വിദ്യാഭ്യാസ മന്ത്രാലയം
2020 ജൂലൈയിൽ നടത്താനിരിക്കുന്ന നീറ്റ് -യു ജി പ്രവേശന പരീക്ഷ മാറ്റി വച്ചു എന്നുള്ള അറിയിപ്പ് വ്യാജമെന്ന് എൻ ടി എ
പോസ്റ്റഡ് ഓണ്‍:
17 JUN 2020 3:02PM by PIB Thiruvananthpuram
ന്യൂഡൽഹി, ജൂൺ 17, 2020
2020 ജൂലൈയിൽ നടക്കേണ്ട നാഷണൽ എലിജിബിലിറ്റി കം എൻട്രൻസ് ടെസ്റ്റ്‌ (NEET) - അണ്ടർ ഗ്രാജുവേറ്റ് പ്രവേശന പരീക്ഷ നീട്ടി വച്ചു എന്ന രീതിയിൽ വിവിധ ഇടങ്ങളിലും സാമൂഹ്യ മാധ്യമങ്ങളിലും പ്രചരിക്കുന്ന വ്യാജ പൊതു അറിയിപ്പ് ശ്രദ്ധയിൽ പെട്ടതായി നാഷണൽ ടെസ്റ്റിംഗ് ഏജൻസി (എൻ ടി എ) അറിയിച്ചു. ഈ വ്യാജ അറിയിപ്പ് ഗൗരവത്തിൽ എടുക്കുന്നതായും ഇതിനു പിന്നിലെ ഉറവിടം സംബന്ധിച്ച് അന്വേഷണം ആരംഭിച്ചതായും എൻ ടി എ വ്യക്തമാക്കി.
എൻ ടി എ യോ മറ്റ് ബന്ധപ്പെട്ട അധികാരികളോ അങ്ങനെയൊരു തീരുമാനം ഇത് വരെ എടുത്തിട്ടില്ലെന്ന് എല്ലാ ഉദ്യോഗാര്ഥികളെയും രക്ഷിതാക്കളെയും പൊതു ജനങ്ങളെയും അറിയിക്കുന്നു. തെറ്റായ ഇത്തരം അറിയിപ്പുകൾക്കെതിരെ ജാഗ്രത പുലർത്തണമെന്നും അറിയിപ്പുകൾക്കായി എൻ ടി എ യുടെ ഔദ്യോഗിക വെബ്സൈറ്റ് ആയ www.nta.ac.in അല്ലെങ്കിൽ ntaneet.nic.in എന്നിവയെ ആശ്രയിക്കണമെന്നും എൻ ടി എ ആവശ്യപ്പെട്ടു.
പരീക്ഷയുമായി ബന്ധപ്പെട്ട് 2020 മെയ്‌ 11 നു പുറത്തിറക്കിയ ഔദ്യോഗിക അറിയിപ്പ് എൻ ടി എ വെബ്സൈറ്റിൽ ലഭ്യമാണ്
അതിനായി ലിങ്ക് സന്ദർശിക്കുക:
https://data.nta.ac.in/Download/Notice/Notice 20200511063520.pdf
( റിലീസ് ഐ.ഡി: 1632100)
സന്ദര്‍ശക കൗണ്ടര്‍ : 243
ഈ റിലീസ് വായിക്കുക:
Bengali
,
Punjabi
,
English
,
Urdu
,
हिन्दी
,
Marathi
,
Assamese
,
Manipuri
,
Odia
,
Tamil
,
Telugu