কোচিন্দা হেদক্বাতর ওইবা স্তার্ত অপ অমা ওইরিবা ভি.এস.তি. মোবিলিতী সোলুসন্সনা কোবিদ-১৯ লান্থেংনবদা মতেং পাংনবা পোৎশিং পুথোকপগী খোংথাংশিংগী মনুংদা শরুক অমা ওইনা ওতোমেতেদ মাস্ক দিসপোজল মেচিন অমা পুথোকখ্রে। বিন-১৯ হায়না মমিং থোনবা দিস্পোজল দিভাইস অসি ভারত সরকারগী দিপার্তমেন্ত ওফ সাইন্সেস এন্দ তেক্নোলজি ( দি.এস.তি.)গী মখাদা লৈবা নেস্নল ইম্পোর্তেন্স ইন্সতিত্যুৎ অমা ওইরিবা শ্রী চিত্র তিরুনাল ইন্সতিত্যুৎ ফোর মেদিকল সাইন্সেস এন্দ তেক্নোলোজি ( এস.সি.তি.আই.এম.এস.তি.) ত্রিবান্দ্রমনা পুথোকপা য়ু.ভি.দা য়ুম্ফম ওইবা চিত্র ফেস মাস্ক অসি ইর্নাকুলম দিস্ত্রিক্ত কলেক্তর এস. সুহাসনা দিস্ত্রিক্তকী ‌এদমিনিস্ত্রেতিব এদক্বাতর্সতা য়ুনিৎ অমা হাংদোক্লগা লোঞ্চ তৌখি।

আই.ও.তিদা য়ুম্ফম ওইবা বিন-১৯ (ইন্তরনেৎ থিংস) অসি শিজিন্নরবা ফেস মাস্কশিং খোজিনবা অমসুং দিসইনফেক্ত তৌবদা শিজিন্নৈ। দিভাইস অসিনা শ্রী চিত্র লেবনা মাইক্রোবাইওলোজিকল তেস্তশিং মথং মথং মাই পাক্না পাকথোক্লবা মতুংদা পুথোকখিবনি। শ্রী চিত্র অসি ইন্দিয়ন কাউন্সিল ওফ মেদিকল রিসর্স (আই.সি.এম.আর.)গী গাইদলাইনশিংগী মখাদা লৈবাক অসিগী য়ু.ভি.দা য়ুম্ফম ওইবা তেস্তিং এজেন্সি অমনি।

বিন-১৯ অমসুং য়ু.ভি.স্পোৎ লোঞ্চ তৌবদা দিস্ত্রিক্ত কলেক্তর এস. সুহাসনা হায় অসিগুম্বা খুদোংচাবা অমা ফংবা অসি কেরলাগী ওইনা অহানবনি। “মসিগী প্রদক্ত অসি স্তেৎ অসিদা কোবিদ-১৯ মাইথীবা পীনবগীদমক খুৎলাই ওইরগনি। প্রদক্ত অসিনা মহৌশাদা থোকহনবা অমাং অতাশিং ঙাকথোকপদসু মতেং ওইরগনি,” হায়না মহাক্না মখা তাখি।

“ভি.এস.তি.না য়ু.ভি.-বিন অমসুং খুদিংমক্তা শীজিন্নবা য়ারবা দিসইনফেক্সন সিস্তেম অসি মাই পাক্না লোঞ্চ তৌখিবা অসি উবদা দি.এস.তি. অমসুং ইন্সতিত্যুত অসিনা য়াম্না নুংঙাইবা পোকখি। ঐখোয়গী তেক্নিকেলগী ওইবা খঙজবা অদু অমসুং প্রোতোতাইপ অদুবু মসিগী দিভাইজ অসিদা ওন্থোকপা ঙম্বা অসিদা তীম অসিবু ঐখোয়না থাগৎপা ফোংদোক্লি, মসি ওফিসশিং, য়ুমশিং অমসুং অতৈ অতোপ্পা মীয়াম তিনবা মফমশিংদা য়াম্না কান্নরগনি। লৌনগনবা কোবিদ-১৯ অসিগী শন্দোকপা থীংনবা হোৎনবদা মসিনা মতেং ওইরগনি।” হায়না এস.সি.তি.আই.এম.এস.তি.গী দিরেক্তর, দোক্তর অশা কিশোরনা ফোংদোকখি।

