জল শক্তিগী কেন্দ্র মন্ত্রী শ্রী গজেন্দ্র শেখাৱৎনা ত্রিপুরাগী মুখ্য মন্ত্রী শ্রী বিপ্লব কুমার দেবদা রাজ্য অদুদা জল জীবন মিশন (জে.জে.এম.)গী মখাদা ইমুং খুদিংদা ২০২৩ ফাওবদা চাদা ১০০ তোতীগী কনেক্সন ফংহন্নবগীদমক থৌরাং তৌরিবা অদুগীদমক হরাওবা ফোংদোকখ্রে। জল জীবন মিশনগী মন্ত্রালয়না লৈবাক অসিদা ২০২৪ ফাওবদা খুঙ্গংগী য়ুম-য়ুম খুদিংদা ফঙ্কস্নেল হাউসহোল তেপ কনেক্সন্স (এফ.ঐচ.তি.সি.)দা থক্নবা শোই-ঙাম্লরোইদবা ঈশিং ফংহন্দুনা মীশিংগী পুন্সি মহিং ফগৎহন্নবগী পান্দম থম্লি।

খুঙ্গংগী য়ুম লাক্ষ ৮.০১গী মনুংদা লাক্ষ চাদা ৭.৬৩দা তোতী ঈশিংগী কনেক্সনশিং ফংহনখ্রে। রাজ্য অসিনা লেপ্নবা মতমগী মনুংদা চাদা ১০০ য়ৌনা ফংহন্নবা থবক তৌরি। কেন্দ্র মন্ত্রীনা মহাক্কী অইবা চেরোল অদুদা ত্রিপুরানা ২০২৩ ফাওবদা এফ.ঐচ.তি.সি.দগী চাদা ১০০ ফংহন্নবগী থবক অসি মপুং ফানা পাংথোকপা ঙমগনি হায়বগী থাজবা থম্লি। রাজ্য অসিনা য়ুম খুদিংদা পাইপকী ঈশিং ফংহনবগীথবক অসি য়াংখৎহনখ্রে। মসিনা চহী কয়াদগী লেপ্পা লৈতনা হোৎনরক্লিবা অৱাবশিং মরুওইনা নুপী অমসুং নুপীমচাশিংগী অৱাবশিংগী অরোইবা তাঙ্কক অদু লাকহল্লগনি।

জল শক্তিগী মন্ত্রীনা জল জীবন মিশন অসিনা খুঙ্গংদা লৈরিবা মীশিংবু থক্নবা ঈশিং মতীক চানা ফংহন্দুনা অমসুং চাং নাইনা অমদি কুইনা চৎকদবা মওংদা ফংহন্নবা অমসুং ইমাশিং অমদি ইচে-ইচলশিংবু ইকাই খুম্ননিংঙাই ওইবা পুন্সি অমা শোইদনা ওইহন্নবগী অফবা ৱাখল্লোন ফোংদোকখি।

কেন্দ্র মন্ত্রীনা পান্দম অসি ফংনবগীদমক রাজ্য সরকারদা মখল খুদিংমক্কী তেংবাং পীগনি হায়বগী থাজবা ৱাফম থমখ্রে। মিশন অসিগী মকাদা ভারত সরকারনা এফ.ঐচ.তি.সি.শিংনা পীবা আওৎপুৎশিং অমসুং লৈরিবা কেন্দ্র অমদি মপা চানরবা রাজ্যগী শরুক অদু শিজিন্নবগীদা য়ুম্ফম ওইবা ফন্দশিং ফংহনখ্রে। রাজ্য অসিদা তঙাই ফদবা মীৎয়েং খম্বগী মথৌ তাবা ৱাফম খরা মন্ত্রীনা থুনমক পাংথোকহন্নিংবগী ৱাফম থমখি। ২০১৯-২০দা ইমুং লাক্ষ ১.৬৬তা তোতীগী কনেক্সন ফংহনবগী পান্দম অদু য়ৌদনা রাজ্য অসিদা শুপ্নতগী ৪৫,৭৬৯ খক্তমক তোতীগী কনেক্সন ফংহনখি। ২০১৮-২০দা রাজ্য অসিদা লুপা কোতী ১০৭.৬৪ গী অয়াবা পীখ্রে অমসুং শেনফম পুম্নমক লুপা কোতী ৩৯.৭৩গী অহেনবা ইন্সেন্তিব ফন্দগা কোন্ননা থাদোকখি।

