নেস্নেল ইন্সতিত্যুৎ ওব ফার্মাস্যুতিকেলস এজুকেসন এন্দ রিসর্স (নাইপর)- মোহালি, রাইবরেল্লি, হাজিপুর অমসুং গুৱাহাতীগী দিরেক্তরশিংগা লোইননা কেমিকেল অমসুং ফর্তিলাইজরগী রাজ্য মন্ত্রী ওইরিবা শ্রী মন্সুখ মান্দবিয়াগী লুচিং মখাদা ভিদিও কনফরেন্সকী খুথাংদা মীফম অমা ঙসি মখোয়গী রিসর্স অমসুং ইনোবেসন্দা লৈরিবা মরুওইনা নাইপরশিংদা লৈরিবা লম্বীশিং অমসুং লৈবাক অসিনা কোবিদ-১৯ থেংনবদা কদাইফাওবা মতেং পাংবা ঙমগদগে হায়বা য়েংশিন্নবা পাঙথোকখ্রে।

থৌরম অদুদা ৱা ঙাংলদুনা, শ্রী মান্দবিয়ানা নাইপরশিংদা রিসর্চ অমসুং তেস্তিংগী থবক থৌরমশিংগী মখাদা মশাগী রিসোর্স পুথোকচদুনা মরোমদোম লেপ্পা ঙমজনবা হোৎনজগদবনি হায়না পুক্নিং চিংশিনখি।

মহাক্না অমুকসু নাইপরশিংবু পোত্থোক পুথোক্নবখক্তদা নত্তনা কম্মর্সিএলাইজেসন্দসু মীৎয়েং থম্নবা ৱাফমশিং থমখি।

মন্ত্রীনা নাইপরশিংদা ফার্মাগী পোত্থোকশিংগী ওইবা জাতিগী থাক্তা লৈবা তেস্তিং লেবশিং পুথোকচদুনা রেভেন্যু তান্নবা ফোংদোকখি। সরকার অমসুং প্রাইবেৎ সেক্তরগী ফার্মাস্যুতিকেল কম্পেনীশিং অমসুং এজেন্সীশিংনা কম্মরসিএল বেসিস্তা নাইপরদা তেস্তিং লেব শীজিন্ননবা লাকপা য়াই।

নাইপরশিংনা পুখৎলকপা খুদোংচাদবশিং শ্রী মান্দবিয়ানা কুপ্না য়েংশিনখি।

নাইপরশিংগী অহানবা প্রজেন্তেসন্দু নাইপর মোহালিগী দিরেক্তরনা পীখি। মহাক্না ইন্সতিত্যুৎ অসিনা আর. এন্দ দি.গী লমদা অমসুং ফার্মা এজুকেসন্দা তৌখ্রবশিং থমখি। মহাক্না দিরেক্তর ওইনা পুরিবা রাইবরেল্লি নাইপরগী প্রজেন্তেসনসু থমখি। নাইপর গুৱাহাতীগী দিরেক্তর অমসুং হাজিপুর নাইপরগী দিরেক্তরনসু মখোয়গী ইন্সতিত্যুসনশিংগী প্রজেন্তেসন পীখি।

*****