মলেমগী ওইনা খ্বাইদগী চাওবা রিক্র্যুমেন্ত এক্সর্সাইজ অমনি হায়বা য়ারবা, ক্রিতিকেল সেফতি অমসুং ওপরেস্নেল ফমশিং মেনশিন্নবা রেলৱেজ মন্ত্রালয়না মাই পাকনা লোয়শিন্দুনা অমসুং অরোইবা তাঙ্কক য়ৌবা ঙমখ্রে। সেন্ত্রেলাইজ এমপ্লোইমেন্ত নোতিফিকেসন (সি.ই.এন.) নম্বর ০১/২০১৮গী ০৩.০২.২০১৮দগী ৩১.০৩.২০১৮ ফাওবদা রেলৱেজ রিক্র্যুমেন্ত বোর্দস (আর.আর.বি.স)না এসিসতেন্ত লোকো পাইলোতশিং (এ.এল.পি.শিং) অমসুং তেক্নিসিয়নশিংগী অপুনবা অহাংবা ফম ৬৪,৩৭১গী ওনলাইন এপ্লিকেসন কৌরি। অপুনবা ওনলাইন এপ্লিকেসন ৪৭,৪৫,১৭৬ লাকখি। সেলেক্সন তৌবগী স্কিম অসি কম্প্যুতরদা য়ুম্ফম ওইবা তাঙ্কক ৩গী চাংয়েং তৌরবা মতুং মেদিকেল চাংয়েং তৌগনি (লোকো পাইলোত অমদা মথৌ তাবা অরাপ্পা উবা ঙম্বা/মচু উবা ঙম্বগী অমসুং মিকুপ নাহুম শীংবগী থাক অসি য়েংলুবদা খ্বাইদগী চেকশিনবা মেদিকেল চাংয়েং অমনি)। ফমশিং অসিগীদমক কেন্দিদেৎ লাখ ৪৭.৪৫ রোমনা রেজিস্তর তৌরকখি।

অহাংবা ৬৪,৩৭১ (এ.এল.পি. ২৭,৭৯৫ অমসুং তেক্নিসিয়ন ৩৬,৫৭৬)লৈবগী মনুংদা কেন্দিদেৎ ৫৬,৩৭৮ (এ.এল.পি. ২৬,৯৬৮ অমসুং তেক্নিসিয়ন ২৮,৪১০) খল্লবা কেন্দিদেৎশিংগী পেনেল এপ্রুব তৌখ্রে। কেন্দিদেৎ ৪০,৪২০ (এ.এল.পি. ২২,২২৩ অমসুং তেক্নিসিয়ন ১৮,১৯৭)দা এপ্পোইনমেন্ত লেতরশিং পীখ্রে। নৌনা লৌখিবা কেন্দিদেৎ ১৯,১২০ (এসইসতেন্ত লোকো পাইলোতশিং (এ.এল.পি.) ১০,১২৩ অমসুং তেক্নিসিয়ন ৮,৯৯৭)গী ত্রেনিং কোবিদকী লোকদাউনগা মরি লৈনবা খোংথাংশিং লোয়শিনখিবগা হৌরগনি। ত্রেনিং তৌবদা এ.এল.পি.শিংগী ওইনা চয়োল ১৭, তেক্নিসিয়নগী ওইনা থা ০৬ চংঙি।

কেন্দিদেৎশিংদা জোইন্নিং লেতরশিং লোকদাউন মমাংদা পীখি অদুবু কেন্দিদেৎ খরদি কোরোনাগী লাইচৎ অমসুং লোকদাউননা মরম ওইদুনা জোইন তৌবা ঙমখিদে।

প্রোসিদ্যুরগী মতুং ইন্না তাঙ্কক নাইবা মওং অমদা রেলৱেজনা নৌনা খল্লবা এমপ্লোইয়ী পুম্নমক্তা এপ্পোইনমেন্ত পীরগনি। নৌনবা খল্লবশিংগী ত্রেনিং মথৌ তাই মরমদি রেলৱেজ অসি লেপ্পা লৈতনা মথৌ তৌরিবা বিভাগ অমনি অমসুং ত্রেনগী খুদোংথীবা থোকহন্দনা চল্লাইবা অসি খ্বাইদগী মরু ওইবনি। থবক মফমদা পোস্ত তৌদ্রিঙৈ মমাংদা ক্লাস রুম ত্রেনিং, মতুংদা ফিল্দ ত্রেনিং মতুংদা কম্পিতেন্স চাংয়েং য়াওবা ত্রেনিং তৌগনি। ক্লাস রুমগী, হোস্তেলগী, লাইব্রেরিগী, ইন্সত্রক্তরনচিংবগী মশিং অককনবা ওইবনা ত্রেনিং অসি বেচ নাইনা তৌই। মসি তাঙ্কক নাইনা ত্রেনিং রিসোর্সশিং য়াম্না শীজিন্নদবা মওংদা তোই।

