লৌমীশিংদগী সরকারগী এজেন্সীশিংনা গেহু লৈবগী থবক অসি সেন্ত্রেল পুলগী ওইনা ২০১২-১৩দা মেত্রিক তন লাখ ৩৮১.৪৮ লৈখিবা মমাঙগী রেকোর্দ অদুদগী হেন্দুনা হন্দক্কী ওইনা মেত্রিক তন লাখ ৩৮২ লৈশিন্দুনা মতম চুপ্পগী ওইনা খ্বাইদগী ৱাংলে। হায়রিবসি লৈবাক অসিনা কোবিদ-১৯না মরম ওইদুনা লোকদাউন তৌখিবদগী খম থেংনা ৱানরিবা মতম অসিদা য়ৌবা ঙমখিবনি।

লৈশিনবগী থবক হৌবা মতমদা অহানবা লোকদাউন্না মরম ওইদুনা নুমিৎ তরামরিনি চোন্থরমই অমসুং মমাঙদা এপ্রিল তাং ১দা পাঙথোকপদু হন্দক্কী ওইনদি এপ্রিল ১৫দগী ওইনা গেহু মরাং কাইনা লৈবা রাজ্যশিংদগী হৌদুনা পায়খৎখি। রাজ্য সরকার অমসুং সরকারগী লৈবগা মরী লৈনবা এজেন্সীশিংনা ফুদ কোরপোরেসন ওব ইন্দিয়ানা লুচিংদুনা লৌমীশিংদগী মতম থীন্থদনা অমসুং হকশেলদসু কায়দবা মওংদা লৈনবগীদমক অহেনবা পাঙ্গল লৌশিং থাদদুনা হোৎনখি। লৈবগী সেন্তরশিংগী মশীং অসি মফম চাবশিংদা প্রোক্যুরমেন্ত সেন্তর হাংদুনা ১৪,৮৩৮তগী ২১,৮৬৯দা হন্দক চহীদা মহৌশাগী মন্দিশিংদগী হেনগৎলমই। মসিনা মন্দিশিংদা লৌমীশিংনা অৱাবা কয়া মাইয়োক্নগদবদু হন্থহল্লমই অমসুং মসিনা সোসিএল দিস্তেন্সিংসু মতীক চানা ঙাক্লমই। তেক্নোলোজিকেল সোলুসনশিংসু মন্দিশিংদা তোকন সিস্তেম চৎনদুনা নোংমগী ইনফ্লো লাকপা রিগুলেৎ তৌনবা হাপ্লমই। মসিগী খোংথাংশিং অসিনা, চাং নাইনা সেনিতাইজ তৌহনবা, লৌমী অমমমগী থাদবম য়েকথোকপীবগা লোইননা লৈবাক অসিদা লৈবা ফুদগ্রেন লৈশিনবগী সেন্তর অমত্তদা কোবিদ-১৯গী হোৎস্পোৎ ওইখিদে।

হন্দক্কী চহীগী ওইনা মধ্য প্রদেশনা সেন্ত্রেল পুলদা গেহু মেত্রিক তন লাখ ১২৯ কন্ত্রিব্যুত তৌদুনা খ্বাইদগী চাউবা কন্ত্রিব্যুতর ওইদুনা পঞ্জাবনা মেত্রিক তন লাখ ১২৭ লৈশিনখিবদগী হেনখ্রে। হরিয়ানা, উত্তর প্রদেশ অমসুং রাজস্থান্নসু জাতি অসিনা গেহু লৈশিনবদা অচৌবা থৌদাং লৌরি। ভারত পুম্বদা, লৌমী লাখ ৪২না কান্নবা ফংখ্রে অমসুং অপুনবা শেনফম ওইনা লুপা কোতি ৭৩,৫০০রোম মিনিমম সপ্পোর্ত প্রাইস্তা গেহুগীদমক পীখ্রে। সেন্ত্রেল পুলদা ফুদ গ্রেন চাং ৱাংনা চঙলকপসিনা মরম ওদুনা এফ.সি.আই.না লৈবাক অসিদা লাক্লিবা থা খরসিদা মীপুম খুদিংমক্কী তঙাইফদবা চানবা চীঞ্জাক ফংহন্নবা শেম শেরে।

গেহু

ফৌ

***