ਕੇਰਲ ਵਿੱਚ ਕੋਚਿਨ ਸਥਿਤ ਇੱਕ ਸਟਾਰਟਅੱਪ ਵੀਐੱਸਟੀ ਮੋਬਿਲਿਟੀ ਸਾਲਿਊਸ਼ਨਸ ਨੇ ਸਵੈਚਾਲਿਤ ਮਾਸਕ ਡਿਸਪੋਜਲ ਮਸ਼ੀਨ ਲਾਂਚ ਕੀਤੀ ਹੈ।  ਇਹ ਕੋਵਿਡ - 19  ਦੇ ਖ਼ਿਲਾਫ਼ ਲੜਾਈ  ਦੇ ਹਿੱਸੇ  ਦੇ ਤਹਿਤ ਕੀਤਾ ਗਿਆ ਇੱਕ ਯਤਨ ਹੈ।  ਸ਼੍ਰੀ ਚਿਤ੍ਰਾ ਤਿਰੁਨਲ ਇੰਸਟੀਟਿਊਟ ਫਾਰ ਮੈਡੀਕਲ ਸਾਇੰਸੇਜ ਐਂਡ ਟੈਕਨੋਲੋਜੀ  (ਐੱਸਸੀਟੀਆਈਐੱਮਐੱਸਟੀ )  ਨੇ ਚਿੱਤਰ ਯੂਵੀ ਅਧਾਰਿਤ ਫੇਸ ਮਾਸਕ ਡਿਸਪੋਜਲ ਬਿਨ - 19 ਟੈਕਨੋਲੋਜੀ ਨੂੰ ਵਿਕਸਿਤ ਕੀਤਾ।  ਇਹ ਸੰਸਥਾਨ ਤਿਰਵੇਂਦਰਮ ਵਿੱਚ ਸਥਿਤ ਹੈ,  ਜੋ ਭਾਰਤ ਸਰਕਾਰ  ਦੇ ਵਿਗਿਆਨ ਅਤੇ ਤਕਨੀਕੀ ਵਿਭਾਗ  ( ਡੀਐੱਸਟੀ )   ਤਹਿਤ ਰਾਸ਼ਟਰੀ ਮਹੱਤਵ ਦਾ ਸੰਸਥਾਨ ਮੰਨਿਆ ਜਾਂਦਾ ਹੈ।  ਰਸਮੀ ਰੂਪ ਨਾਲ ਐਰਨਾਕੁਲਮ ਜ਼ਿਲ੍ਹਾ ਕਲੈਕਟਰ ਐੱਸ ਸੁਹਾਸ ਨੇ ਆਪਣੇ ਦਫ਼ਤਰ,  ਜ਼ਿਲ੍ਹਾ ਪ੍ਰਬੰਧਕੀ ਦਫ਼ਤਰ ਵਿੱਚ ਇੱਕ ਇਕਾਈ ਸਥਾਪਿਤ ਕਰਕੇ ਇਸ ਦੀ ਸ਼ੁਰੂਆਤ ਕੀਤੀ।

ਇੰਟਰਨੈੱਟ ਆਵ੍ ਥਿੰਗਸ ਅਧਾਰਿਤ ਬਿਨ-19 ਦਾ ਉਪਕਰਣ ਇਸਤੇਮਾਲ ਫੇਸ - ਮਾਸਕ ਨੂੰ ਇਕੱਠਾ ਕਰਨ ਅਤੇ ਕੀਟਾਣੂਰਹਿਤ ਕਰਨ ਲਈ ਕੀਤਾ ਜਾਂਦਾ ਹੈ।  ਇਹ ਉਪਕਰਣ ਸ਼੍ਰੀ ਚਿਤ੍ਰਾ ਲੈਬ ਦੁਆਰਾ ਸਫਲ ਮਾਈਕਰੋਬਾਈਲੌਜੀਕਲ ਟੈਸਟਾਂ ਦੀ ਇੱਕ ਲੜੀ ਤੋਂ ਹੋ ਕੇ ਗੁਜਰਿਆ ਹੈ।  ਸ਼੍ਰੀ ਚਿਤ੍ਰਾ ਭਾਰਤੀ ਆਯੁਰਵਿਗਿਆਨ ਖੋਜ ਪਰਿਸ਼ਦ  ( ਆਈਸੀਐੱਮਆਰ )   ਦੇ ਦਿਸ਼ਾ-ਨਿਰਦੇਸ਼ਾਂ  ਅਨੁਸਾਰ ਕੰਮ ਕਰਨ ਵਾਲੀ ਦੇਸ਼ ਵਿੱਚ ਯੂਵੀ ਅਧਾਰਿਤ ਉਪਕਰਣਾਂ ਦੀ ਟੈਸਟਿੰਗ ਏਜੰਸੀ ਹੈ।