শ্রী শেখাৱৎনা থক্নবা ঈশিং অসি ইমুং খুদিংদা লৈবাক অসিগী মাংজিল থানা পাংথোক্কদবা থবক অমা ওইনা পাংথোকপগী মতাংদা অমুক হন্না হায়কি। মসিগী মতাংদা ২০১০-২১গী ওইনা ত্রিপুরাগী ফংহনগদবা ফন্দ অসি লুপা কোতী ১০৭.৬৪দগী লুপা ১৫৬.৬১দা হেনগৎখ্রে। রাজ্য অসিগী লুপা কোতী ১৩৬.৪৫গী হৌদোক্নবগী লৈজবা শেলগা চহী অসিগী অয়াবা পীখিবা লুপা কোতী ১৫৬.৬১গা লোয়ননা অমসুং রাজ্য অসিগী মপা চানবা শরুক্কা পুল্লগা ত্রিপুরাদা জল জীবন মিশনগী থবক পাংথোকহন্নবা পুন্না লুপা কোতী ৩২০.১৬ লৈরগনি।

মন্ত্রীনা মুখ্য মন্ত্রীদা ইশিং ফংহন্নবগী থৌরাংশিং অদু মতম চানা পাথোকহন্নবগী মওংদা য়েংশিন্নবা, থৌরাং তৌনবা অমসুং চৎনহন্নবা হায়খ্রে। মদুগীদমক খুঙ্গং খুদিংমক্তা পুমথুং থুংনা মতম খ্বাইদগী চংদনা চাদা ১০০ ঈশিং লৈবা মফম ওইহন্নবা লৈরিবা পাইপকী ঈশিং ফংহনবগী সিস্তেম অসি অমুক হন্না পানখৎনবা অদি চাওথোকহন্নবা পান্দম থম্বা তাবনি। মন্ত্রীনা রাজ্যদা থবক অসি মপুং ফানবা থা ৪-৬গী ওইনা ‘কেম্পেন মোদ’তা পাংতোক্নবা লাইরবা অমদি লায়রবগী পনখৈদা লৈবা মীশিনা ময়ুমদা তোতী কনেক্সন ফংহন্নবগীদমক হায়খি। ঈশিং তাংবা মফমশিং, খৌরাংনা ঙাইরিবা জীলাশিং, এস.সি./এস.তি.না তাবা খুঙ্গংশিং অমসুং সংসদ আদর্শ গ্রাম য়োজনা (এস.এ..জি.ৱাই.)গী মখাদা ঈশিংনা থুংনা ফংহন্নবা প্রাইওরিতীসু পীগদবনি।

কেন্দ্র মন্ত্রীনা ঈশিং ফংফম অসি ৱাতর সপ্লাই সিস্তেমগী তুং-কোইনা লৈগদবা মওংদা থম্নবদা মীৎয়েং থম্লগা কেন্দ্র মন্ত্রীনা থক্নবা ঈশিং ফংফম অসি ৱাতর সপ্লাই সিস্তেমগী তুং-কোইনা লৈগদবা মওংদা শেম্নবা পাওতাক পীখি। থৌরাংশিং অসি খুঙ্গংগী থাক্তা অমসুং খুঙ্গং খুদিংগী ভিলেজ এক্সন প্লান (ভি.এ.পি.) অসি এম.জি.এন.আর.ই.জি.এস., এস.বি.এম. (জি.) গুম্বগী ১৫শুবা ফাইনান্স কম্মিসন অসি পি.আর.আই.শিংদা, দিস্ত্রিক্ত মিনরেল দিবেলপমেন্ত ফন্দনচিংবদা ওন্থোক্তুনা থৌরাং তৌগদবনি। মখা তানা, কেন্দ্র মন্ত্রীনা খুঙ্গং অদুদা মতম শাংনা থবক অদু পাংথোকহন্নবা ঈশিং ফংহন্নবগী সিস্তেমগী থৌরাং তৌবদা, থবক পাংথোকহনবদা, শীল-লাংবদা, থবক চত্থবদা য়েংশিন-খোৎচিনবদা লমদুগী মীওই কাংলুপশিং/গ্রাম পঞ্চায়েৎশিং নত্রগা শিজিন্নরিবা কাংলুপশিংনা য়াওশিন্নবা হায়খি। খুঙ্গং খুদিংমক্তা জল জীবন মিশন অসি অশেংবা মীয়ামগী খোংজং অমা ওইহন্নবা কাংলুপকী ওইবা মীয়াম্বু ৱাখল লৈহন্নবগী লোয়ন-লোয়ননা আই.ই.সি. কেম্পেন পাংথোকপগী মথৌ তাই।

