দিল্লীগী মীয়ামদা তেংবাংবগী মোদী সরকারনা খঞ্জবশিং অসি থবক ওইনা পাংথোক্লদুনা প্রধান মন্ত্রী শ্রী নরেন্দ্র মোদীগী পাউতাক মতুং ইন্না কেন্দ্রগী গৃহ মন্ত্রী শ্রী অমিৎ শাহনা দিল্লীদা ওইরিবা কোবিদ-১৯গী ফিভম অসি মশামক্না য়েংশিল্লি। হৌখিবা নুমিৎ খরনিদা দিল্লীগী কোবিদ-১৯গী ফিভমশিংগী মতাংদা কেন্দ্রগী গৃহ মন্ত্রী শ্রী অমিৎ শাহনা লুচিংদুনা পাংথোকখিবা মীফম কয়া অমদা পীখিবা য়াথংগী মতুং ইন্না দিল্লীগী কন্তেনমেন্ত জোন ২৪২দা য়ুম্থোং খুদিং চংদুনা পাংথোকপা সর্ভে অমা ঙরাং লোইশিনখ্রে। মদুদা অপুনবা মীওই লাখ ২.৩ সর্ভে তৌখি।

মখা তাবা ওইনা, কেন্দ্রগী গৃহ মন্ত্রীনা দিল্লীদা তেস্ত তৌবা হেনগৎপা অমসুং অথুবা মতমদা রিজল্ত পীনবা হায়বগী মতুং ইন্না রেপিদ এন্তিজেন তেস্তিংগী থৌওং শিজিন্নদুনা ঙরাংদগী তেস্ত তৌবা হৌখ্রে। তেস্ত তৌফম ১৯৩দা পুন্না মীওই ৭,০৪০ তেস্ত তৌখ্রে। লাক্লিবা নুমিৎশিংদা তেস্ত তৌবগী কেপাসিতীশু হেনগৎলগনি।

শ্রী অমিৎ শাহনা ৱারেপ হেক লৌখিবগা খুদক্তা সেম্পল তেস্ত তৌবগী চাং অসি শরুক অনি হেনগৎখি। হান্ননা নোংমদা ৪০০০-৪৫০০০গী চাংদা তেস্ত তৌরম্বা অদুদগী হেনগত্তুনা তাং ১৫দগী ১৭ ফাওবদা দিল্লীদা অপুনবা সেম্পল ২৭,২৬৩ তেস্ত তৌখি।

দিল্লীগী মীওই অমা হেক্তদা তেংবাং পীনবা হায়দুনা গৃহ মন্ত্রী শ্রী অমিৎ শাহনা দাক্তর ভি.কে. পাউল, নিতি আয়োগকী মেম্বরগী মখাদা দিল্লীদা লৈবা লন্নাইগী হোস্পিতালশিংদা তোঙান তোঙানবা কোবিদ-১৯গী অনাবগী থাক্কী ফমুং ৬০%গী মমল লেপ্নবা কম্মিত্তী অমা শেমখ্রে। থাকশিং অদুদি আইসোলেসন বেদ, বেন্তিলেতর য়াওবা অমসুং য়াওদবা আই.সি.য়ু.শিংনি।

দিল্লীগী লন্নাইগী হোস্পিতালশিংদা কোবিদ-১৯ লায়েংবগী অনৌবা মমলশিং

কম্মিত্তী অসিনা লন্নাইগী হোস্পিতালশিংগী ওইনা (হোস্পিতাল অদু এন.এ.বি.ঐচ.না শকখংলবা ওইবা নত্ত্রগা ওইদবগী মতুং ইন্না) নোংমদা লুপা ৮,০০০-১০,০০০ (পি.পি.ই. অমসুং হিদাক-লাংথক য়াওবা), লুপা ১৩,০০০-১৫,০০০ (পি.পি.ই. অমসুং হিদাক-লাংথক য়াওবা) অমসুং লুপা ১৫,০০০-১৮,০০০ (পি.পি.ই. অমসুং হিদাক-লাংথক য়াওবা)গী চাং অসি মথংশিৎনা আইসোলেসন বেদ, বেন্তিলেতর য়াওদবা আই.সি.য়ু. অমসুং বেন্তিলেতর য়াওবা আই.সি.য়ু.গী ওইনা লেপখ্রে। হায়রিবা অসি হান্নগী মথংশিৎনা নোংমদা লুপা ২৪,০০০-২৫,০০০ (পি.পি.ই. য়াওদবা), লুপা ৩৪,০০০-৪৩,০০০ (পি.পি.ই. য়াওদবা) অমসুং লুপা ৪৪,০০০-৫৪,০০০ (পি.পি.ই. য়াওদবা) অদুগা চাংদম্নবদনি।

*****