কোরোনাগী লায়না লাইচৎ অসিনা মরম ওইদুনা মখল পুম্নমক্কী ত্রেনিংদা সোসিএল দিসতেন্সিং কাংলোনশিং ঙাকপা ওইনা অমসুং লাইচৎ অসি লাকশিন্ননবা সসপেন্দ তৌরি। ত্রেনিং অসি ফীভম ফগৎলকপগী মতুং ইন্না মখা চৎথগনি।

রিক্ব্যুমেন্ত অসি তাঙ্কক ৩গী থৌরাং অমা তৌরগা পাঙথোকই। অহানবা তাঙ্কক্কী কম্প্যুতরদা য়ুম্ফম ওইবা চাংয়েং অসি শিফ ৩৩ খাইদোক্তুনা ০৯.০৮.২০১৮দগী ০৪.০৯.২০১৮ ফাওবা নুমিৎ ১১নি চংনা সেন্তর ৪২৪দা মাই পাকনা পাঙথোকখি লোয়ননা এতেনদেন্স ৭৭% রিকোরদ তৌখি মদুদি অহানবা তাঙ্কককী চাংয়েংদা কেন্দিদেৎ লাখ ৩৬ হেনবনা শরুক য়াখি। অনিশুবা তাঙ্কক্কী কম্প্যুতরদা য়ুম্ফম ওইবা চাংয়েং অসি শিফ কয়া খাইদোক্তুনা ২১.০১.২০১৯দগী ২৩.০১.২০১৯ ফাওবা নুমিৎ ৩নি চংনা কেন্দিদেৎ ১৩,০০,৮৬৯ (লাখ ১৩দগী হেন্না)গী মাই পাকনা পাঙথোকখি। লোকো পাইলোত অমদা মথৌ তাবা মীকুপ নাহুম শীংবা য়েংনবা কম্প্যুতর বেস এপ্তিত্যুদ তেস্ত (সি.বি.এ.তি.)গীদমক চাওরাক্না কেন্দিদেৎ ২,২২,৩৬০না ১০.০৫.২০১৯ অমসুং ২১.০৫.২০১৯দা মাই পাকনা পাঙথোকখ্রে।

জোনেল রেলৱেজনা মমাংদা পাঙথোক্লমবা ফম পুম্নমক্কী মেদিকেল চাংয়েং অসিগী থৌদাং আর.আর.বি.স না পুরগনি। মখা তারকপা ওইনা, কেন্দিদেৎ ৯০,০০০রোমগী (স্তেনবাই কেন্দিদেৎ ৫০% য়াওনা) চেচাংশিং ভেরিফিকেসন তৌবা অমসুং মেদিকেল চাংয়েং ১৬.০৬.২০১৯দগী হৌদুনা ২০.০৮.২০১৯ ফাওবা তৌখি। মমাংদা পনখিবা অদুগী মতুং ইন্না ইন্দস্ত্রী অসিগী খ্বাইদগী চেকশিনবা মেদিকেল চাংয়েং অমনি মরমদি ত্রেন অমা থৌগদৌরিবা লোকো পাইলোত অমদা অপিকপা অশোইবা অমত্তা লৈবা য়াদে।

সেপ্তেম্বর ২০১৯দগী ফেব্রুৱারি ২০২০ ফাওবদা জোনেল রেলৱেজতা পেনেলশিং থারকখি। এ.এল.পি. অমসুং তেক্নিসিয়ন অনিমক্কী ওইনা সি.বি.তি. পুন্না থাখিবনা, এ.এল.পি.গী কম্প্যুতর বেস এপ্তিত্যুদ তেস্ত (সি.বি.এ.তি.)দা মাই পাকপা ঙমদবশিংগী ওইনদি তেক্নিসিয়নগী ফল অদু থেংনা হায়দোকখ।

