ভাইস এদমিরেল বিস্বজিৎ দাসগুপ্ত, এ.ভি.এস.এম., ৱাই.এস.এম., ভি.এস.এম.না জুন ১২, ২০, ইরায় নুমিত্তা ভিসাখপত্নমদা লৈবা ইস্তর্ন নেভেল কম্মান্দ (ই.এন.সি.)কী চীফ ওফ স্তাফ ওইনা থৌ পুখ্রে‍। হান্নগী চীফ ওফ স্তাফ ভাইস এদমিরেল এস.এন. ঘোরমাদেনা নই দিল্লীদা লৈবা ঙাকশেল (নেভী) মন্ত্রালয়গী ইন্তিগ্রেতেদ হেদক্বার্তরদা পর্সনেল সর্ভিসেসকী কন্ত্রোল্লর ওইনা ত্রান্সফর চৎখ্রে‍।

ভাই এদমিরেল বিস্বজিৎ দাশগুপ্ত নেসনেল দিফেন্স একাদমীদা তম্লকপনি‍। মহাক ইং ১৯৮৫দা ইন্দিয়ন নেভীদা কম্মিসন তৌখি অমদি মহাক নেভিগেসন অমদি দিরেক্সনগী স্পিসিএলিস্ত অমনি‍।

মহাক্না মিসাইল কোর্ভেৎ আই.এন.এস. নিসঙ্ক, আই.এন.এস. কর্মুক, স্তিল্থ ফ্রিগেত আই.এন.এস. তবর অমদি এয়রক্রাফ কেরিয়র আই.এন.এস. ভিরাত য়াওনা ফ্রন্তলাইন জহাজ মরি কম্মান্দ তৌখ্রে‍।

মহাক ইন্দিয়ন নেভেল ৱার্ক অপ তিম (কোচি)দা লৈবা হেদক্বার্তরদা কম্মান্দর ৱার্ক অপ, দিফেন্স সর্ভিসেস স্তাফ কোলেজ (ৱেল্লিংতন)দা দিরেক্তিং স্তাফ, নেভীজ নেভিগেসন এন্দ দিরেক্সন স্কুলদা ওফিসর ইন-চার্জ, চীফ ওফ নেভেল স্তাফকী নেভেল এসিস্তেন্ত অমদি ৱেস্তর্ন ফ্লীতকী ফ্লীত ওপরেসন ওফিসর অসিনচিংবা অতোপ্পা ওপরেসনেল, ত্রেনিং অমদি স্তাফকী এপোইন্তমেন্ত কয়াসু পায়রম্মী‍।

ফ্লেগ রেঙ্কতা প্রমোসন ফংলকপদা মহাকপু মুম্বাইদা লৈবা ৱেস্তর্ন নেভেল কম্মান্দগী হেদক্বার্তরদা চীফ সস্তাফ (ওপরেসন) ওইনা ফম হাপলম্মী‍। ২০১৭-১৮ মনুংদা মহাক্না ভিসাখপত্নমদা লৈবা ইস্তর্ন ফ্লীতকী ইকাইখুম্ননিংঙাই ওইরবা কম্মান্দকী থৌ পুরম্মী অমদি মদুগী মতুংদা নই দিল্লীদা লৈবা এন.সি.সি. হেদক্বার্তরদা এদিসনেল দিরেক্তর জেনেরেল ওইনসু ফম হাপলম্মী‍। ভাই-এদমিরেলগী রেঙ্কতা প্রমোসন পীরকপদা অমদি ইস্তর্ন নেভেল কম্মান্দকী চীফ ওফ স্তাফ ওইনা ভিসাখপত্নমদা হল্লক্ত্রিঙৈ মমাঙদা মহাক নই দিল্লীদা লৈবা ঙাকশেল (নেভী) মন্ত্রালয়গী ইন্তিগ্রেতেদ হেদক্বার্তরদা পর্সোনেল সর্ভিসেসকী কন্ত্রোল্লর ওইনা লৈরম্মী‍।

ভাইস এদমিরেল বিস্বাজিৎ দাসগুপ্ত বঙ্গলাদেশকী দিফেন্স সর্ভিসেস কম্মান্দ এন্দ স্তাফ কোলেজ, মহুগী আর্মী ৱার কোলেজ অমসুং নই দিল্লীগী নেসনেল দিফেন্স কোলেজকী গ্রেজুএতনি‍।

ফ্লেগ ওফিসর অসি অতি ভিসিস্ত সেবা মেদল অমসুং ভিসিস্ত সেবা মেদল ফোর দিস্তিঙ্গুইস সর্ভিস ফংলবা মীওইনি‍। মহাক ইং ২০১৫দা ইরাংনা শোকহল্লবা য়িমেনদগী ওপরেসন ভারতকী মখাদা মী হোন্দোরকপগী ওপরেসনদা কোওর্দিনেত তৌখিবগীদমক য়ুধ সেবা মেদলসু ফংখ্রে‍।

*****