নোবেল কোরোনাভাইরসকী খুৎপায়দগী নান্থোক্নবা অচুম্বা তেস্তিং তৌবগী তঙাই ফদবা লৈ। হীরমসিগী মতাংদা থবক কনশিল্লদুনা ইন্দিয়ন ইন্সতিত্যুত ওফ তেক্নোলোজী (আই.আই.তি.)গুৱাহাতিনা আর.আর. এনিমেল হেলথকেয়র লিমিতেদ অমসুং গুৱাহাতি মেদিকেল কোলেজ অমসুং হোস্পিতাল (জি.এম.সি.ঐচ.)গা খুৎশম্নদুনা অহোংবা দাইগ্নোস্তিক কিৎ অমা পুথোকখ্রে। মখোয়শিং অদুদি ভাইরেল ত্রান্সপোর্ত মীদিয়া (ভি.তি.এম.) কিৎশিং, আর.তি.-পি.সি.আর. কিৎশিং অমসুং আর.এন.এ. আইসোলেসন কিৎশিংনি।

ভি.তি.এম. কিৎশিং অসি মীওই অমদগী নেসেল অমসুং ওরেল স্বাব লৌরগা কলচর অমসুং তেস্তিং তৌনবা লেবোরেতরীদা অশোয় অঙাম য়াওদনা পীবদা শিজিন্নবা ফর্স্ত-স্তোপ সোর্সনি। মতমসিগী মনুংদা সেম্পল স্পেসিমেন অদুদা য়াওবা ভাইরস অসি, করিগুম্বা য়াওরবদি, তেস্তিং তৌদ্রিফাওবা লেংদনা লৈগনি। কিৎ অসিদা সারস-কোভ-২ খোমজিন্নবা অমসুং পুথোক পুশিন তৌননবগীদমক্তা মপুং ওইনা শেম্লবা মহী য়াওই।

কিৎশিং অসিগী মমলদা হন্থরক্নবা হায়দুনা ৱর্ল্দ হেলথ ওর্গানাইজেসন (দব্ল্যু.ঐচ.ও.)না য়ারবা অনকপা কৈথেলশিংদা ফংবা মপোৎ-মচৈ শিজিন্নৈ। মখোয়না কিৎশিং অসিগী বেৎচ অনি নেস্নেল হেলথ মিসন, অসম অমসুং জি.এম.সি.ঐচ.তা পীখ্রে। ঐখোয়না কিৎশিং অসি মীয়াম্না পুম্বনা শিজিন্নবা য়ানবা হায়দুনা মশিং য়াম্না শাবগী থবক পাংথোক্লি হায়না আই.আই.তি. গুৱাহাতিগী মকোক চিংবা রিসর্চর প্রোফেসর পারামেস্বর কৃষ্ণন আয়রনা ফোংদোকখি।

(ওইদগী য়েৎলোমদা) লক্ষমি রমন অদিল, পি.ঐচ.দি. মহৈরোয় (আই.আই.তি. গুৱাহাতি), দাক্তর পঙ্কজ চৌধরী (আর.আর. এনিমেল হেলথ কেয়র), প্রোফেসর পারামেস্বর আয়র অমসুং প্রোফেসর সিধার্থ ঘোস (আই.আই.তি. গুৱাহাতি), দাক্তর অনিল বিদকার (আর.আর. এনিমেল হেলথ কেয়র)

মসিগী কিৎশিং অসিদা ত্রান্সপোর্ত মীদিয়া অনি য়াওই; নেসোফেরিঞ্জিএলগী অমা অমসুং অতোপ্পা অমনা ওরোফেরিঞ্জিএল স্পেসিমেন কলেক্সন স্বাবকীদমক। অনিমক অসি শিজন্নবদা শাফবা ওই অমসুং সেন্তর ফোর দিজিজ কন্ত্রোল এন্দ প্রিবেন্সন (সি.দি.সি.)নসু শকখংলবা কিৎনি। মপুং ফারবা পেকেজ অসি ভাইরেল স্পেসিমেন খোমজিনবগী, পুথোক পুশিন তৌবগী, শেন্নবা নুংঙাইবা অমসুং মতম কুইনা ফ্রীজরদা থম্বগী ওইনা য়াম্না চান্নৈ। পুথোক পুশিন তৌনবা পাম্বৈগী তোঙাল্লবা ফোরম্যুলেসন অসিনা ভাইরস অসি পুং ৭২ (রেফ্রিজরেতদ তেম্পেরেচরদা) হিংনা থম্বা য়াহল্লি।

স্বাবশিং অসি সেম্পল তেক্ত কায়দনা লৌবা য়াহন্নবা পায়ফমদা থুদেকপা য়াবা মফম অমা হান্ননা শেমদুনা ইরগোনোমিক ওইবা মওংদা শাবনি। মসিগী স্তেরাইল ভি.তি.এম. কিৎশিং অসি সি.দি.সি.না হায়বা কোবিদ-১৯গী ভাইরেল সেম্পল লৌবগী মওং মতৌগী মতুং ইল্লি অমসুং শিজিন্নবা নুংঙাইবা তোঙান তোঙনবা পেক্তা হাপ্পি। “মসিগী কিৎশিং অসিনা অসমদা অহোংবা অমসুং মতিক মগুন লৈবা হেলথকেয়রগী পোত্থোকশিং শাবদা চাউখৎপগী ইথিল পীরগনি অমসুং মালেমগী থাক্তা লৈবা কিৎশিং ফংহনবতা নত্তনা হেলথকেয়র প্রোফেস্নেল অমসুং মহৈরোয়শিংদা খুদোংচাবা কয়া পীগনি”, প্রোফেসর আয়রনা হায়খি।

স্তেরাইল ভি.তি.এম. কিৎশিং অসিগী মথক্তা ইন্সতিত্যুৎ অসিনা আর.আর. এনিমেল হেলথকেয়রগা খুৎশম্নদুনা আর.এন.এ. আইসোলেসন কিৎ অমসুং আর.তি.-পি.সি.আর. কিৎশু পুথোকখ্রে। তোঙান্না তাহল্লবা অমসুং শেংদোক্লবা আর.এন.এ. অসি রিবর্স ত্রান্সক্রিপ্তেস (আর.তি.) ইঞ্জাইম্না দি.এন.এ.দা ওন্থোকই অমসুং মসিনা কোবিদ-১৯ য়াওই নত্ত্রগা য়াওদে খংদোকপদা তেংবাংই। অসমগী তঙাই ফদবশিং অসি থেংনবা ঙম্নবা কিৎশিং অসি মশিং য়াম্না পুথোকপা হৌরগনি অমসুং অথুবা মতমদা লৈবাক শিনবা থুংনা ফংহল্লগনি।

*****