অন্দমান অমসুং নিকোবার ইথৎতা লৈবা জহাজ শেম্নবা ফেসিলিতীশিং হেনগৎহন্নবগীদমক সিপ্পিং মন্ত্রালয়না লুপা করোর ১২৩.৯৫গী রিভাইজ কোস্ত এস্তিমেত অয়াবা পীখ্রে‍।

চাউখৎ থৌরাংগী শরুক অয়ামবা সিপ্পিংগা মরী লৈনবা মরম্না অন্দমান অমসুং নিকোবার আইলেন্দগীদমক্তদি সিপ্পিং এক্তিভিতিশিং অসি মখোয়গী হিংনবগী লম্বীনি‍। সিপ্পিং এক্তিভিতিশিং অয়েৎপা লৈতনা মথৌ তৌহন্দুনা থম্নবগীদমক জহাজ শেম্ফম ফেসিলিতীশিং শেমগৎপা মথৌ তাই‍। জহাজ চত্থোক চৎশিনদা মশক থোক্না হেনগৎলকপনা মরম ওইদুনা পোর্ত ব্লেয়রদা লৈরিবা শেম্ফম ফেসিলিতীশিং অসি সিপ্পিং মন্ত্রালয়না হেনগৎহনবগী থবক পায়খৎলি‍। লৈরিবা দোক্কী অশাংবা অসি মিতর ৯০ শাংদোকহনগদৌরি‍। মসিনা জহাজ শাবা অমদি শেম্বগী ইন্দস্ত্রী চাউখৎহনবতা নত্তনা ভারত লৈঙাক্কী মেক ইন ইন্দিয়া থৌরাংবুসু মথৌ হাপকনি‍।

খা অন্দমানগী পোর্ত ব্লেয়রদা লৈবা মেরিন দোকয়ার্দ অমদা দ্রাই দোক পম্পশিং অমসুং অতৈ মচাকশিং সপ্প্লাই তৌবা, পানখৎবা অমদি মথৌ হৌহন্নবগীদমক পায়খৎকদবা প্রোজেক্ত ‘এক্সতেন্সন ওফ দ্রাই দোক-২’ ইং ২০১৬গী ফেব্রুৱারী মনুংদা থা ৪২গী মনুংদা লোইশিন্নবগী পান্দমগা লোয়ননা সিপ্পিং মন্ত্রালয়না সেন্ত্রেল সেক্তর স্কিমগী মখাদা লুপা করোর ৯৬.২৪গী শেনফমগা লোয়ননা সেঙ্কসন তৌখিবনি‍। থবক অদুগী পান্দমদি হান্না লৈরিবা দোক অদুগী অশাংবা মিতর ৯০ শাংদোক্তুনা অহেনবা অমদি হেন্না চাউবা জহাজশিং থম্বা য়াহনবনি‍। মসিনা পোর্ত ব্লেয়রদা লৈরিবা জহাজ শেম্ফমগী ফেসিলিতীশিংগী কেপাসিতী শরুক অনি থোক্না হেনগৎহন্দুনা অহেনবা থবক পীনবা অমদি ঈথৎ অদুদা লৈরিবা মীওইশিংগী ইনকম হেনগৎহন্নবগদমক্নি‍। প্রোজেক্ত অদু অয়াবা পীদুনা অহানবগী থবকশিং মফমদুদা ০৭.০৩.২০১৭দগী হৌখ্রে‍।

তেক্নিকেলগী ওইবা অহোংবা খরনা মরম ওইরগা প্রেজেক্ত অসিদা অহেনবা মতম অমদি শেনফম মথৌ তারকপনি‍। হৌজিক্তি সিপ্পিং মন্ত্রালয়না নৌনা লেপথোক্লবা চঙগদবা চাউরাকপা শেনফম লুপা করোর ১২৩.৯৫ অয়াবা পীরে‍। দ্রাই দোক অদুগী শাংদোক্লবা ফেসিলিতী অদু ওগস্ত, ২০২১ ফাওবদা সিপ্পিং ইন্দস্ত্রীদা ফংহনগদৌরি‍।

****