বিন-১৯গী ফঙ্কসন তৌবগী মওং অদুবু শন্দোক্না তাক্লদুনা, ভি.এস.এল. মোবিলিতী সোলুসন্সগী সি.ই.ও., মিস্তর এলভিন জৌর্জনা ফোংদোকখি মদুদি বিন অসিগী কন্তেনর অমগী মনুংদা থাদরকপা শীজিন্নরবা মাস্কশিং অসি অহানবদা প্রোসেস অমনা দিসইনফেক্তেদ তৌগনি। দিসইনফেক্তেদ মাস্কশিং অসি বিন অসিগী মনুংদা য়াওবা অতোপ্পা কন্তেনর অমদা ত্রান্সফর তৌগনি। মাস্ক অদুবু থাদরিবা মীওই অদু বিন-১৯দা নাপলিবা ওতোমেতিক সেনিতাইজ দিস্পেন্সেরগী মতেংনা মহাক্কী মখুৎ সেনিতাইজ তৌবা য়াগনি। হায়রিবা পুম্নমক অসি তৌনবা বিন অসিদা থেংবা নত্রগা স্বিস অমা হেক্তা থাবগী মথৌ তারোই। শীজিন্নরিবশিংগী অমসুং হেলথ ৱার্করশিংগী খুদোকথীদনবা খুৎ চংদবা খুৎলাই অসিগী ফঙ্কসন পুম্নক অসি ওতোমেতিক ওই।

বিন-১৯ গী আই.ও.তি. ফীচরশিং অদুদি ওতো সেনিতাইজর দিস্পেন্সর (করিগুম্বা হাংলবদি এলর্তশিং পীবা), বিন-১৯ নেবিগেৎ/থীনবা মোবাইল এপ্লিকেসন, স্তেতস এলর্তশিং পীনবগীদমক ৱেব পোর্তেল, পাৱর থগৎপা/মুথৎপগী এলর্তশিং, বোক্স হাংদোকপগী এলর্তশিং অসিনি।

ভি.এস.এল. মোবিলিতী সোলুসন্স অসিনসু য়ু.ভি. মঙালদা য়ুম্ফম ওইবা খূদিংমক্তা শীজিন্নবা য়ারবা দিসইনফেক্তর অমা ওইরিবা য়ু.ভি. স্পোৎ লোঞ্চ তৌখি, মসি মখোয়না কোবিদ-১৯ লাকশিন্নবগী হীরমদা পুথোকপা প্রদক্তশিংগী মরক্তা অমনি। মসি খূদিংমক্তা শীজিন্নবা য়ারবা দিসইনফেক্তর লোয়ননা অলত্রাভাইওলেৎ দিসইনফেক্সন লেম্পশিং য়াওবা দিভাইজ অমনি। ভি.এস.এল. মোবিলিতী সোলুসন্সনা হায় মনুংদা থক্তোকনবা লৈমাইশিং অমসুং য়ু.ভি.সি. লেম্প য়াওবগা লোয়ননা দিভাইজ অসিনা মখল কয়া অমগী মাইক্রোওর্গানিজমশিং দিসইনফেক্ত তৌগনি।

দিভাইজ অসি অয়াম্বনা কন্তামিনেতেদ নত্রগা শীজিন্নরবা ফেস-মাস্ক হুন্দোকনবগীদমক অমসুং য়ু.বি.সি. স্তেবল মেতালিক ওইবা পোৎশিং অমুক হন্না শীজিন্ননবগীদমক শীজিন্নৈ। দিভাইজ অসি স্রী চিত্রা লেবনা তৌবা মাইক্রোবাইওলোজিকেল চাংয়েং অমগী মখাদা য়ারে উৎখি।

(অকুপ্পা ৱারোলগীদমক মসিদা পাও ফাওবিয়ু: মিস. স্বাপনা ভমাদেভন, পি.আর.ও., এস.দি.তি.আই.এম.এস.তি., মোবাইল: ৯৬৫৬৮২৫৯৪৩, ইমেল: pro@sctimst.ac.in)

*****