এগ্রোফোরেস্ত্রীগী লৌমীশিংবু ইন্দস্ত্রীদা শমজিন্নহন্নবা অমসুং রাজ্যশিংদা লৌমীশিংবু অচুম্বা মখলশিং খনবা ঙমহন্নবগী ৱাখল লৈহন্নবা লম্বীশিং অমসুং পাম্বৈশিংগী মতাংদা খন্ননবা জুন ১৩, ২০২০দা ৱেবিনার অমা পাংথোকখ্রে। এগিরীকলচর কোওপরেসন অমসুং ফার্মর্স ৱেলফেয়র বিভাগকী সেক্রতরী শ্রী সঞ্জয় অগরৱালনা ৱেবিনার অদু হৌদোকপা মতমদা লুপা লাক্ষ ক্রোর ১.৬৩ গী আওতলে অমসুং লৌউ-শিংউবগী পোত্থোকশিং ত্রোদ অমসুং অশেংবা লৈবাক অসিগী কৈথেল অমা থম্ননবা ত্রেদ অমসুং কম্মর্স(য়োকখৎপা অমসুং খুদোংচানবা তৌবা)কী ওইবা ওর্দিনেন্স ২০২০ শেম্ননবা অমসুং লৌমীশিংদা রাজ্যশিংগী মরক্তা লৈরিবা পলশিং অদু লৌথোক্তুনা অমদি পোত্থোকশিং অদু য়োন্ননবা ই-ত্রেদিং ফংহন্দুনা মখোয়গী লৌউ-শিংউগী পোত্থোকশিং অদু মখোয়না য়োন্নিংবা কৈথেল খনবা য়াওনা লৌমীশিংদা মখোয়গী চাওখৎ-থৌরাংগীদমক কন্না হোৎনরুবা তৌদনবা লৌউ-শিংউগী সেক্তরদা মখল-মখাগী নৌনা শেমদোক্কদবা কয়াগী মতাংদা ৱাখল চিংশিনখি। লৌমীশিংবু অতোপ্পা চাগাদগী হৌরগা মরুওইনা এস.ঐচ.জি.শিংগী নুপীশিংগী ওইনা হিংননবগীদমক্তা নর্সরীশিংনা পাম্বৈ অমা ওইনা, অশংবা ফোদ্দর, মহৈ পানবা পাম্বীগী মখলশিং থাবদা হারশিংগী মথৌ তাবশিং হন্থবা, ঈশিং-নুংশীৎকী ফীভম হোংলকপা মায়োক্ননবা কার্বোন সিক্বেস্ত্রেসন্নচিংবশিং অসি এগ্রোফোরেস্ত্রী রেঞ্জিং কয়া অমা শিজিন্নবগী মতাংদা থোইদোকপা মওংদা পুথোক্তুনা হায়খি।

প্রধান মন্ত্রীনা ভোকেল ফোর লোকেল হায়না কৌরিবা অসি এগ্রীফোরেস্ত্রীগা য়াম্না মরি লৈনৈ। এগ্রোফোরেস্ত্রীনা মরু ওইবা পোৎলমশিং খরা ইম্পোর্ত তৌবদা মখা পোলহনবা অসি হন্থহন্দুনা ইন্দস্ত্রীশিংদা মচাকশিং ফংহনবরোমদা চংশিল্লকপদা থৌদাং লৌবা ঙমগনি। এগ্রোফোরেস্ত্রীগী খরা অঙনবগী ৱাখল্লোন অসিগী ৱাহন্থোক অসি উগী বীমশিংগী মখলশিং অসি লৌমীশিং অমসুং ইন্দস্ত্রীশিংনা য়েংলিবা মীৎয়েং অদুদা অমুক হন্না য়েংবগী মথৌ তাই। উগী বীমশিং অসি মপুং ফাবদা কুইনা চংই অমসুং লৌমীশিংদা অমুক হল্লকহনবদা থেংথহল্লি। অদুম ওইনমক ইন্দস্ত্রীদা মথৌ তাবা মেদিসিন অমসুং এরোমেতিক পাম্বীশিং, মুকা, লাক্ষা, চে অমসুং অথোৎপা উহৈগী মতোং, বাইও-ফ্যুএলশিং শুংনবা উদা য়াওবা থাও থোকপা মরুশিংনচিংবা ফংহনবা য়াওনা লৌমীশিংদা থুনা অমুক লাকহন্নবগী তৌবা ঙম্বা হৌগৎলক্লিবা সেক্তর মশিং কয়া অমা লৈরি।

