ঙসি হকশেল অমসুং য়াইফ য়ুম্বাল মন্ত্রীনা শ্রী অস্বিনি কুমার চৌবেহ,এম.ও.এস. (ঐচ.এফ.দবল্যু.) য়াওনা পাংথোকখিবা ভিদিও কনফরেন্সকী খুত্থাংদা মহারাস্ত্রগী হকশেলগী মন্ত্রী শ্রী রাজেস তোপ, মহারাস্ত্রগী মেদিকেল এজুকেসন মন্ত্রী শ্রী অমিত দেসমুক অমসুং মহারাস্ত্রগী কোবিদনা শোকহল্লবা জিলাশিংগী দি.এম.শিং য়াওবা অচৌবা মীফম অমা পাংথোকখ্রে৷ মীফম অদুদা (ঐচ.এফ.দবল্যু.)গী সেক্রেতরী শ্রীমতি প্রিতী সুদান, (ঐচ.এফ.দবল্যু.)গী ও.এস.দি. শ্রী রাজেস ভুসন, কেন্দ্রগী অমসুং রাজ্য অনিমক্তগী সেনিয়র ওফিসিয়েলশিং য়াওদুনা পাংথোকখি৷

রাজ্য অসিদা লৈরিবা জিলা ৩৬মক শোকহল্লে৷ মুম্বাই, থানে, নাশিক, পালঘর, নাগপুর অমসুং ঔরঙ্গবাদকী জিলাশিংদা হকথেংননা চৎতুনা কোবিদ-১৯গী ফিভম অমসুং মদুগী শিল্লি লাংলিবশিং অদু য়েংশিনখ্রে অমরোমদা ভি.সি. অদুদা জিলা পুম্নমক য়াওখি৷

মীফম অদু হৌরকপদা এন.সি.দি.সিগী দাইরেক্তর দা. এস.কে. সিংহনা মহারাস্ত্রদা কোবিদ-১৯না মরম ওইরগা খরা হেন্না য়াম্বা এক্তিব কেস, শিবগী চাংগী কেস, নারে খন্দোকপগী চাং, থুনা শন্দোকপগী অমসুং চাং নেম্না চাংয়েং তৌবগী চাং উৎলিবা জিলাশিং অদু পুথোকখ্রে৷ মহাক্নসু মখা তানা হেল্থ ইনফ্রাস্ত্রকচর ফংনবা অমসুং কনফর্ম তৌবগী চাং অমসুং মী শিবগী চাং ৱাংবা জিলাশিংদা তঙাই ফদনা পুকনিং চংনবা হায়খ্রে৷

মহারাস্ত্রদা হৌজিক লৈরিবা কোবিদ-১৯গী ফিবম অসি য়েংলগা দা. হর্শ বর্ধন্না অশুম্না হায়খ্রে, “কন্তেনমেন্ত জোনশিং মশিং হেনগৎলকপা অসিদা পন্থবা তৌদনা য়াম্না চেকশিননিঙাই ওই৷ ইফেক্তিব কন্তেমেন্তগী লালোং অসি নিংথীজনা লৈননবগীদমক মী কুংনা তাবা মফমশিংগী বলনেরেবিলিতী মেপ্পিং অসি শেমদোক্কদবনি৷ অসিদসু নত্তনা পর মিলিয়ন পোপুলেসন্দা তৌরিবা তেস্তশিং অসিগা লোইননা শিবগী চাং হেনগৎলকপা অসি য়েংশিনগদবনি৷”

হেল্থ ইনফ্রাইস্ত্রকচর অসিগী মতুং ইন্না দা. হর্শ বর্ধন্না মহারাস্ত্রদা লৈরিবা আই.সি.য়ু.গী সিস্তেম, ভেন্তিলেতরশিং অমসুং তেস্তিং লেবশিং হেনগৎনবা খঙহনখ্রে অমসুং লাক্লিবা অনাবাশিংদা আই.সি.য়ু. অমসুং বেন্তিলেতরশিং ফংহন্নবা খঙহনখ্রে৷ হ্যুমেন রিসোর্স মেনেজমেন্তকা মরী লৈননা মহাক্না হায়, ওনলাইন ত্রেন্নিং মোদকী খুৎথাংদা হেল্থকেয়র ৱর্কর্সশিংবু ক্বালিতী ত্রেন্নিং তৌদুনা হেল্থকেয়রগী ক্বালিতী হেনগৎহনগদবনি৷

