কেমিকেল অমসুং ফর্তিলাইজর মন্ত্রালয়গী দিপার্তমেন্ত ওব ফার্মাস্যুতিকেলসকী মখাদা নেস্নেল ইন্সতিত্যুৎ ওব ফার্মাস্যুতিকেল এজুকেসন অমসুং রিসর্স (নাইপর্স)না ফার্মাগী কাঙলুপ্তা হায়র এজুকেসনগী মকোক থোংবা ইন্সতিত্যুৎ তরাগী মনুংদা চনবা ঙম্লে।

মখোয়গী ফার্মাস্যুতিকেলস অমসুং মেদিকেল দিবাইসকী লমদা এজুকেসন, রিসর্স অমসুং ইন্নোবেসন্দা ফগৎলক্লিবা মশক অমসুং হোৎনজমল অদু মসিনা ময়েক শেংনা তাক্লে। মসিগী খ্বাইদগী নৌবা রেতিং অসিনা মখোয়গী মায় পাকপদা " ব্রান্দ নাইপর" হায়না হাপচিল্লে।

কেমিকেল অমসুং ফর্তিলাইজর্সকী কেন্দ্রগী মন্ত্রী শ্রী দি.ভি. সদানন্দ গৌদা অমসুং কেমিকেল অমসুং ফর্তিলাইজরগী রাজ্যগী মন্ত্রী ওইরিবা শ্রী মন্সুখ মান্দবিয়ানা নাইপরশিংগী ফেকলতীশিং অমসুং মহৈরোইশিংবু মখোয়না মসিগী মায় পাকপসি ফংনবগীদমক চোকথবা নাইদনা হোৎনখিবশিংগীদমক থাগৎপা ফোংদোকখ্রে।

হ্যুমেন্ত রিসোর্স দিবেলপমেন্তকী কেন্দ্রগী মন্ত্রীনা ইন্সতিত্যুসন্স ওব হায়র এজুকেসনগী তোঙান-তোঙানবা কাঙলুপশিংদা মখোয়না অপুনবা পেরামিতর মঙাদা উৎখিবশিংদা য়ুম্ফম ওইরগা "ইন্দিয়া রেঙ্কিংস ২০২০" ফোংখ্রে।

ফার্মাসিগী কাঙলুপ্তা, হন্দক্কী চহিগী রেঙ্কিং অসিদা গৌহাতী, রাইবরেল্লি অমসুং কোলকত্তাগী নাইপরনা অহানবা ওইনা চঙলক্তুনা ১১শুবা, ১৮শুবা অমসুং ২৭ শুবা মফম কন্দুনা মখোয়গী ফজরবা পরফোর্মেন্স উৎখি।

চহিগী ওইনা ফোংবা রেঙ্কিংগী মখাদা, তোঙান-তোঙানবা য়ুনিবর্সিতী, কোলেজ, মেদিসিন, দেন্তেল, লো, আর্কিতেকচর, ইঞ্জিনীয়রিং, মেনেজমেন্ত অমসুং ফার্মাসি ইন্সতিত্যুৎশিংগী রেঙ্ক পীখি।

*****