য়ুমলৈ-কৈরৈ মন্ত্রালয়

দিল্লীদা কোবিদকী ফীভম লাকশিন্নবা লৌখৎপা য়াম্লবা খোংথাংশিং য়েংনশিন্ননবা মীফম কেন্দ্রগী গৃহ মন্ত্রী শ্রী অমিৎ শাহনা চিয়র লৌদুনা মথং-মনাও নাইনা নৌনা পাঙথোকখ্রে


সেম্পল তেস্ত তৌবা অসি নোংমদা ৪০০০দগী ৮০০০দা শরুক অনি হেনগৎখ্রে

দিল্লীগী কন্তেনমেন্ত জোন ২৪২দা লৈবা মীওইশিংগী দোর-তু-দোর হেলথ সর্ভে তৌখ্রে; মীশিং ৭৭% তৌবা ঙমখি, লেমহৌরিবশিংনা জুন ২০ ফাওবা লোয়বা ঙম্লগনি

এক্সপর্ত কম্মিতিনা তেস্ত তৌবগী মমল লুপা ২,৪০০দা লেপখ্রে, মথৌ তাবা খোংথাংশিং লৌখৎনবা দিল্লী সরকারদা রিপোর্ত থাখ্রে

আই.সি.এম.আর.না এপ্রুব তৌবা অনৌবা প্রোতোকলগী মতুং ইন্না হয়েংদগী তেস্ত তৌবা হৌরগনি; অনৌবা রেপিদ এন্তি এজেন্ত মেথোলোজী তেক্নিক অসি য়াংঙি অমসুং মমল হোঙলি; কোনুংদা তেস্ত তৌনবা সেন্তর ১৬৯ লিংখৎখ্রে

Posted On: 17 JUN 2020 9:22PM by PIB Imphal

নোংমাইজিং অমসুং নিংথৌকাবা নুমিৎ, জুন ১৪-১৫দা মথং-মনাও নাইনা পাঙথোকখিবা মীফম অমদা কেন্দ্রগী গৃহ মন্ত্রী শ্রী অমিৎ শাহনা লৌখিবা ৱারেপশিংগী মতুং ইন্না, দিল্লীদা কোবিদ-১৯গী ফীভম লাকশিন্ননবা খুদক্তা সেম্পল তেস্ত তৌবগী চাং শরুক অনি হেনগৎহনখ্রে। জুন ১৫-১৬তা অপুনবা সেম্পল ১৬,৬১৮ তেস্ত তৌনবা খোমগৎখি। জুন ১৪ ফাওবদা নোংমগী খোমগৎপা সেম্পল অসি ৪,০০০-৪,৫০০গী মরক্তা লৈরম্মি। তেস্ত তৌখিবা ৬,৫১০গী রিপোর্ত লাক্লে অমসুং লেমহৌরিবগীনা হয়েং ফংলগনি।

কোবিদ লাকশিন্নবা মীফমদা কেন্দ্রগী হোম পুবা মন্ত্রীনা লৌখিবা ৱারেপশিংগী শরুক ওইনা, দিল্লীগী কন্তেনমেন্ত জোন ২৪২দা লৈবা মীওইশিংগী দোর-তু-দোর হেলথ সর্ভে তৌখ্রে। জোনশিং অসিগী অপুনবা মীশিং ২,৩,৪৬৬গী মনুংদা মীওই ১,৭৭,৬৯২গী সর্ভে জুন ১৫-১৬গী মনুংদা লোয়খ্রে। লেমহৌরিবশিংনা জুন ২০ ফাওবা লোয়বা ঙম্লগনি।

দিল্লীদা কোবিদকী ফীভম লাকশিন্ননবা শ্রী অমিৎ শাহনা পীখিবা য়াথংগী শরুক ওইনা খোংথাংশিং লৌখৎনবা, দোক্তর ভি.কে. পোলনা লুচিংবা অৱাংবা থক্কী এক্সপর্ত কম্মিত্তিনা তস্তি তৌফম লেবোরেতরীশিংনা লৌগদবা মমলশিংগী ওইবা রিপোর্ত কেন্দ্রগী হকশেল অমসুং য়াইফ য়ুম্বাল মন্ত্রালয়দা পীখ্রে অমসুং মখা তানা মথৌ তাবা খোংথাংশিং লৌখৎনবা মসি দেল্লী সরকারদা থাখ্রে। কম্মিত্তিনা তেস্ত অমা তৌবগী মমল লুপা ২৪০০দা লেপখি।

আই.সি.এম.আর.না এপ্রুব তৌবা অনৌবা প্রোতোকলগী মতুং ইন্না কেন্দ্রগী হোম পুবা মন্ত্রীনা লৌখিবা ৱারেপশিংগী মনুংদা খোংথাং অমা ওইনা, অনৌবা রেপিদ এন্তি এজেন্ত মেথোলোজিগী মতুং ইন্না জুন ১৮দী চৎনবা হৌদুনা কোবিদ-১৯গী তেস্ত তৌরগনি। তেক্নিক অসি হেন্না য়াংগনি অমসুং হোংগনি। কিৎশিং সপ্লাই তৌবগী খুদোংচাবা অসি দিল্লীদা পীগনি অমসুং সেম্পলশিং খোমগৎনবা অমসুং তেস্ত তৌনবা দিল্লীদা সেন্তর ১৬৯ লিংখৎখ্রে।

*****



(Release ID: 1632229) Visitor Counter : 193