মহাক্না রাজ্যগী ওফিসিয়েলশিংদা হায়খ্রে মদুদি কোবিদ-১৯ অনাবাশিং মতম চানা খঙদোক্নবা অমসুং লায়েংনবা তেস্তিং লেবশিংনা কোবিদ-১৯ তেস্তশিংগী রিপোর্তশিং অদু মতম চানা পীগদবনি৷ মহাক্না মখা তানা হায়খ্রে, সরকরগী লেব ৬০২ অমসুং লনাইগী লেব ২৩৫ পুন্না লেব ৮৩৭ শিজিন্নদুনা ঐখোয়না ঐখোয়গী তেস্ত তৌবগী চাং হেঙ্গৎহনখ্রে৷ ঙসি ফাওবদা সেম্পল ৫২,১৩,১৪০রোম তেস্ত তৌখ্রে অমসুং হৌখিবা পুং ২৪ অসিদা সেম্পল ১,৫১,৮০৮ তেস্ত তৌখ্রে৷” মহাক্না মখা তারদুনা অসুম্না ফোংদোকখি মদুদি ঙসি ফাওবদা এন ৯৫ মাক্স লাখ ১৩৬ হেন্না অমসুং পি.পি.ই. লাখ ১০৬ হেন্না রাজ্যশিং/য়ু.তি.শিং অমসুং কেন্দ্রগী ইন্সতিত্যুসনশিংদা য়েন্থোকখ্রে৷ কেন্দ্রগী হকশেলগী মন্ত্রীনা অশুম্না হায়খ্রে, কোবিদ লায়েংদবা অনা লাইয়েংশঙশিংদসু মন্ত্রালয়না থোকখিবা গাইদলাইনশিংগী মতুং ইন্না পি.পি.ই.শিং শিজিন্নগদবনি৷

কন্তেক ত্রেশিং, লোজিস্তিক ইনহান্সমেন্তশিং খুদম ওইনা আই.সি.য়ু., ফমুংশিং ভেন্তিলেতরশিংগা শম্নহনবা, ওক্সিজেন সপপ্রিমেন্তেসন য়াওবা ফমুংশিং ফংহনবা, হেল্থ কেয়র ৱাকরশিংগী মতিক চাবা ত্রান্সপোর্ত ফংহনবা অমসুং কম্ম্যুনিতী রেজিস্তেন্স হন্থহন্নবা অমসুং রিক্স কন্তেক চাং ৱাংনা লৈবা মীশিংবু কাউনশিনলিং তৌনবগীদমক্তা বিহেবিয়র চেঞ্জ কম্মুনিকেসন(বি.বি.সি.) থৌওংশিংবু মপাঙ্গল কন্নবগীদমক্তা তঙাই ফদনা হ্যুমেন রিসোর্স দরকার ওই হায়না দা. হার্শনা বর্ধননা হায়খ্রে৷ অসিগীসু মথক্তা চাউনা শোকহল্লবা মফমশিংদগী চংলক্লিবা মীওইশিংগীদমক নিংথীজনা কন্তেক ত্রেশিং অমসুং ক্বারেন্তিন চেকশিন্না তৌননবগীদমক ইপিদেমিওলোজিকেল ইনভেস্তিগেসন তৌবগা লোইননা কন্তেনমেন্ত প্লান অদু চেকশিন্না তৌবা জিলাশিংগীদমক য়াম্না মরু ওই৷

