তুরিজম মন্ত্রালয়
৩১শুবা ৱেবিনারগী খুত্থাংদা দেখো অপনা দেশ পরিংগী মখাদা তুরিজম মন্ত্রালয়না “হিমাচল – এরাওন্দ দি নেক্স বেন্দ” ভর্চ্যুল ওইনা উৎখ্রে
Posted On:
12 JUN 2020 6:29PM by PIB Imphal
জুন ১১, ২০২০দা কেন্দ্রগী তুরিজম মন্ত্রালয়গী “দেখো অপা দেশ” ৱেবিনার সিরিজকী ৩১শুবা সেসন “হিমাচল- এরাওন্দ দি নেক্স বেন্দ” উৎখি মসিনা ফজরবা খুঙ্গংশিং, চীংশাং নাপোমশিং, শেংলবা তুরেলশিং, নাৎ অমসুং হেরিতেজ অসি মপুং ওইনা উৎলি। দেখো অপনা দেশ ৱেবিনার সিরিস অসি এক ভারত শ্রেশথা ভারত প্রোগ্রামগী মখাদা ভারতকী মখল মখা শুনা লৈরিবা ময়াম অসি উত্থোক্নবা হোৎনবা অমনি।
দেখো অপনা দেশ ৱেবিনার সিরিজকী জুন ১১, ২০২০গী সেসন অসি তুরিজম মন্ত্রালয়গী এদিসনেল দিরেক্তর জেনরেল, রুপিন্দর ব্রারনা মোদরেৎ তৌখি। সেসন অসিদা ৪ তেবলস প্রোজেক্তকী ফাউন্দর, ফ্রেঙ্ক শ্লিচমন, সনসাইন হিমালায়ন এদবেনচরসকী মেনেজিং হোস্ত, অঙ্কিৎ সুদ অমসুং হিমালায়ন ওচর্দকী মপু মাইকেল & দেবনসে লিঙলেনা লান্থোকখি। হিমাচল প্রদেশকী ময়াম্না খঙদ্রিবা উদ্রিবা মফমশিং অমসুং তোপ-তোপ্পা নাৎ অমসুং য়েলহৌঙৈদগী লৈরক্লবা লনশিং অদুবু তশেং-তশেংবা মান্না উৎখি অমসুং তাকখি।
ফ্রেঙ্ক শ্লিচমননা সেসন অসি হৌদোকপদা মহৌশা, লোকশিং, উমাং-ৱামংশিংগী পুনফম ওইরিবা ফজরবা পুক্নিং চিংশিন্নিঙাই ওইরবা গুনেহার কৌবা কলাগী খুঙ্গং অমা উৎখি। গুনেহার অসি কাংরা দিস্ত্রিক্ততা লৈ। গুনেহারগী কলাগী প্রোজেক্ত অসিগী তুংদা লৈরিবা ৱাখল্লোন অসি খুঙ্গং অসিদা মী য়াম্বা তীন্দুনা অকায়বা পীদনা মফম অসিদা মীৎয়েং চংনবগী ৱাখল লমকোইবশিংগী মরক্তা পোকহন্নবা হোৎনবনি। গুনেহার অসি মখা, রেল অমসুং নোংথক্কী লম্বীশিংদা ফাওনবা য়াই। তম্পাক অসিদা খুঙ্গং মচা কয়া লৈ অমসুং গুনেহার অসিনা মীওই ৩০০০ খক্তা লৈদুনা খ্বাইদগী চাওবা পঞ্চায়েৎ ওইরি। অয়াম্বা মীওইশিং গাদি ওই লোয়ননা খরনা বরা ভঙ্গালিসনি। মফম অসিদা চহি ১০০গী মমাংদগী মী তাবা হৌখি। তশেংবদি খুঙ্গং অসিগী মীয়াম অসি ষনশেনবা ঙাক্তনি অদুবু হৌজিক্তি মখোয় অয়াম্বা লৌমী ওইরে, খরনা দুকান ফম্লি অমসুং খরনা থবক তৌরে। খুঞ্জাশিং অসি নোলুকই, পুকচেল চাওবা অমসুং লৌশিং লৈ। মীয়াম্না য়াওবগা লোয়ননা ২০০৮গী চহি অসিদা ৪ তেবলস প্রোজেক্ত অসি হৌদোখি, ২০১৩দা আর্ত কুম্মৈনা তুং ইন্নরকখি। তোঙান তোঙানবা মখল কয়াগী থবক তৌরবা অমদি সমাজকী থাক কয়া অসিগী মীওইশিং তীনফম ওইবা কলাকারশিং লাক্তুনা অমসুং অহাংবা মফমশিং অসিদা থবক তৌদুনা মখোয়গী কলাগী থবকশিং অদু উৎথোকচনবা কলাগী ওইবা দুকানশিং হাংখি। তৌরিবা থৌরম পুম্নমক অসি কলাকারশিং, য়েংবা লাকপশিং অমসুং খুঞ্জাশিংগা লোয়ননা পুন্না পায়খৎমিন্নখি। মসিবু খুঞ্জাশিংনা মেলা হায়না কৌই। মসি চাওনা মাই পাকপা অমা ওইখি অমসুং অরোইবা চয়োলদা অসি থিএতর, ঈশৈ-নোংমাই, ফিলম উৎপা অসিনচিংবগা লোয়ননা কলাগী কুম্মৈ পাংথোকই। কলাগী কুম্মৈ অসি লোইশিনবগী থৌরমদা মফম অসিগী নাৎকা মরি লৈনবা অদু ময়েক শেংনা উৎলি।
