ঙসি হাউজিং অমসুং অর্বান এফিয়র্সকী মন্ত্রালয় অমসুং স্মোল ইন্দস্ত্রীজ দিবেলপমেন্ত বেঙ্ক ওফ ইন্দিয়া (এস.আই.দি.বি.আই.)গী মরক্তা য়ানা ৱারোল খুৎয়েক পীনখি, হায়রিবা অসি পি.এম. স্ত্রীৎ ভেন্দরস আত্মানির্ভর নিধি (পি.এম. এস.ভি.নিধি) - স্ত্রীৎ ভেন্দরশিংগীদমক্তা ওইবা অখন্নবা মাইক্রো-ক্রেদিৎ ফেসিলিতী অসিগীদমক্তা এস.আই.দি.বি.আই.বু ইমপ্লিমেন্তেসন এজেন্সী অমা ওইনা মথৌ তৌহন্নবনি। য়ানা ৱারোল অদু হাউজিং অমসুং অর্বান এফিয়র্সকী মন্ত্রালয় (এম.ও.ঐচ.য়ু.এ.)গী মাইকৈদগী জোইন্ত সেক্রেতরী, শ্রী সঞ্জয় কুমার অমসুং এস.আই.দি.বি.আই.গী দিপ্যুতী মেনেজিং দাইরেক্তর শ্রী ভি. সত্যা ভেনকতা রাওনা এম.ও.ঐচ.য়ু.এ.গী ইকাইখুম্নরবা রাজ্যাগী মন্ত্রী (ইন্দিপেন্দেন্ত চার্জ), শ্রী হরদীপ এস. পুরিগী মমাংদা খুৎয়েক পীনখি।

য়ানা ৱারোলগী তার্মশিং অদুগী মতুং ইন্না, এস.আই.দি.বি.আই.না এম.ও.ঐচ.য়ু.এ.গী লমজিং-লমতাক্কী মখাদা পি.এম. এস.ভি.নিধি স্কীম অসি চৎনহনগনি। মখোয়না মাইক্রো অমসুং স্মোল ইন্তরপ্রাইজশিং (সি.জি.তি.এম.এস.ই.)গীদমক্তা ওইবা ক্রেদিৎ গেরেন্তী ফন্দ ত্রস্তকী খুত্থাংদা লেন্দিং ইন্সতিত্যুশনশিংদা লৈরিবা ক্রেদিৎ গেরেন্তী অদুসু য়েংশিনগনি। মখোয়না এন্দ-তু-এন্দ সোলুশনশিং পীদুনা কস্তমাইজ তৌরবা অমসুং ইন্তিগ্রেতেদ আই.তি. প্লেৎফোর্ম দিবেলপ তৌগনি অমসুং মসিবু য়েংশিনগনি, হায়রিবা অসিদা অর্বান লোকেল বোদীশিং (য়ু.এল.বি.শিং), লেন্দিং ইন্সতিত্যুশনশিং, দিজিতেল পেমেন্ত এগ্রিগেতরশিং অমসুং অতোপ্পা স্তেকহোল্দরশিংগী মরক্তা এনগেজমেন্ত লৈহনবা অমসুং ই-পাউ নীংথিজনা ফাওদোক ফাওজিন লৈহন্নবা পোর্তেল অমসুং মোবাইল এপকী খুত্থাংদা থৌওংশিং অসিগী দোক্যুমেন্তেশন তৌবা অমসুং এন্দ-তু-এন্দ সোলুশনগীদমক্তা ৱার্কফ্লোশিং লৈহনবসু য়াওরি।

মখোয়না স্কীম অসি ইমপ্লিমেন্ত তৌনবগীদমক্তা সেদ্যুলদ কমর্সিয়েল বেঙ্কশিং (এস.সি.বি.শিং), নন-বেঙ্ক ফাইনান্স কমপনীশিং (এন.বি.এফ.সি.শিং), মাইক্রো ফাইনান্স ইন্সতিত্যুশনশিং (এম.এফ.আই.শিং), কো-ওপরেতিব বেঙ্কশিং, স্মোল ফাইনান্স বেঙ্কশিং (এস.এফ.বি.শিং), রিজনেল রুরেল বেঙ্কশিং (আর.আর.বি.শিং), অসিনচিংবশিং অসিগুম্বা লেন্দিং ইন্সতিত্যুশনশিং অসিগী নেৎৱার্ক অদু শিজিন্নগনি।

