শুন্দ্রংগী বিভাগ

বি.এ.আর.সি.দা ক্বালিতী ৱাংবা, মমল তাংদবা ফেস মাস্ক পুথোকখ্রে: দা. জিতেন্দ্রা সিংহ

Posted On: 13 JUN 2020 8:42PM by PIB Imphal

এতোমিক ইনর্জীগী বিভাগতা এফিলিএদ তৌবা মুম্বাইগী ভাভা এতোমিক রিসর্চ সেন্তর (বি.এ.আর.সি.)না ক্বালিতী ৱাংবা ফেস মাস্ক পুথোকখ্রে। মাস্ক অসি ঐচ.ই.পি.এ. ফিল্তর শীজিন্নদুনা মাস্ক অসি পুথোকখি অমসুং মসি মমলসু তাংলোই হায়না পান্নরি।

হৌখিবা চহি অমরোম অসিগী মনুংদা বিভাগ অসিনা চাওনা মাইপাকখিনা খরা পল্লদুনা অৱাং নোংপোক লমদমগী য়াইফ থৌরাং (দোনর), এম.ও.এস. পি.এম.ও., পর্সনেল, পব্লিক গ্রিবেন্সেস, পেন্সনস, এতোমিক ইনর্জী অমসুং স্পেসকী মন্ত্রালয়গী কেন্দ্রগী মন্ত্রী (ইনদিপেন্দেন্ত চার্জ) দোক্তর জিতেন্দ্রা সিংহনা মসি ফোঙদোকখি।

মরু ওইনা পনবা য়াবদি এতোমিক ইনর্জী বিভাগকী য়ুনিৎ ৩০ লৈ মসিদা আর এন্দ দি, একাদমিক ইন্সতিত্যুসনশিং, এদেদ হোস্পিতালশিং, পি.এস.য়ু.শিং অসিনচিংবা য়াওরি। মমিং লৈরবা সাইন্তিস্ত দোক্তর হোমি জে. ভাভানা লীংখৎলবা মুম্বাইগী ভাভা এতোমিক ইনর্জী সেন্তর অসিসু এতোমিক ইনর্জী বিভাগকী লুচিং মখাদা লৈ।

হৌখিবা চহি অমা অসিগী মনুংদা এতোমিক ইনর্জী বিভাগনা তৌখিবা অচৌবা থবক থৌরমশিং অমসুং খোংথাংশিং খরা পল্লদুনা, দোক্তর জিতেন্দ্রা সিংহনা সাইন্সকী থবক তৌরিবা ইচিল ইনাওশিংনা কোবিদ-১৯গী লাইচৎ থোকলকপগা ইরোইননা সমাজ অসিগী মতেং পাংনবা থোকলকপা অসিবু থগৎপা ফোঙদোকখি। ক্বালিতী ৱাংবা ফেস মাস্ককী মথক্তা এতোমিক/ন্যুক্লিয়র সাইন্তিস্তশিংনা পর্সনেল প্রোতেক্তিব ইক্ব্যুপমেন্ত (পি.পি.ই.শিং) রেদিএসন স্তেরিলাইজেসন তৌরগা অমুক হন্না শীজিন্নবা য়ানবা প্রোতোকল পুথোকখি হায়না মহাক্না খঙহনখি। হায়রিবা অসিগী এস.ও.পি. অসি কেন্দ্রগী হকশেল অমসুং য়াইফ য়ুম্বালগী মন্ত্রালয়না খন্নবিনবা ঙাইরি হায়না মহাক্না ফোঙদোকখি।

আর.তি.পি.সি.আর.গী তেস্ত তৌনবা কিৎশিং থম্নবা অনৌবা মফমশিং খঙদোকপা ঙমখ্রে হায়না দোক্তর জিতেন্দ্রা সিংহনা হায়খি। কিৎ অসি শেল হেন্না চংদে অমসুং ফলশিং থুনা ফঙগনি হায়না মহাক্না মখা তাখি।

প্রধান মন্ত্রীনা লাউথোকখিবা লুপা কোতি লাখ ২০ অদুগী মতাংদা পল্লদুনা হৌখিবা চহি তরুক অসিগী মনুংদা এতোমিক ইনর্জী বিভাগকী প্রধান মন্ত্রী শ্রী নরেন্দ্রা মোদীনা অখন্নবা থৌরাং তৌবা অমসুং বদজেদ কায়থরকপা অসিবু দোক্তর জিতেন্দ্রা সিংহনা থগৎপা ফোঙদোখি অমসুং মসিদা লৈবাক শিনবা থুংনা ঈথৈ লৌখোংগী প্লান্তশিং শেমগৎতুনা মখল কয়াগী হৈশিং অমসুং চানবা মনা-মশিং পুথোকপা হেনগৎহনবসু য়াওরি।

মোদি সরকারগী মখাদা শীংথানিঙাই ওইনা মাই পাকখিবা অমা অদুদি ঐখোয়না এতোমিক ইনর্জীগী থবক থৌরমশিং অসি লৈবাক অসিগী তোঙান তোঙানবা শরুকশিংদা য়ৌহনখ্রে অদুবু হৌজিক ফাওবগী ওইনদি মসি অয়াম্বনা খা থংবা ভারতকী নত্রগা মহারাস্ত্রগুম্বা নোংচুপ থংবা স্তেৎ খরাখক অসিগী ওইনা তৌরি। দিল্লিগা নকনবা নোংপোক থংবা ভারতকী গোরাখপুর কৌবা মফম অমদা অহানবা ন্যুক্লিয়র প্লান্ত শানবা থবক চংশিল্লি হায়না মহাক্না ফোঙদোকখি।

*****



(Release ID: 1631523) Visitor Counter : 9