ਜ਼ਿਲ੍ਹਾ ਕਲੈਕਟਰ ਐੱਸ ਸੁਹਾਸ ਨੇ ਬਿਨ - 19 ਅਤੇ UV SPOT ਨੂੰ ਲਾਂਚ ਕਰਦੇ ਹੋਏ ਕਿਹਾ ਕਿ ਇਹ ਪਹਿਲੀ ਵਾਰ ਹੈ ਜਦੋਂ ਕੇਰਲ ਵਿੱਚ ਇਸ ਤਰ੍ਹਾਂ ਦੀ ਸੁਵਿਧਾ ਉਪਲੱਬਧ ਹੈ।  ਉਨ੍ਹਾਂ ਨੇ ਕਿਹਾ, “ਇਹ ਪ੍ਰੋਡਕਟ ਕੋਵਿਡ - 19 ਨਾਲ ਨਜਿੱਠਣ ਵਿੱਚ ਕਾਰਗਰ ਸਾਬਿਤ ਹੋਣਗੇ।  ਨਾਲ ਹੀ ਇਹ ਉਤਪਾਦ ਵਾਤਾਵਰਣ ਦੇ ਨੁਕਸਾਨ ਨੂੰ ਰੋਕਣ ਵਿੱਚ ਵੀ ਮਦਦਗਾਰ ਸਾਬਤ ਹੋਣਗੇ। ”

ਐੱਸਸੀਟੀਆਈਐੱਮਐੱਸਟੀ ਦੀ ਡਾਇਰੈਕਟਰ ਡਾ .  ਆਸ ਕਿਸ਼ੋਰ ਨੇ ਕਿਹਾ ,  “ਵੀਐੱਸਟੀ ਦੁਆਰਾ ਵਿਕਸਿਤ ਯੂਵੀ - ਬਿਨ ਅਤੇ ਮਲਟੀਪਰਪਜ ਵਾਲੇ ਕੀਟਾਣੂਸ਼ੋਧਨ ਪ੍ਰਣਾਲੀ  ਦੇ ਸਫਲ ਲਾਂਚ ਨੂੰ ਦੇਖ ਕੇ ਡੀਐੱਸਟੀ ਅਤੇ ਸੰਸਥਾਨ ਬਹੁਤ ਖੁਸ਼ ਹਨ।  ਅਸੀਂ ਟੈਕਨੋਲੋਜੀ ਜਾਣਕਾਰੀ ਅਤੇ ਪ੍ਰੋਟੋਟਾਈਪ ਨੂੰ ਇਨ੍ਹਾਂ ਉਪਕਰਣਾਂ ਵਿੱਚ ਪਰਿਵਰਤਿਤ ਕਰਨ ਲਈ ਟੀਮ ਨੂੰ ਵਧਾਈ ਦੇਣਾ ਚਾਹੁੰਦੇ ਹਾਂ,  ਜੋ ਦਫਤਰਾਂ,  ਘਰਾਂ ਅਤੇ ਹੋਰ ਜਨਤਕ ਸਥਾਨਾਂ ਉੱਤੇ ਬਹੁਤ ਕਾਰਗਰ ਸਾਬਤ ਹੋਣ ਵਾਲਾ ਹੈ।  ਇਹ ਕੋਵਿਡ-19 ਨੂੰ ਖਤਮ ਕਰਨ  ਦੇ ਯਤਨਾਂ ਵਿੱਚ ਯੋਗਦਾਨ ਦੇਵੇਗਾ।”

ਵੀਐੱਸਟੀ ਮੋਬਿਲਿਟੀ ਸਾਲਿਊਸ਼ਨਸ  ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ (ਸੀਈਓ) ਸ਼੍ਰੀ ਏਲਵਿਨ ਜਾਰਜ ਨੇ ਬਿਨ - 19  ਬਾਰੇ ਦੱਸਦੇ ਹੋਏ ਕਿਹਾ ਕਿ ਇਸ ਦੇ ਇੱਕ ਕੰਟੇਨਰ  ਦੇ ਅੰਦਰ ਗਿਰਾਏ ਗਏ ਮਾਸਕ ਨੂੰ ਪਹਿਲਾਂ ਇੱਕ ਪ੍ਰਕਿਰਿਆ ਦੁਆਰਾ ਡਿਸਇਨਫੇਕਟ ਕੀਤਾ ਜਾਵੇਗਾ।  ਬਿਨ  ਦੇ ਅੰਦਰ ਕੀਟਾਣੂ ਰਹਿਤ ਮਾਸਕ ਦੂਜੇ ਕੰਟੇਨਰ ਵਿੱਚ ਪਾ ਦਿੱਤੇ ਜਾਣਗੇ।  ਮਾਸਕ ਛੱਡਣ ਵਾਲਾ ਵਿਅਕਤੀ ਬਿਨ-19 ਨਾਲ ਜੁੜੀ ਸਵੈਚਾਲਿਤ ਸੈਨੀਟਾਈਜਰ ਮਸ਼ੀਨ ਦੀ ਮਦਦ ਨਾਲ ਆਪਣੇ ਹੱਥਾਂ ਨੂੰ ਸੈਨੀਟਾਈਜ਼ ਕਰ ਸਕਦਾ ਹੈ।  ਇਨ੍ਹਾਂ ਸਾਰੇ ਕੰਮਾਂ ਨੂੰ ਕਰਨ ਲਈ ਬਿਨ ਵਿੱਚ ਕਿਸੇ ਵੀ ਸਵਿੱਚ ਨੂੰ ਛੂਹਣ ਜਾਂ ਸੰਚਾਲਿਤ ਕਰਨ ਦੀ ਲੋੜ ਨਹੀਂ ਹੈ।  ਸਾਰੇ ਕਾਰਜ ਸਵੈਚਾਲਿਤ ਤਰੀਕੇ ਨਾਲ ਕੀਤਾ ਜਾਂਦਾ ਹੈ ਤਾਕਿ ਕਰਮੀਆਂ ਦੀ ਸੁਰੱਖਿਆ ਸੁਨਿਸ਼ਚਿਤ ਕੀਤੀ ਜਾ ਸਕੇ।