এ.এল.পি.শিং অমসুং তেক্নিসিয়নশিং রিক্র্যুতমেন্ত তৌবগী মথক্তা রেলৱেজ রিক্র্যুতমেন্ত বোর্দস (আর.আর.বিজ.)না নন-তেক্নিকল পোপুলর কেতগোরি (এন.তি.পি.সি.- গ্রেজ্যুৎ অমসুং অন্দর গ্রেজ্যুৎ লেভেল) পোস্ত অপুনবা ৩৫,২০৮কী ওনলাইন এপ্লিকেসনশিং কৌখ্রে। অপুনবা ওনলাইন এপ্লিকেসন ১,২৬,৩০,৮৮৫ (মদুদি কোতি ১.২৫ হেনবা) ফঙখি।

কোবিদ-১৯গী মমাংগী মতমদা চাংয়েং পাংথোক্নবা শেম শাবা অসি খুমাং চাওশিল্লবা তাঙ্কক অমদা লৈরম্মি। অদুবু কোবিদ-১৯ লাইচৎ শন্দোরক্লবা মতুংদা মসিদা অপনবা পীখ্রে। ইন্দিয়ন রেলৱেজনা ফীভম অসি কোমথোরকপগা রিক্র্যুতমেন্ত প্রোসেস য়াংশিল্লগনি।

হৌজিক ওইরিবা ফীভমশিং অসিদা কোবিদ-১৯ লাইচৎনা মরম ওইদুনা মমাংদা থাজরুদবা অনৌবা মখলগী খুদোংচাদবশিং মায়োক্নবা মথৌ তারি। খুদোংচাদবশিং অদুদি কেন্দিদেৎশিংনা ফেস মাস্কশিং উপ্পা য়ানা লৈরি, মসিনা মহুৎশিনবা খংদোকপদা অৱাবা অমুক ওইগনি; একজাম সেন্তরশিংদা মীয়াম্না তিনবা থোকলকপা য়াই; শিফ অমমম খুদিংগী একজাম সেন্তরশিং সেনিতাইজেসন তৌবা; মসিগী অচৌবা চাংয়েং অসি মীচঙ মীখায় নাইদনা অমসুং ইংনা চিক্না পাংথোক্নবা নোর্মশিং চৎনহনবদা কেন্দিদেৎ অনিগী মরক্তা সিসিএল দিস্তেন্সিং হেন্না লৈহন্নবা একজাম সেন্তর অমদা বুক তৌখিবা কেন্দিদেৎশিংগী মশিং অসি ককথবা মথৌ তারপা অসিনি।

ইন্দিয়ন রেলৱেজনা কোবিদ-১৯গী ওইরিবা ফীভমদা নোর্ম পুম্নমক য়েংলগা এপ্লিকান্ত কোতি ১.২৫গী অচৌবা চাংয়ং অমা পাংথোক্নবা অমসুং প্রোসেস পুম্নমক সেদ্যুল তৌনবা শেমদোক শেমজিন য়াবা থৌরাং অমা শেমখ্রে।

আর.আর.বিজ.না ৱেবসাইৎশিংদা চাং নাইনা অপদেৎশিং তৌদুনা অমসুং মথৌ তারকপা খুদিংগী মীওই অমমমদা এস.এম.এস.শিং অমসুং ইমেলশিংগী খুথাংদা কেন্দিদেৎশিংগা হকথেংননা অমসুং খুদক্তা পাউ ফাওনবগী থবকশিং পাংথোকই। কেন্দিদেৎশিংদা মসিগী ওফিসিএল ওইবা ই-পাউশিং অসিখক্তা রিফর তৌনবা অমসুং অরানবা পাউশিংদা অমসুং সোসিএল মেদিয়াশিংদা থোক্লিবা অরানবা পাউশিংনা লান্না লমজিংদনবা খংহনখ্রে অমসুং ময়াম অমনা অশেংবা কেন্দিদেৎশিং লান্না লমজিংনবা অমসুং মখোয়না চাংয়েংশিংগী শেম শারিবা অদু কাহেন্না শোকহনবা পান্দম থম্লি হায়না ফোঙদোকখ্রে।

*****