পেত্রোলিয়মগী অচৌবা বি.পি.না ঙসি ভারতকী পুনেদা মখোয়গী গ্লোবল বিজনেস সর্বিস (জি.বি.এস.) ওপরেশনশিংগীদমক্তা চাউরবা অনৌবা সেন্তর অমা লিংখৎনবগী থৌরাংশিং অদু লাউথোকখি। অনৌবা সেন্তর অসিনা মীওই ২০০০ ময়া নক্না থবক পীগনি অমসুং মসিনা মালেম শিনবা থুংনা বি.পি.বু দিজিতেল ইনোবেসন্দা মতেং পাংগনি। সেন্তর অসি ২০২১গী জানুৱারীদগী মথৌ তৌবা হৌনবগী ওইথোকপা লৈ অমসুং মসিনা বিজনেস প্রোসেসিং অমসুং মালেম শিনবা থুংনা বি.পি.গী বিজনেসশিংদা মতেং পাংনবা এদভান্স ওইরবা এনালীতিক্স কেপেবিলিতীশিং পীগনি।

ভারত্তা লৈরিবা অনৌবা সেন্তর অসিনা থার্দ-পার্তী বিজনেস প্রোসেসশিংগী ওপরেশনেল ওনরশিপ ওইগনি অমসুং অফবা বিজনেসকী ফলশিং পুরক্নবা হোৎননবাএনালীতিক্স অমসুং দেতা সাইন্স কেপেবিলিতীশিংগা লোইননা মখোয়গী থবকশিং অদু মখাতানা তৌথনবা হোৎনবা। ভারত অসি দিজিতেল তেলেন্ত পুল চাউখৎলকপগা লোইননা চাউখৎলক্লিবা মার্কেৎনি। ভারত্তা লৈরিবা অনৌবা সেন্তর অসিনা বি.পি.বু মসিগী পুল অসিগী খুদোংচাবা লৌবা য়াহনগনি অমসুং মসিনা বি.পি.গী চাউখৎপদা অমসুং খ্বাইদগী নৌবা, খ্বাইদগী ফবা দিজিতেল সোল্যুশনশিং শিজিন্নবা ঙমহনগনি।

মসিগী চাউখৎ থৌরাং অসিবু তরাম্না ওক্লদুনা, পেত্রোলিয়ম অমসুং নেচরেল গ্যাস অমসুং স্তীলগী মন্ত্রী ধর্মেন্দ্র প্রধান্না হায়খি, “পুনেদা চাউরবা অনৌবা গ্লোবল বিজনেস সার্বিস সেন্তর অমা লিংখৎনবগী বি.পি.গী খোংথাং অসিবু ঐহাক্না তরাম্না ওকই। অনৌবা সেন্তর অসিনা মথৌ হেক তৌবগা ভারত্তা লমদম অসিগী চাউখৎলক্লিবা দিজিতেল তেলেন্ত পুলগীদমক্তা খুদোংচাবা কয়া অমা পীগনি অমসুং মখোয়গী মালেমগী থাক্তা লৈরিবা বিজনেসশিং অদু মতেং পাংনবা মীওই ২০০০ থবক পীগনি। ”

*****