মীরোনবী নুপীশিংগীদমক অখন্নবা চেকশিন থৌরাংগা লোইননা তঙাই ফদবা থবকশিং খুদম ওইনা ঈ কল্লেকসন তৌবা, কেমোথেরাপী, দাইয়েলাইসিস তৌবিদুনা তঙাই ফদবা আর.এম.এন.সি.ঐস.এ.+এন থবকশিংদা হেন্না মাই ওনশিন্নবা রাজ্যদা হায়খ্রে৷ দা. হার্শ বর্ধননা অসুম্না হায়খ্রে, তি.বি. নাবা মীওইশিং কোবিদ-১৯ লাইচৎতা কা হেন্না লৌনরকপা য়াবা মরম্না মখোয়শিংগীদমক তি.বি. লায়েংবা অমসুং মেনেজমেন্তগীদমক তঙাই ফদনা চংবা দরকার লৈবা সর্বিসশিং অদু রাজ্যনা ফংহনগদবনি৷ কোদিব-১৯গী সর্ভে তৌরিবা অসুম্না য়ুমথোং খুদিং চৎতুনা তি.বি লাইনাগী মতাংদা সর্ভে তৌগদবনি৷ লাইনা অসি শন্দোরকপদগী থিংনবা মীয়াম তিনবা মফমশিংদা লোক তিন শিৎতোকপাশিংদা অকনবা এক্সন লৌখৎকদবনি হায়খ্রে৷ বেক্তর বোর্ন লাইনাশিংদগী ঙাকথোক্নবগীদমক চান্নবা চেকশিন থৌরাংশিং লৌখৎপা তঙাই ফদে হায়না হায়খ্রে৷

হায়রিবা সর্বিসশিং অসি ফংহনবদা লৈবাক শিনবা থুংনা মথৌ তৌরিবা অয়ুশমান ভারত-হেল্থ এন ৱেলনেজ সেন্তর (এ.বি.-ঐস.দবলিয়ু.সি)গী ৩৭৭৫ হেন্না লৈবা সেন্তরশিং অদু শিজিন্ননবা রাজ্যগী ওফিসিয়েলশিংদা হায়খ্রে৷ ও.পি.দি. সর্বিসশিংগীদমক দোর স্তেপ দেলিবেরী অমসুং তেলিমেদিসিন/ তেলি-কন্সলতেসনগীদমক দরকার লৈবা ভোলুনতিয়রশিং লৈহন্নবা হায়খ্রে৷ হেল্থ ৱাকরশিং অমসুং মতম খরগী ওইনা নেকপা মীওইশিংগীদমক হিদাক লাংথক মতিক চানা অমসুং মতম চানা তোলোপ/ইন্সেন্তিব পিনবা হায়খ্রে৷ মখা তানা মহাক্না অসুম্না হায়খ্রে, কোবিদ-১৯গীদমক হিদাক অমসুং বেক্সিন কয়ামরোম চাংয়েং তৌখ্রে৷ ঐখোয়না কোবিদ-১৯ লাইচৎ অসি মাইথীবা পীদ্রিবফাওবদি ঐখোয় ইশানা চেকশিন্না ঙাকশেল্লগা লৈগদবনি৷ কোবিদ-১৯ লাইচৎ অসি মুথৎনবগীদমক ঐখোয় ইশা ইশানা অফবা থবক থৌওংশিং তৌগদবনি৷ জিলা লোইনমক অমসুং মুনিসিপাল সরকারগী ওফিসিয়েলশিংনা রাজ্য অমসুং কেন্দ্রগা মতেং পাংনদুনা থবক তৌমিন্নগদবনি৷

কোবিদ-১৯গা মরী লৈনবা তেক্নিকেল ইসুশিং, গাইদলাইনশিং অমসুং এদভাইজরীদা

ঔথেন্তিক অমসুং অপদেত ওইবা ইনফোর্মেশন পুম্নমক্কীদমক চানবীদুনা চাং নাইনা

https://www.mohfw.gov.in/ অমসুং @MoHFW_INDIA দা ভিজিৎ তৌবীয়ু।

কোবিদ-১৯গা মরী লৈনবা তেক্নিকেলগী ৱাহংশিং technicalquery.covid19[at]gov[dot]inদা

থাবীরকপা য়াগনি অমদি অতোপ্পা ৱাহংশিং ncov2019[at]gov[dot]in অমদি

@CovidIndiaSevaদা থাবীরকপা য়াগনি।

কোবিদ-১৯দা করিগুম্বা মখল অমা হেক্তগী ৱাহং লৈরগদি হকশেল অমসুং য়াইফ

য়ুম্বাল মন্ত্রালয়গী হেল্পলাইন নম্বর +91-11-23978046 নত্ত্রগা 1075 (তোল-

ফ্রী)দা চানবীদুনা কোল তৌবীরকউ। কোবিদ-১৯দা রাজ্যশিং/য়ুনিয়ন তেরিতেরীশিংগী

হেল্পলাইন নম্বরশিংগী লিস্তসু

https://www.mohfw.gov.in/pdf/coronvavirushelplinenumber.pdf দগী ফংবীগনি।

*****