২০২০-২১দা পি.আর.আই.দা ১৫শুবা ফাইনান্স কম্মিসন লুপা কোতী ১৯১ অমসুং ঈশিং ফংহন্নবা অমসুং শেনফম অসিগী চাদা ৫০ সেনিতেসনগী ওইনা শোইদবা মওংদা শিজিন্ননবা ত্রিপুরাদা অয়াবা পীখ্রে। স্বচ্ছ ভারত মিশনগী মখাদা পীরিবা ফন্দশিং অসি অৱাওবা ঈশিং ফহন্নবা অমসুং অমুক হন্না শিজিন্ননবনি।

কেন্দ্র মন্ত্রীগী চেরোল অসিদা তমথিরবা কোবিদ-১৯গী লায়না-লায়চৎ অসি নিংথিজনা লান্থেংননবগী মতাংদা য়াম্না নিংথিজনা য়াওরি। মতম অসি মীশিংদা লমচৎ-শাজৎ নিংথিনা চত্তুনা মখোয়বু লাপথোক্না লৈনবদা মতেং পাংবগা লোয়ন-লোয়ননা থুনা ঈশিং ফংহন্নবগী থবক্তা মতেং পাংনবা মতম অমনি। মীশিংনা স্তেন্দ-পোস্তশিং/মীয়ামগী ঈশিং লৌফমশিংদা মী য়াম্না পুন্দবা হায়বসি মরু ওই। খুঙ্গংগী মীশিংদা থক্নবা ঈশিং ফংহনবগা লোয়ন-লোয়ননা হৈথোই-শিংথোইরবা/খরা হৈথোই-শিংথোইরবা মাইগ্রেন্ত ৱার্করশিংদা থবক ফংহন্নবা অমসুং খুঙ্গংগী শেন্মীৎলোন অসি খংহেন হেনগৎহন্নবা কেন্দ্র মন্ত্রীনা মুখ্য মন্ত্রীদা ঈশিং পীবগী থবকশিং অমদি ঈশিং য়োকশিনবগী থবকশিং অসি থুনা হৌননবা হায়খ্রে। মরম অসিনা মাইগ্রেন্ত ৱার্করশিংদা থবক ফংহন্নবা অমসুং খুঙ্গংগী শেন্মীৎলোন অসি খংহেন হেনগৎহন্নবদা মতেং পাংনবা য়ুম খুদিংদা তোতীগী কনেক্সন ফংহনবগী মথৌ

জল শক্তীগী মন্ত্রীনা ত্রিপুরাগী মুখ্য মন্ত্রীদা রাজ্য অসি ২০২৩ ফাওবদা ‘চাদা ১০০ এফ.ঐচ.তি.সি.শিংগীবরাজ্য’ ওইনবা হোৎনবদা পাংবা য়াবা মতেং পাংবগী অমদি য়াম্না ভিদিও কনফরেন্সকী থোংদা মুখ্য মন্ত্রীদা জে.জে.এম.গী থৌরাং অমদি চৎনহন্নবগী মতাংদা খন্নবা পাম্বগী অচেৎপা ৱাফম ফোংদোকখি।

*****