موہالی، رائے بریلی ، حاجی پور اور گوہاٹی کے نیشنل انسٹی ٹیوٹ آف فارماسیوٹیکل ایجوکیشن اینڈ ریسرچ (این آئی پی ای آر)کے ڈائرکٹروں کی ایک میٹنگ ویڈیوکانفرنسنگ  کے ذریعے کیمیکلز اور کھادوں کے وزیر مملکت جناب منسکھ منڈاویہ کی صدارت میں آج منعقد ہوئی جس سے کہ تحقیقی اور اختراعی سرگرمیوں بالخصوص ان طریقوں کے سلسلے میں جن میں این آئی پی ای آر نے کووڈ-19 کے خلاف ملک  کی لڑائی میں تعاون دیا ہے اور دے سکتے ہیں، میں ان کی کارکردگی کا جائزہ لیا گیا۔

اس موقع پر اظہار خیال کرتے ہوئے جناب منڈاویہ نے زور دیکر کہا کہ تحقیقی اور ٹیسٹنگ کی سرگرمیوں کے ذریعے اپنے لئے وسائل پیدا کرکے این آئی پی ای آر خود کفیل بن سکتے ہیں۔

انہوں نے اس بات پر بھی زور دیا کہ این آئی پی ای آر کو نہ صرف مصنوعات کی ترقی پر توجہ مرکوز کرنی چاہئے  بلکہ ان کی تجارت کاری کے امکانات کی بھی تلاش کی جانی چاہئے۔

وزیر موصوف نے یہ بھی  مشورہ دیا کہ تمام این آئی پی ای آر کو ریونیو پیدا کرنے کے ایک ذریعے کے طور پر فارما پروڈکٹس کیلئے  قومی سطح کی جانچ لیباریٹریاں قائم کرنا چاہئے۔ سرکاری اور نجی سیکٹر کی فارماسیوٹیکل کمپنیاں اور ایجنسیاں تجارتی سطح پر جانچ لیباریٹریوں کے استعمال کیلئے  ای آئی پی ای آر سے رابطہ کرسکتی ہیں۔

جناب منڈاویہ نے مختلف این آئی پی ای آر کے ذریعے اٹھائے گئے معاملات پر اپنے خیالات پیش کیے۔

این آئی پی ای آر میں سے پہلا پرزنٹیشن موہالی کے این آئی پی ای آر کے ڈائرکٹر نے پیش کیا۔ انہوں نے ادارے کے ذریعے تحقیق وترقی نیز فارما کی تعلیم کے شعبے میں مختلف حصولیابیوں کو اجاگر کیا۔ انہوں نے رائے بریلی کے این آئی پی ای آر کے لئے بھی پرزنٹیشن پیش کیا جس کے وہ انچارج ڈائرکٹر ہیں۔ گوہاٹی کے این آئی پی ای آر کے ڈائرکٹر نیز حاجی پور کے این آئی پی ای آر کے ڈائرکٹر نے بھی اپنے اداروں سے متعلق پرزنٹیشن پیش کیا۔

-----------------------

م ن۔م ع۔ ع ن

U NO: 3209