কর্নাতকাদগী লাকপা কোবিদ-১৯ শেন্নবগী ফজরবা থৌওং অমবু কেন্দ্র সরকারনা থাগৎপা ফোংদোকখ্রে। থৌওং অসিনা কোবিদ-১৯ পোজিতিব কেসশিংবু মপুং ফানা কন্তেক্ত ত্রেসিং তৌবগা লোয়ননা য়ুম্থোং খুদিংদা নত্ত্রগা ফোন্দা পাউ ফাওনদুনা ইমুং কোতি ১.৫গা নিংথিজনা পাউ ফাওনরি। রাজ্য সরকার অসিনা লৌখৎপা খোংথাং অনি অসি মলতি সেক্তোরিএল এজেন্সীশিং য়াওদুনা “অপুনবা গবর্নমেন্ত”কী মওংদা শেম্বনি অমসুং তেক্নোলোজীদা য়ুম্ফম ওইবা থবকশিং অমসুং ৱারোইশিন পীনবা থৌওংশিংনা তেংবাংই। মখোয়না কেস খুদিংমকপু মায় পাক্না ত্রেস অমসুং ত্রেক তৌদুনা লায়চৎ অসি শন্দোরকপা থিংনবা মায় পাক্না হোৎনরি।

কেন্দ্র সরকারনা অতোপ্পা রাজ্যশিংনশু থৌওং অসি মখোয়গী মফমশিংদা পাংথোক্তুনা কোবিদ-১৯গী লায়চৎ অসি শন্দোরকপা থিংনবা নিংথিনা হোৎননবা হায়খি।

কন্তেক্ত ত্রেসিং তৌবা অসি লায়চৎ অসি লাকশিন্নবা খ্বাইদগী মরু ওইবা থৌওংনি অমসুং মসিনা হেলথ ইনফ্রাস্ত্রকচরশিংবু লাকশিনবা ঙমহল্লোইদৌরিবনি। কর্নাতকানা ‘কন্তেক্ত’কী ৱাহন্থোক অসিদা ভারত সরকারনা হায়বা হাই-রিস্ক অমসুং লো-রিস্ক অনিমক য়াওহন্দুনা হেন্না পাক চাউহল্লবনি। কর্নাতকাগী প্রাইমরী অমসুং সেকন্দরী কন্তেক্তকী মশিংশিংশু নিংথিনা থিগৎলবা মতুংদা অকনবা ক্বারেন্তাইনগী মখাদা থম্লিবনি।

রাজ্যনা শেম্লিবা থবক অসিগীদমক্তা লৈরবা মীওইশিংনা থাক নায়না পাংথোক্কদবা এস.ও.পি.গী মতুং ইন্না নিংথিনা ত্রেন তৌরবা স্তাফ ১০০০০ হেনবনা মখোয়গী তৌফম থোকপা কন্তেক্ত ত্রেসিং তৌবগী থবক পাংথোক্লি। য়াম্লবা,তসেংনা কাওথোকপা য়াবা অমসুং মীওই খরনা করিগুম্বা মরম খরগী লোৎশিন্নবা হোৎনবা য়াবা অসিবু থোকহন্দনবা কন্তেক্ত ত্রেসিং মোবাইল এপ অমসুং ৱেব এপ্লিকেসন অসি শিজিন্নদুনা পাংথোক্নবা শিজিন্নরি।

স্লম অমসুং মান্নবা মফমশিংদা লৈবা কন্তেক্তশিংবু শুংশোই শোয়দনা ইন্সতিত্যুস্নেল ক্বারেন্তাইন তৌহনবগী খুত্থাংদা লায়চৎ অসি অচৌবা কোরপোরেসনগী মফমশিংদা শন্দোরকপা থিংনবা রাজ্য অসিনা হোৎনরি। রাজ্যসিদা হল্লকপা মীওইশিংবু য়ুমদা হল্লক্লবা তুংদা হোম/ইন্সতিত্যুস্নেল ক্বারেন্তাইন্দা লৈবগী মথংগী নুমিৎ খরদা থিগৎপা য়ানবা হায়দুনা মীওইশিং অসি “সেবা সিন্ধু” পোর্তেলদা রাজ্য অসিনা শোইদনা রেজিস্তর তৌহল্লি। ফিল্দ ৱর্করশিংনা মখোয়বু শোইদনা ক্বারেন্তাইন তৌহন্নবা হোৎনদা ‘ক্বারেন্তাইন ৱাৎচ এপ’ অসিনা তেংবাংলি। খুন্নাইনা তেংবাংবগী খুত্থাংদা মীওইশিং অসিবু হোম ক্বারেন্তাইন তৌহন্নবা হায়দুনা রাজ্যসিনা মোবাইল স্ক্বাদসু শেম্লে। করিগুম্বা মীওই অমা হেক্তনা ক্বারেন্তাইন তৌদবগী পাউ অমা য়ুম্লোন্নবশিংদগী নত্ত্রগা মীয়ামদগী লাকপা মতমদা মীওই অদু ইন্সতিত্যুস্নেল ক্বারেন্তাইন্দা থমজিল্লি।

চহী য়াম্লবা অহলশিং, কুইনদগী নাদুনা লাকপা মীওইশিং, মীরোনবি নুপীশিং অমসুং ইনফ্লুএঞ্জা লাইক ইলনেস (আই.এল.আই.)/সিবিয়র এক্যুৎ রেস্পিরেতরী ইলনেস (সারি) লৈবা মীওইশিং হান্না খংদোক্নবা কর্নাতকানা য়ুম্থোঙ খুদিং চৎপা/ফোন তৌবগী ইমুং ইমুংগী ওইবা সর্বে অমসু তৌরি।

সর্বে অসি মে ২০২০গী মনুংদা পাংথোকখি অমসুং ইমুং লাখ ১৬৮গী মনুংদা ইমুং লাখ ১৫৩ য়ৌবা ঙমখি। পোলিং বুথ লেবেল ওফিসার (বি.এল.ও.)শিংশু হেলথ সর্বে মোবাইল এপ অমসুং ৱেব এপ্লিকেসন শিজিন্নহন্দুনা তঙাই ফদবা ৱাফমশিং খোমজিন্নবা শিজিন্নখি। সর্বে অসিনা খোমখিবা দেতাশিং অসি হেলথ দিপার্তমেন্ততা হান্ননা লৈরবা মীরোনবি নুপীশিং অমসুং তি.বি./ঐচ.আই.ভি./দাইলায়সিস/কেন্সরগী অনাবশিংগী দেতাগা অমুক পুনশিল্লি। নাস্কোম্না তেংবাংবা অপথামিত্র তেলে-কন্সলতেসন হেল্পলাইন (নম্বর ১৪৪১০)গী খুত্থাংদা আউৎরিচ কেম্পেন অমা হৌদোক্তুনা অশোয় অঙাম থোকপা য়াবা ইমুংশিংদা ইন্তরএক্তিব ভোইস রেস্পোন্স সীস্তেম (আই.ভি.আর.এস.) অমসুং ফোন তৌবগী খুথাংদা পাউ ফাওনবা শিজিন্নরি। কোবিদ-১৯ মানবা সিম্পতোম লৈবা ইমুংশিংদা তেলেমেদিসেন দাক্তর অমনা হান্না লায়েংগদবশিং মশক খংদোক্তুনা মখা তানা পাউতাক পীরি। ফিল্দগী থাক্তা লৈরিবা হকশেলগী থৌমীশিং (আশা)না ইমুংশিং অসিদা চত্তুনা তঙাই ফদবা হেলথকেয়র ফংহন্নবা কন্না হোৎনরি।

*****