হকশেল অমসুং য়াইফ-য়ুম্বাল মন্ত্রালয়
কোবিদ-১৯গী অপদেৎ
রেমদেসিভিরগী হৌজিক ওইরিবা ফিভম
Posted On:
14 JUN 2020 3:39PM by PIB Imphal
মীদিয়াগী সেক্সন খরদা রেমদেসিভির অসি কোবিদ-১৯গী ক্লিনিকেল মেনেজমেন্ত প্রোতোকোলগী শরুক অমা ওইনা শিজিন্নবা অমসুং ভারত্তা ফংবগী মতাংদা পাউদম কয়া থোক্লক্লি।
হকশেল অমসুং য়াইফ য়ুম্বাল মন্ত্রালয়না জুন ১৩, ২০২০দা অপদেৎ ওইরবা কোবিদ-১৯গী ক্লিনিকেল মেনেজমেন্ত প্রোতোকোল অমা ফোংখিবদুদা রেমদেসিভির হিদাক অসি তোসীলিজুমাব অমসুং কনবালেসেন্ত প্লাস্মাগা লোয়ননা ওফ লেবেল ওইনা অকক্নবা অথুবগী “ইনবেস্তিগেস্নেল থেরাপী” খক্তদা শিজিন্ননবা হায়খিবনি। হায়রিবা প্রোতোকোল অসিনা থেরাপী অসি হৌজিক লৈরিবা ইবিদেন্স অমসুং ফংবদা য়ুম্ফম ওইনা শিজিন্নগদবনি হায়না শেংনা পল্লি। রেমদেসিভির অসি ময়ায় ওইবা লায়নানা নাবা (ওক্সিজেন থাজিন্দুনা লৈরিবা) অদুবু য়াম্না অখন্নবা নুংঙাইতবদি লৈতবা মীওইশিংদা ইমর্জেন্সী ওইনা শিজিন্নবা য়াই।
হিদাক অসি হৌজিক ফাওবদা য়ু.এস. ফুদ এন্দ দ্রগ এদমিনিস্ত্রেসন্না (য়ু.এস.এফ.দি.এ.) অয়াবা পীদ্রিবনি (কৈথেলদা য়োন্নবা) অমসুং ভারতকুম্বা লৈবাক্তা ইমর্জেন্সী খক্তদা শিজিন্নবগী অয়াবা লৈবনি।
লৈবাক অসিদা লেবোরেতরীনা কোবিদ-১৯নি হায়না খংলবা অমসুং চিংনবা হোস্পিতালদা লৈরবা অহল অমসুং অঙাংশিংদা লায়েংনবা খুদক্কী ওইনা অকক্নবা লৈনা শিজিন্নগদবা হিদাকশিং অসি মখাগী ৱাফমশিং অসিগী মতুং ইন্না শিজিন্নগদবনি- অনাবশিংনা হিদাক অসি শিজিন্নবা য়ারে হায়বগী অইবা চে, অহেনবা ক্লিনিকেল ত্রাএলগী রিজল্ত পীশিনবা, লায়েংলিবা অনাবশিং য়েংশিন্দুনা থম্বগী ৱারোল পীশিনবা, পোস্ত মার্কেতিং সর্বেলিএন্সকা লোয়নবা রিস্ক মেনেজমেন্ত প্লান অমসুং হিদাক অসি শিজিন্নরবা মতুংদা থোক্লকপা ওইহন্নিংদবা থৌওংশিংগী ৱারোল পীশিনবা। মসিগা লোয়ননা মপান্দগী পুশিল্লকপা হিদাক্কী বেৎচ অহুম অদু তেস্ত তৌগদবনি অমসুং রিপোর্ত অদু সেন্ত্রেল দ্রগ স্তেন্দর্দ কন্ত্রোল ওর্গানাইজেসন (সি.দি.এস.সি.ও.)দা পীশিনগদবনি।
এম./এস. গিলেদনা মে ২৯, ২০২০দা ইন্দিয়ন দ্রগ রিগুলেতরী এজেন্সী, সি.দি.এস.সি.ও.দা রেমদেসিভির অসি মপান্দগী পুশিল্লক্তুনা য়োন্নবা চে থারকখিবনি। খন্নফম থোক্না খন্নরবা মতুংদা খুদক্তা শিজিন্নবগী ওইনা অনাবশিংদা তেক্ত কায়দনবা অমসুং মখা তাবা দেতা ফংনবা হায়দুনা জুন ১, ২০২০দা অয়াবা পীখিবনি।
ভারতকী কম্পেনী তরুক, মিং ওইনা পল্লবদা এম./এস. হেতেরো, এম./এস. সিপ্লা, এম./এস. বি.দি.আর., এম./এস. জুবিলেন্ত, এম./এস. মায়লান অমসুং দাক্তর রেদিস লেবনসু সি.দি.এস.সি.ও.দা ভারত্তা হিদাক অসি শুংদুনা য়োন্নবগী অয়াবসু নিরকখি। মখোয়গী মরক্তগী মঙানা এম./এস. গিলেদকা য়ান্নবসু লৈখ্রবনি। মসিগী হায়জরকপশিং অসি সি.দি.এস.সি.ও.না হান্ননা লৈরবা চৎন-কাংলোনগী মতুং ইন্না প্রাইওরিতী ওইনা খন্নরি। কম্পেনীশিং অসিনা শেম শাবা ঙম্বগী মতিক, দেতা অচুম অরান খংদোকপা, স্তেবিলিতী তেস্তিং, প্রোতোকোলগী মতুং ইন্না ইমর্জেন্সী লেবোরেতরী তেস্তিং তৌবগী অঙনবা থাক্তা লৈরবনি। কাপ্পা য়াবা ফোর্মুলেসন অমা ওইবনা এসেগী তেস্তিং, মশক খংদোকপা, শেংদবা য়াওবশিং, বেক্তরিএল ইন্দোতোক্সিন তেস্ত অমসুং স্তেরিলিতী অসি অনাবশিংগী তেক্ত কায়দনবগী থৌওং পাংথোকপগী য়াম্না মরু ওইবা ওই অমসুং মসিগী দেতাশিং অসি কম্পেনীশিংনা পীগদবনি। সি.দি.এস.সি.ও.না দেতাশিং অসি ঙাইরি অমসুং কম্পেনীশিং অসিদা মপুং ওইবা তেংবাং পীরি। খুদক্কী শিজিন্নবনি হায়দুনা কম্পেনীশিং অসিনা লোকেল ক্লিনিকেল ত্রায়েল তৌবগী তঙাই ফদবা অদু কান্থোকখ্রবনি। সি.দি.এস.সি.ও.না চৎনগদবা কাংলোনশিং পীদুনা মতেং পাংলি।
*****
(Release ID: 1631545)
Visitor Counter : 232