কোন্সিলিএসন অমসুং অৱাবা তাবা হন্থহনবগী খুত্থাংদা ক্লেমশিং থুনা য়াংনা সেতল তৌনবা হোৎনরদুনা, নেসনল হাইৱেজ ওথোরিতী ওফ ইন্দিয়া (এন.ঐচ.এ.আই.)না কন্না হোৎন্দুনা কোন্সিলিএসনগী থৌরাং হৌনবা মীহুৎ অহুম অহুমগী ওইবা কোন্সিলিএসন কম্মিতিস ওফ এন্দিপেন্দেন্ত এক্সপর্তস (সি.সি.আই.সি.) শেমখ্রে। হায়রিবা কোন্সিলিএসন কম্মিতিশিং অসি জুদিসিয়রীদগী পোথরবা ওফিসিএলশিং, পব্লিক এদমিনিস্ত্রেসন, ফাইনান্স অমসুং লনাই সেক্তরদগী মকোক থোংবা এক্সপর্তশিংনা লুচিংলি।

আর্বিত্রেসন এক্ত ২০১৫ অমসুং মসিগী ২০১৯দা এমেন্দমেন তৌখিবগী মতুং ইন্না, আর্বিত্রেসন দিসপ্যুৎ খুদিংমক থা ১২-১৮গী মতমগী মনুংদা সেতল তৌগদবনি। অদুম ওইনমক থা ১২গী মনুংদা ক্লেমশিংগী রিজোলুসন পুরকপা অসি ওইথোকপা খরা নেম্মি মরমদি মসিদা মখল কয়াগী প্রোসিদ্যুরশিং চংঙি। মসিগী মতমসিদা কোন্সিলিএসনগী পাম্বৈনা লাইনা সেতল তৌবা য়াবা ক্লেমশিং থুনা, ফজনা অমসুং অরোৎপা লৈতবা মওংদা সেতল তৌহল্লি। কোন্সিলিএসন-কম-সেতলমেন্ত প্রোসীদিংশিং সি.সি.আই.ই.দা থারকখিবা নুমিৎতগী থা তরুক্কী মনুংদগী হেন্দনা সিত্তিং মঙাগী খুত্থাংদা কেস অমমম লোইশিল্লি। মসিগী মথক্তা, আর্বিত্রেসন অমসুং কোনসিলিএসন (এমেন্দমেন্ত) এক্ত, ২০১৫গী মতুং ইন্না, কোন্সিলিএসন অসি হেন্না কনশিনবা অমসুং হেন্না য়াংনা প্রোসেস তৌই অমসুং হায়রিবা প্রোসেস অসিগী খুত্থাং সেতলমেন্ত পুরকখিবা ওইরবদি আর্বিত্রেল এৱার্দ নত্রগা কোর্তকী দেক্রীগুম্বা আইনগী ওইবা ভেল্যু লৈ।

হৌজিক ফাওবদা, সি.সি.আই.ই.দা কেস ১০৮ লাকখ্রে অমসুং লুপা কোতি ১৩,৩৪৯রোম ওইগদবা ক্লেমশিং লুপা কোতি ৩,৭৪৩গী শেনফম খক্তদা মাই পাক্না সেতল তৌখি। এন.ঐচ.এ.আই.না য়েৎনবশিং অসু কোন্সিলিএসনগী মতেংনা য়ানবা পুকনবা খোংজেল য়াংনা থবক তৌরি। মসিনা আইনগী ওইনা মাইকৈ অনিমক্তা অশাংবা আর্বিত্রেসন প্রোসেস তৌবা অদু হন্থহল্লি অদুবু আর্বিত্রেল কেসশিংদা চংখিবা শেম অদু লনাই সেক্তর হীংগৎহনবদা শীজিন্নবা য়াগনি।

***