ਬਿਨ-19  ਦੇ ਇੰਟਰਨੈੱਟ ਆਵ੍ ਥਿੰਗਸ ਫੀਚਰਸ ਆਟੋ ਸੈਨੀਟਾਈਜ਼ਰ ਡਿਸਪੈਂਸਰ ਹਨ  ( ਜੇਕਰ ਇਹ ਖਾਲੀ ਹੈ ਤਾਂ ਰਿਮੋਟ ਅਲਰਟ ),  ਬਿਨ - 19 ਨੂੰ ਨੈਵੀਗੇਟ ਕਰਨ ਲਈ ਮੋਬਾਈਲ ਐਪਲੀਕੇਸ਼ਨ ਦਾ ਇਸਤੇਮਾਲ ਕੀਤਾ ਜਾਂਦਾ ਹੈ ।

ਵੀਐੱਸਟੀ ਮੋਬਿਲਿਟੀ ਸੋਲਿਊਸ਼ਨਸ ਨੇ ਇੱਕ ਹੋਰ ਯੂਵੀ ਲਾਈਟ - ਅਧਾਰਿਤ ਬਹੁ-ਉਦੇਸ਼ ਡਿਸਇਨਫੈਕਟਰ ਲਾਂਚ ਕੀਤਾ ਹੈ ਜੋ ਕੋਵਿਡ - 19 ਨਾਲ ਨਜਿੱਠਣ ਵਿੱਚ ਕਾਰਗਰ ਸਾਬਿਤ ਹੋਣ ਵਾਲਾ ਹੈ।  ਇਹ ਅਲਟਰਾਵਾਇਲੇਟ ਕੀਟਾਣੂਸ਼ੋਧਨ ਲੈਂਪ ਨਾਲ ਇੱਕ ਬਹੁਉਦੇਸ਼ ਕੀਟਾਣੂਨਾਸ਼ਕ ਉਪਕਰਣ ਹੈ।  ਵੀਐੱਸਟੀ ਮੋਬਿਲਿਟੀ ਸੋਲਿਊਸ਼ਨਸ ਨੇ ਕਿਹਾ ਕਿ ਅੰਦਰੂਨੀ ਸਤਹਾਂ ਅਤੇ ਯੂਵੀਸੀ ਲੈਂਪ ਨਾਲ ਡਿਵਾਇਸ ਵਾਇਰਸ ਨਾਲ ਨਜਿੱਠਣ ਵਿੱਚ ਕਾਰਗਰ ਹੈ।

ਉਪਕਰਣ ਦੀ ਵਰਤੋਂ ਮੁੱਖ ਰੂਪ ਨਾਲ ਦੂਸਿ਼ਤ ਜਾਂ ਵਰਤੋਂ ਕੀਤੇ ਗਏ ਫੇਸ - ਮਾਸਕ  ਦੇ ਨਿਪਟਾਨ ਲਈ ਅਤੇ ਯੂਵੀਸੀ ਧਾਤੂ ਉਤਪਾਦਾਂ  ਦੀ ਫਿਰ ਵਰਤੋਂ ਲਈ ਕੀਤੀ ਜਾਂਦੀ ਹੈ।  ਇਸ ਉਪਕਰਣ ਨੂੰ ਸ਼੍ਰੀ ਚਿਤ੍ਰਾ ਲੈਬ ਵਿੱਚ ਟੈਸਟ ਕੀਤਾ ਗਿਆ ਹੈ।

( ਅਧਿਕ ਜਾਣਕਾਰੀ ਲਈ ਐੱਸਸੀਟੀਆਈਐੱਮਐੱਸਟੀ ਦੀ ਪੀਆਰਓ ਸੁਸ਼੍ਰੀ ਸਵਪਨ ਵਾਮਦੇਵਨ ਨਾਲ ਸੰਪਰਕ ਕਰੋ।  ਮੋਬਾਈਲ :  9656815943 ,  ਈਮੇਲ : pro@sctimst.ac.in)

*****

ਐੱਨਬੀ/ਕੇਜੀਐੱਸ/(ਡੀਐੱਸਟੀ)