মাইপাক্না ইমপ্লিমেন্তেশন তৌবা ঙমহন্নবগীদমক্তা, এস.আই.দি.বি.আই.না পি.এম. এস.ভি.এ.নিধিগী মতমগীদমক্তা হায়দি ২০২২গী মার্চ ফাওবা প্রোজেক্ত মেনেজমেন্ত য়ুনিৎ (পি.এম.য়ু.)সু পীগনি, মসিদা ত্রেনিং/কেপাসিতি বিলদিংগী দোমেন এক্সপর্তশিং, প্রোজেক্ত অমসুং প্লেৎফোর্ম মেনজমেন্ত, ইনফোর্মেশন এজুকেশন অমসুং কম্যুনিকেশন (আই.ই.সি.), বেঙ্কিং, এন.বি.এফ.সি. অমসুং এম.এফ.আই. সেক্তরশিং অসিনচিংবশিং অসি য়াওরি।

পনবা য়াবদি হায়রিবা পি.এম. এস.ভি.এ.নিধি অসি কোবিদ-১৯গী লোকদাউননা মরম ওইরগা শোকহল্লবা স্ত্রীৎ ভেন্দরশিংদা মখোয়গী হিংনবগী পাম্বৈ ওইরিবশিং অদু মখাতানা চত্থনবা মখোয়না লৌবা ঙমগদবা ৱার্কিং কেপিতল লোন পীনবগীদমক্তা ২০২০গী জুন ০১দা হাউজিং অমসুং অর্বান এফিয়র্সকী মন্ত্রালয়না হৌদোকখিবনি। স্কীম অসিনা স্ত্রীৎ ভেন্দর লাখ ৫০দা কান্নবা পীনবা পান্দম থম্লি। স্কীম অসিগী মখাদা ভেন্দরশিংনা চহি অমগী মতমদা থাগী ওইবা ইন্সতোলমেন্ত থীবা য়াবা লুপা ১০,০০০ ফাওবগী ৱার্কিং কেপিতল লোন লৌবা য়াগনি। লোন অসিগী মতম চানা/ ঙন্না শিংদোকপা মতমদা ক্বাতর্লী ওইনা দাইরেক্ত বেনিফিৎ ত্রান্সফরগী খুত্থাংদা চহি অমগী ওইনা @ ৭%দা ইন্তরেস্ত সবসিদী অমা বেনিফিসরীশিংগী বেঙ্ক একাউন্তশিংদা হাপখিগনি। স্কীম অসিনা থা অমদা লুপা ১০০ ফাওবগী কেশ বেক ইন্সেন্তিবশিংগী খুত্থাংদা দিজিতেল ত্রাঞ্জেক্সনশিং য়োকখৎলি। মসিগী মথক্তা ভেন্দরশিং অসিনা মখোয়গী লোনশিং অদু মতম চানা / ঙন্না শিংদোকপা মতমদা ক্রেদিৎ লিমিৎ হেনগৎপগী খুদোংচাবা অদু লৌদুনা শেল-থুমগী ফিভমদা ফগৎলক্তুনা থাক ৱাংখৎলক্নবগী আশা তোজরিবা অদু ফংবা ঙমগনি।

মন্ত্রালয়না হান্নদগী স্তেকহোল্দরশিংদা খুদম ওইনা রাজ্যশিং অমসুং অতোপ্পা স্তেকহোল্দরশিং, বেঙ্কশিং য়াওনা , এম.এফ.আই.শিং, এন.বি.এফ.সি.শিং, এস.আই.দি.বি.আই. অমসুং স্ত্রীৎ ভেন্দরশিংগি এসোসিয়েশনশিংদা মখোয়গী লৌগদবা থৌদাং অমসুং দায়ত্যশিং অদুগী মতাংদা মখোয়বু খঙহন্নবা স্কীম অসিগী গাইদলাইনশিং অদু থাদোকখ্রে। পি.এম.এস.ভি.নিধিগীদমক্তা ওইবা ইন্তিগ্রেতেদ আই.তি. প্লেৎফোর্ম অদু ২০২০গী জুনগী মরিসুবা চয়োলদা হৌবা য়ানা লৈ। অহানবা তাঙ্কক্তা ২০২০গী সেপ্তেম্বর ফাওবদা লৌইগদবা সিতী ১০৮ রাজ্যশিং/য়ু.তি.শিংগা তানদুনা খনগৎখ্রে। লোনশিং অসি ২০২০গী জুলাইদা থাদোকপা হৌনবগী থৌরাং তৌখ্রে।

*****