মিস্তর অঙ্কিৎ সুদনা ঐখোয়বু কুল্লু রিজনদা লৈবা ৱার্ল হেরিতেজ সাইৎ গ্রেৎ হিমালায়ন নেস্নল পার্কতা ভর্চ্যুল ওইনা পুরি। গ্রেৎ হিমালায়ন নেস্নল পার্ক অসিনা তম্পাক মরি – সেঞ্জ তম্পাক, জিৱা তম্পাক, তির্থান তম্পাক অমসুং পার্বতি তম্পাক হায়রিবা অসি শিন্বা থুংনা কোল্লি। পার্ক অসিনা হীদাক্তা কান্নবা পাম্বী য়াওনা পাম্বী মখল ১,০০০, জীবা মখল ৩১ অমসুং উচেক মখল ২০৯ লোয়ননা ঈশিংদা অমসুং কংফাল অনীদা লৈবা রেপতাইলশিং অমসুং তিন-কাংশিং ঙাকপি শেনবিদুনা থম্লি। মস্ক দিয়র অমসুং ৱেসতর্ন হোর্ন্দ ত্রাগোপেন য়াওনা জি.ঐচ.এন.পি.গী জীবা মখল মরি অমসুং উচেক মখল অহুম অসি মলেমদগী মুৎখিবা য়ানা লৈরবনি।
মাইকেল অমসুং দেবনসে লিঙলেনা উৎখিবা হিমাচল প্রদেশকী মীনা খঙনদবা অহুমশুবা মফম অদু শিমলা দিস্ত্রিক্তকী অপিকপা শহরমচা , কোতখাইনি।
• কোতখাইগী কোনুং অসি চহি ৮০০ শুরে অমসুং নিংথৌগী ইমুং মনুং হৌজিকসু কোনুং অসিদা লৈরি।
• রুখ্লা ভিলেজ –সেম থারিবা খুঙ্গং অমা। রুখ্লাদগী পুং অহুম চীং কখৎলগা খ্বাইদগী ৱাংবা মফম অদুদা ঐখোয়না পুক্নিং হুনা ফজবা গ্রেতর হিমালেয়াজকী ৩৬০ দিগ্রীগী ভ্যু উবা ফংঙি। ব্লেক বিয়র, বার্কিং দিয়র, মস্ক দিয়র, লঙ্গুর, কবো কৈ অমসুং মোনাল য়াওনা চীংলেম্না ফজরবা ফ্লোরা অমসুং ফৌনা অসিগীদমক খুঙ্গং অসিবু মীয়াম্না খঙনৈ।
• কিয়ারি তেম্পল - য়ুহা হাবদা অতেক অকাই থোক্ত্রবা কোতখাইগী উ অমসুং নুঙগী অর্কিতেকচর
• নারায়ন তেম্পল- হান্না লৈরম্বা মওং অদুদা য়ুমফম ওইরগা নৌনা শাদোকপা
• নাগা কল্ত- চবোক ফবগা মরী লৈনবা ঈশিং লৈবা লৈনুংগী মফম পুম্নমক্তা পাল্লম্বা লৈনুংগী নিংথৌ। নাগ অসি হিমাচলদা খুরুম্বা শক্তি লৈবা লাইরেম্বী অমা ওইরিবী, ভুরী মাতাগী মচানুপানি অমসুং য়াও বল্লি তৌবনা মহাকপু পেলহল্লি। ইশৈশিং অসি পহালি মরোমদা শকই।
• সেম থাবগী ফার্ম
দেখো অপনা দেশ ৱেবিনারশিং অসি ইলেক্ত্রোনিক্স অমসুং ইনফোর্মেসন তেক্নোলোজিগী মন্ত্রালয় (মিইতৱাই)না শেম্বা অমদি নেস্নল ই-গোভর্নান্স দিবিজন (এন.ই.জি.দি.)গা খুৎশমন্দুনা পাংথোকপনি।
ৱেবিনারশিংগী সেসন মসিদা ফংবিগনি https://www.youtube.com/channel/UCbzIbBmMvtvH7d6Zo_ZEHDA/featured অমসুং ভারত সরকারগী তুরিজম মন্ত্রালয়না পাইবা সোসিএল মীদিবা পুম্নমক্তসু ফংগনি।
ত্রেকিং ইন দি হিমালায়াজ- মেজিকেল এক্সপিরিয়েন্স হায়না মীংথোন্দুনা ৱেবিনারগী মথংগী তাঙ্কক অসি জুন ১৩, ২০২০গী অয়ুক পুং ১১দা শন্দোক্লগনি। রেজিস্ত্রেসনগীদমক https://bit.ly/HimalayasDAD
*****
(Release ID: 1631404)
Visitor Counter : 174