ঙাকশেল মন্ত্রালয়

মিসন সাগর : আই.এন.এস. কেসরি মোরিসসকী লুইস হিথাংফমদা হল্লকখ্রে

Posted On: 14 JUN 2020 7:16PM by PIB Imphal

মিসন সাগরগী শরুক অমা ওইনা, ইন্দিয়ন নেভীগী জহাজ কেসরিনা মহাক্কী মমাংগী লুইস হিথাংফম খোংচৎতা ২০২০গী মে ২৩দা থম্লম্বা ইন্দিয়ন নেভীগী মেদিকেল তিম লৌরুনবগীদমক ২০২০গী জুন ১৪দা মোরিসসকী হিথাংফমদা হল্লকখ্রে৷ স্পিসিয়েলিস্ত দোক্তরশিং অমসুং পেরামেদিকেলশিং য়াওরিবা মীওই ১৪না শাবা মেদিকেল তিম অদুনা কোবিদ-১৯ লাইচৎ থেংনবদা মতেং পাংনবগী ৱাখল্লোনদা অমসুং লাইনা শন্দোকপা থিংবদা অমসুং পুন্সিগী খুদোংথিবশিং হন্থহনবদা মতেং পাংনবগীদমক্তা হৈ শিংলবা মীওই কয়া লুইস হিথাংফমদা থুংখিবনি৷

মখোয়না লুইস হিথাংফমদা থুংলবা মতুংদা তিম অদুনা তোঙান তোঙানবা হেল্থকেয়রগী খুদোংচাবশিং মরু ওইনা রিজনেল অনা-লাইয়েংশঙশিং, ফ্লু ক্লিনিকশিং, ই.এন.তি. অনা-লাইয়েংশঙ (মাউরিতস্তা লৈবা কোবিদ লাইয়েংফম ওন্থোকখ্রবা অনা-লাইয়েংশঙ), ক্বারেন্তিন সেন্তর, সেন্ত্রেল হেল্ফ লেবোরেতরী (মোরিসস্তা লৈবা কোবিদ তেস্ত তৌফম) অমসুং ভিক্তোরিয়া অনা-লাইয়েংশঙদা লৈরিবা সামু (ইমর্জেন্সী মেদিকেল সর্ভিস) ময়াই লোইশঙ অমসুং কন্ত্রোল সেন্তর অসিদা চৎখ্রে৷ তিম অদুনা লেবেল খুদিংমক্তা লৈরিবা হেল্থকেয়র লান্থেংনরিবশিংগা তাথোক তাশিন তৌখ্রে অমসুং কোবিদ-১৯ লাইয়েংবদা করম্বা খ্বাইদগী ফবা থবকশিং তৌগদগে হায়বা হিরম অসিদা য়াম্না চেকশিন্না তাথোক তাশিন তৌখ্রে৷ মরু ওইবা হিরম খুদম ওইনা খুৎ-শা নালহনবা, স্ক্রিন্নিং অমসুং ত্রিয়েজ, দিসইনফেক্তেন অমসুং পি.পি.ই.শিং অসিদা দিমোন্সত্রেসন অমসুং ৱর্কসোপশিং পাংথোকখ্রে অমসুং মীফম অদুদা মীয়াম্না পিরকখিবা রেস্পোন্স অদুসু অদুক্কি মতিক পুক্নিং থৌগৎনিংঙাই ওইরম্মী৷ হেল্থ কেয়র ৱাকরশিংনা তুংদা শিজিন্ননবগীদমক দোকুমেন্ত অনি ‘কোদিব-১৯ লাকশিন্নবা অমসুং থেংন্নবা’ অমসুং ‘হেল্খ কেয়র ৱর্করশিংবু ত্রেনিং পিনবা মওং’ য়াওরিবা পি.দি.এফ. মখলশিং অদু তিম অদুনসু পীখ্রে৷ দিপুতী হাই কম্মিস্নর, শ্রী. জনেশ কেননা ইন্দিয়ন নেভীগী কেসরি জহাজ অসি থুংদ্রিঙৈগী মমাংদা ইন্দিয়ন নেভীগী মেদিকেল তিমগা ৱারি ৱাতাই শান্নখ্রে৷

কোবিদ-১৯ লাইচৎ অমসুং মসিদা থোক্লকপা য়াবা খুদোকথিবশিং থেংন্ননবা লৈবাক অনিগী মরক্তা লৈরম্লিবা মরী অসি হেন্না ফগৎনবা অমসুং মফম অদুদা ইহান হানবা রেস্পোন্দর অমা ওইনা মিসন সাগর অসি লাকখিবনি৷ প্রধান মন্ত্রীগী সেকুরিতী এন গ্লোর্ত ফোর ওল ইন দি রিজন (সাগর)মীৎয়েং মখাদা অমসুং আই.ও.আর.গী লৈবাকশিংগা ভারতকা লৈনরিবা মরী অদু নিংশিংবা ওইনা দিপ্রোইমেন্ত অদু তৌখিবনি৷ ওপরেসন অসি ভারত সরকারগী দিফেন্স অমসুং এক্সতর্নেল এফিয়সগী মন্ত্রালয়শিংগা অমসুং অতোপ্পা এজেন্সীশিংগা পুনশিন্নরগা মাই পাক্না চৎথরি৷

*****



(Release ID: 1631732) Visitor Counter : 7