সাইন্স অমসুং তেক্নোলোজী মন্ত্রালয়

মরুওইবা সপ্লাইশিং রিএল তাইম ওইনা ফংবা ফংদবগী ফীভম পীবা হকশেলগী সপ্লাই চেনগী ৱেব-বেজ সোলুসন আরোগ্যপথ হৌদোকখ্রে

Posted On: 13 JUN 2020 1:45PM by PIB Imphal

মরুওইবা সপ্লাইশিং রিএল তাইম ওইনা ফংবা ফংদবগী ফীভম পীনবা পান্দম থম্লিবা সি.এস.আই.আর. নেসনেল হেল্থকেয়র সপ্লাই চেন পোর্তেল https://www.aarogyapath.in জুন ১২, ২০২০দা হৌদোকখ্রে‍। অরোগ্যপথনা মেনুফেকচরশিং, সপ্লাইয়রশিং অমদি কস্তমরশিংদা কানবা পীগনি‍। সপ্লাই চেনদা শাথিনা অকায়বা পীরিবা কোবিদ-১৯ লাইচৎনা মরম ওইদুনা ওইরক্লিবা লৈবাকসিগী হকশেলগী ইমর্জেন্সী অসিগী মনুংদা মরম কয়ানা মরুওইবা পোৎলমশিং পুথোকপা অমদি য়ৌহনবদা খুদোংচাদবা মায়োক্নরি‍। ইনফোর্মেসন ফম্পাক আরোগ্যপথ অসি “আরোগ্য (হকচাঙ ফবা পুন্সি) গী মায়কৈদা চৎপা খোঙচৎ অমগী লম্বী পীবা” হায়বা ৱাখল্লোনদা হায়রিবা খুদোংচাদবশিং অসি কোকহন্নবা শেমগৎপনি‍।

মরুওইবা হকশেলগী পোৎলমশিং ফংবা ফংদবগী ৱাফম পোইন্ত অমখক্তদা ফংহনগদবা পুন্সিল্লবা মীয়ামগী ফম্পাক অসিনা চাং নাইনা থেংনদুনা লাকপা ৱাফম কয়ামরুম লাকশিনবদা মতেং ওইগনি‍। হায়রিবসি সপ্লাইয়র মশিং খরখক্তদা তাংদুনা লৈবা, অফবা পোত্থোক খঙদোক্নবা হোৎনবদা মতম য়াম্না চঙবা থৌওং, অপাম্বা মতমদা চৎনবা য়াবা মমলদা অফবা পোত্থোকশিং পীবা ঙম্বা সপ্লাইয়র মশীং য়ামদবা, নৌনা পুথোকপা পোত্থোক্কী মতাংদা খঙবা ৱাৎপনচিংবা ৱাফমশিংনি‍।

মসিনা পোৎ পুথোক্লিবাশিং অমদি সপ্লাই তৌরিবশিংগা পাক চাউরবা কস্তমর নেতৱর্কতা নীংথিনা য়ৌহন্দুনা মখোয় অমদি মনাক নকপা পেথোলোজিকেল লেবোরেতরীশিং, মেদিকেল স্তোরশিং অমসুং অনা লায়েংশঙশিংগগী মরক্তা লৈরিবা ঈ-পাউ ফাউদোক্নবগী অহোবা মেনশিনবা ঙমহনগনি‍। মসিনা পোৎ লৈগদবা মী মশিং হেন্না পাকথোক চাউথোকহন্দুনা অমদি পোত্থোকশিং মথৌ তাবা খঙহন্দুনা করবার চাউথোক্নবগী খুদোংচাবসু শেমগনি‍।‍ মতমগী মতুং ইন্না ফম্পাক অসিদগী এনালাইতিকশিংনা পোত্থোক হেন্না পুথোকপা অমদি লাক্কদবা পোত্থোক ৱাৎপগী ফীভমশিংগীদমক ঙন্না খুদম চাংদম পীবসু ঙমগনি‍। মসিনা মতিক চাদবা ফোর্কাস্তিং অমদি পোত্থোক হেন্না পুথোকপনা থোকহনবা মচাক মথুম মাঙহনবগী চাং হন্থহনবা, অনৌবা তেক্নোলোজীশিংগী দিমান্দগী মরমদা ৱাফমশিং পুথোক্তুনা কান্নবা পীবা ঙমগনি‍।

আরোগৃপথ অসি হেল্থকেয়র সপ্লাইগী হেন্না ফীভম ফনা অমদি পুবা থাংবা ঙমবা মমলদা ভারত মনুংগী অনাবা মীশিংগীদমক লাস্ত-মাইল দেলিভরীগী মরুওইবা অহোবা মেনশিন্দুনা লাক্কদৌরিবা চহীশিংদা ভারতকী নেসনেল হেল্থকেয়র ইনফোর্মেসন প্লেতফোর্ম ওইরক্কনি হায়না সি.এস.আই.আর.না থাজরি‍।

মসি সি.এস.আই.আর. দি.জি. দা: সেখর সি. মান্দেনা শরুক য়াখিবা থৌরমদুদা হকশেল অমদি য়াইইফ য়ুম্বাল মন্ত্রালয়গী ওফিসর ওন স্পিসিএল দিউতি শ্রী রাজেশ ভুসননা হৌদোকখিবনি‍। এম.এস.এম.ই. মন্ত্রালয়গী জোইইন্ত সেক্রেতরী শ্রী সুধির গর্গ অমদি ফার্মা সেক্তর এক্সপর্ত দা: বিজয় চৌথিয়াৱালেনা ইকাইখুম্নর মীথুং ওইনা থৌরমদুদা শরুক য়াখি‍। দা: সেখর মান্দেনা পোর্তেল অদুবু শেমগৎলকখিবা সি.এস.আই.আর.-আই.আই.পি.গী দিরেক্তর দা: অঞ্জন রেনা লুচিংলিবা সি.এস.আই.আর.কী কাঙবু অদুবু থাগৎপা ফোঙদোকখি‍। পোর্তেল অসি সর্বোদয়া ইন্ফোতেককা খুৎশম্নদুনা শেমগৎখিবনি অমদি ইনস্তিত্যুসনেল য়ুজরশিং অমসুং মরুওইবা হকশেলগী মচাকশিং পুথোকপা/ওথোরাইজ সপ্লাইয়রশিং রেজিস্তর তৌদুনা মায়পুননা শরুক য়াশিন্নবা পুক্নীং থৌগৎলি‍।

*****



(Release ID: 1631363) Visitor Counter : 6