেংবাংশিং ত্রাইবেল গেদররশিং পীবা; অমসুং হেলথকিয়রগী চেকশিন ঔরাং অমসুং ত্রাইবেল হেলথ কিয়র সিস্তেমশিং ফগৎহনবা স্তেৎতা তেংবাং পীখ্রে, এম.এফ.পি. স্কিমগী এম.এস.পি. অসিনা লুপা কোতি ১৩০০ ফংগদৌরি।

অকুপ্পা ৱারোম থমখ্রবা মতুংদা, শ্রী প্রাবির কৃষ্ণনা মহারাস্ত্র, ওরিশা, নোংচপ বঙ্গাল,উত্তর প্রদেশ অমসুং অসামদা তশেংনা থোকখিবা থৌদোক্কী খুদম খরা পীদুনা প্রোক্ব্যুরমেন্ত অসি মওং মরিল তান্না করম্না তৌবগে হায়বা অদু উৎখি। প্রোক্ব্যুর্মেন্ত অসি এদ-হোক নত্তে; মসিদা থৌরাং অমা চংঙি! সেন্তর খুদিংমক্তা বোর্দ অমা অমসুং ইলেক্ত্রোনিক্কী অরুমবা ওন্নবা মেছিন লৈ। শেমদোক্লবা মমলশিংগী মরমদা পাউ অসি পাউ ফাওনবগী অমসুং মেসেস তৌবগী পাম্বৈশিং লৌখৎলি। হায়রিবা কেসশিং অসিগী প্রোক্ব্যুর্মেন্তগী মমল, প্রোক্ব্যুর তৌরিবা পোৎলমশিং অমসুং প্রোক্ব্যুর্মেন্ত সেন্তরশিংগী মশিং অদুবু পনখি।

মিস্তর প্রাবির কৃষ্ণনা হায় ছাত্তিসগর অসি শীংথানিঙাই ওইবা থবক তৌবগিদমক খ্বাইদগী মকোক থোংবা স্তেৎ অমা ওইরি। স্তেৎ অসিগী প্রোক্ব্যুর্মেন্ত সেন্তর ৮৬৬ লৈ অমসুং স্তেৎ অসিগী ভন ধন কেন্দ্র ১৩৯দগী ভন ধন এস.ঐচ.জি.শিংগী অচৌবা নেতৱার্ক মপুং ফানা লেবরেজ তৌখ্রে।

স্তেৎ অসিনা লৌখৎখিবা ইন্নোবেসন অসিনা মীয়াম্না পাম্নখি। স্তেৎ অসিগী রামানুজগঞ্জ জিলাদা দোর-তু-দোরগী খোংথাং লৌখৎখি। উমংগী, রিভেন্যুগী অমসুং ভন ধন ভিকাস কেন্দ্র ওফিসিএলশিং বাওবা মোবাইল য়ুনিৎশিং মথৌ তৌখি অমসুং মখোয়না চত্তুনা অমসুং য়ুম খুদিংদগী পোথোক অদু খোমখৎখি। ছত্তিসগরনা অসিগুম্বা হোৎনবা অসিদা মাই পাকপা অসিনা মোদেল স্তেৎ অমা ওইহল্লি অমসুং স্তেৎ পুম্নমক্কী তীমশিং থাদুনা য়েংলি অমসুং মসিগী পাম্বৈ অসি ইমপ্লিমেন্ত তৌরগা শীজিন্নগদৌরি।

আশা কয়া লৈরিবা, তুংলম চৎকীদমক্তা শেমদোকপা য়াবা থৌরাংশিংগী মতাংদা শ্রী প্রাবির কৃষ্ণনা ঙাংলদুনা মহাক্কী ৱারোম পীবা অদু লোয়শিনখি। মতাং চানা মতেং তৌরবি, এম.ই.পি.গী এম.এস.পি.না ত্রাইবেলগী ইকোসিস্তেমদা অহোংবা পুরক্কনি অমসুং ত্রাইবেল মীয়ামবু এমপাৱর তৌগনি হায়না মহাক্না থাজবা ফোঙদোকখি। মেরা ভন মেরা ধন মেরা উদিয়ম হায়বা অসি হৌজিক অমসুং তুংলমচৎকী মোতোনি!