থৌরাং তৌদুনা থম্লবা পরিংশিংগী অহানবদা, মসিগী ৱেবিনার অসিদা নেস্নেল মেদিসিনেল প্লান্ত বোর্দকী চীফ একজিক্যুতিব ওফিসর শ্রী জে.এল. সাস্ত্রী, ইন্দিয়ন পেপর মেনুফেকচরর্স এসোসিএসেনগী সেক্রতরী জেনরেল শ্রী রোহীৎ পন্দিৎ, আই.তি.সি. লিমিতেদকী ফোর্মর ভাইস প্রসিদেন্ত শ্রী ঐচ.কে. কুলকর্নি অমসুং সেন্ত্রেল সিল্ক বোর্দকী চীফ একজিক্যুতিব ওফিসর অমসুং মেম্বর সেক্যুরিতী শ্রী রঞ্জীৎ রঞ্জন ওখান্দিয়র শক্নাইরবা ৱাঙাংলোই মরী লৈখি। মেদিসিনেল প্লান্তশিং য়োকখৎপা অসি আত্মনির্ভর ভারতকী অচৌবা মচল অমনি অমসুং উশিংগী অমসুং ওর্গানিক মেদিসিনেল পোত্থোক পুথোকপগী মখল কয়াগী স্কোপশিং লৈ। চেগী ইন্দস্ত্রীশিংদা অতেকপা মচাকশিং ফংহনবগা মরি লৈননা ইম্পোর্ত তৌবদা থোরকপা অপনবশিংগী মতাংদা খন্নখি। পাম্বীশিং থানবগী মচাকশিং ফহনবা হায়বসি পোত্থোক ফগৎহনবা অসি মরু ওইবনা মসিনা লৌমীশিংদা অমুক হল্লকহল্লি। প্রজেন্তেসন অদুদা ইন্দস্ত্রীশিংনা মথৌ তাবা অদুগা চান্নগদবা ক্লোনেল ওইনা পাম্বী থাবগী মচাক্কী অচুম্বা মখলশিংগী মরু ওইবা অদু উৎখি। সেন্ত্রেল সিল্ক বোর্দনা চহী ৩-৪দা অমুক হন্না পীবা হৌহনগদবা অমসুং এগ্রোফোরেস্ত্রীগী সিস্তেমদা ফীদম ওইরম্বা মুকা লোক্নবা পাম্বী মখল থাবগী চাং অদু শোইদনা হায়বিগদবনি।

থৌরম অদু লোইশিল্লকপদা থাদ্রিঙৈগী মমাংদগী, থাবদা অমদি লোকপদগী হৌরগা মহৈ-মরোংশিংগা মান্নবা পরিংদা কন্ত্রেক্ত ফার্মিংদা শৌগৎনবা পাওতাক পীখি। লৈরিবা অমসুং ওইরকপা য়াবা ইন্দস্ত্রী অনীমকপু হব ওইনা অমসুং মাগা মনাক নক্না তৌরিবা থবকশিং ওইনা লৌগদবনি। মরম কয়াদা শিজিন্নবা য়াবা মখলশিং অদু হেনগৎহন্দুনা খ্বাইদগী থুনা চৎপা হৌবা অদু হল্লক্নবা তৌগদবনি। মসিনা ‘ আত্মনির্ভর ভারত’কী ৱাখল্লোন অসি মপুং ফাবা ঙমহনগনি।

ভারত অসি মালেমদা ২০১৪দা নেস্নেল এর্রোফোরেস্ত্রী পোলিসী অসি শেমখিবা অহানবা লৈবাক্নি। মতুং ইনবা খোংথাং অমা ওইনা রাজ্যশিংদা লৌমীশিংদা মহৈ-মরোংগা কোন্ননা উশিং থাননবা পুক্নিং থৌগৎহন্নবা এগ্রোফোরেস্ত্রীগী সব মিশন অসি ২০১৫দা হৌদোকখি। এগ্রো ক্লাইমেতিক জোনগী ওইনা এগ্রোফোরেস্ত্রী মোদেলশিং আই.সি.এ.আর. অমসুং আই.সি.এফ.আর.ই. য়াওনা রিসর্স ইন্সতিত্যুতশিংনা শেমখ্রে। হৌজিক স্কীম অসি লৈবাক অসিগী রাজ্য ২১দা চৎনহনখ্রে।

*****