পর্সনেল, পি.জি. অমসুং পেন্সনগী রাজ্যগী মন্ত্রী দা. জিতেন্দ্র সিংহনা আই.তি.ই.সি.-এস.সি.জি.জি.গী কোবিদ-১৯ – লাইচৎকী মনুংদা অফবা গবর্নান্স অমগী থবকশিং হায়বসিদা নুমিৎ নিনি পাঙথোক্কদবা ৱার্কশোপ অমদা ৱেবিনারগী খুথাংদা জুন ১৮, ২০২০দা হৌদোকপদা ৱা ঙাংগদৌরি। মীফম অসিদা চীফ ওব স্তাফ, শ্রী লঙ্কা আর্মী মেজর জেনরেল ঐচ.জে.এস. গুনাৱার্দেনা, বঙ্গলাদেশ সরকারগী সেনিয়র সেক্রেতরীশিং, ভুতান, কেনিয়া, মোরোকো, ম্যানমার, নেপাল, ওমান, সোমালিয়া, থাইলেন্দ, তুনিসিয়া, তোঙ্গা, সুদান অমসুং উজবেকিস্তান্দগী মকোক থোংবা ওফিসিএলশিংনা শরুক য়াগনি অমসুং হায়রিবা মীফম অসি জুন ১৮-১৯, ২০২০দা পাঙথোক্কনি। ১বা নুমিৎকী অতোপ্পা থৌরমশিংদা করনাতাকা, গুজরাৎ অমসুং বিহারদা রাজ্যগী থাক্তা পায়খৎপা থবকশিং অমসুং কেরলা, তেলঙ্গানা অমসুং জুম্মু অমসুং কাশ্মিরদা জিল্লাগী থাক্তা পায়খৎপা থবকশিং য়াওগনি। নেসনেল দিজাস্তর মেনেজমেন্ত ওথোরিতীগী মেম্বর সেক্রেতরী শ্রী জি.ভি.ভি. শর্মনা অনীশুবা সেসনগী ময়াই তাংবল লৌগনি অমসুং হান্নগী কেবিনেৎ সেক্রেতরী শ্রী অজিৎ সেথনা অহুমশুবা সেসনগী ময়াই তাংবল লৌগনি। অনীশুবা নুমিত্তা পাঙথোক্কদবা সেসনশিংদা হকশেলগী হীরমদা অমসুং ভন্দে ভারত অভিয়ান্দা লৈরিবা খুদোংচাদবশিং য়াওগনি। ভারত সরকারগী হান্নগী হকশেলগী সেক্রেতরী শ্রীমতি সুজতা রাও অমসুং সি.এম.দি. এয়র ইন্দিয়া শ্রী রজিব বন্সালনা সেসনশিং অসিগী ময়াই তাংবল লৌগনি। ভেলেদিক্তরী এদ্রেসনা ভারত সরকারগী দি.এ.আর.পি.জি. অমসুং দি.পি.পি.দব্ল্যু. দা. খত্রপতি শিবাজিনা পীগনি। শরুক য়ারিবা লৈবাকশিংদগী লাকপা মকোক থোংবা ওফিসরশিংনা মখোয়গী ৱাফমশিং থমগনি।

দি.এ.আর.পি.জি.গী এদিস্নেল সেক্রেতরী অমসুং নেসনেল সেন্তর ফোর গুদ গবর্নান্সকী দিরেক্তর জেনরেল শ্রী ভি. শ্রীনিভাসনা হায়খ্রে মদুদি হায়রিবা নুমিৎ নিনি পাঙথোক্কদবা ৱার্কশোপ অসি মপাল থৌরম মন্ত্রালয়, এদমিনিস্ত্রেতিব রিফোর্ম এন্দ পব্লিক গ্রিভান্সেস বিভাগ অমসুং নেসনেল সেন্তর ফোর গুদ গবর্নান্সনা অপুনবা ওইনা খুৎশম্নদুনা ভারতকী অফবা গবর্নান্সকী ওইবা থবক ত্থৌরমশিং অসিবু আই.তি.ই.সি. লৈবাকশিংদা শন্দোক্নবগী পান্দমদা পাঙথোকপনি।

*****