একজোতিক ওইবা জীব নত্ত্রগা মনা-মশিং হায়বদি মখোয়গী মহৌশাগী ওইবা মফমদগী অনৌবা মফমদা পুরকপা হায়বনি। মখোয়শিং অসি মীওইবশিংনা অনৌবা মফমশিংদা শক তাকই। লৈবাক অসিগী মীয়াম অমনা সি.আই.তি.এস. (কনবেন্সন ওফ ইন্তর্নেস্নেল ত্রেদ ইন ইন্দেঞ্জর্দ স্পিসিস) তা য়াওবা একজোতিক ওইবা জিবশিং থম্নরি অদুবু অসিগুম্বা জিবশিং অসিগী মশিংগী ওইবা ৱাফম য়াওবা রাজ্য/কেন্দ্রগী থাক্তা লৈবা অপুনবা ৱারোলশিংগী পথাপ পমত্তা লৈতে। ইনবাইরনমেন্ত, ফোরেস্ত অমসুং ক্লাইমেৎ চেঞ্জ মন্ত্রালয়না থা তরুক্কী মনুংদা অসিগুম্বা জিবশিং লোইরিবা মীওইশিংনা হায়দোরক্তুনা অপুনবা মশিংগী ৱারোল খংদোক্না ৱারেপ অমা লৌখ্রে।

জিবশিংগী মশিং, অনৌবা প্রোজেনী, মপান্দগী পুশিল্লকপা অমসুং অমগা অমগা শিন্নবশিংগী ওইনা রেজিস্ত্রেসন তৌগনি। মসিনা জিবশিং অসিবু নিংথিনা ঙাক শেন্দুনা থম্বদা তেংবাংগনি অমসুং জিবশিং অসি তেক্ত কায়দনা লোইনবা, মওং চুম্বা বেতেরিনারী কেয়র অমসুং শাফবা মকোন শাবগী মতাংদসু তাকপি তম্বিগনি। একজোতিক জিবশিং অসিগী দেতাবেজ অসিনা শা-ঙা অমসুং মীওইশিংবু তেক্ত কাইদনা লৈহন্নবা মতম মতমগী ওইনা খংহল্লকপা জুনোতিক লায়নাশিং লাকশিনবা অমসুং শেন্নবদসু মতেং পাংগনি।

এদবাইজরী অসি থোকপা নুমিত্তগী থা ৬কী মনুংদা হায়দোরকপা মীওইশিংগী ওইনদি মখোয়দা লৈরিবা একজোতিক ওইবা জিবশিংগী চে-চাং অমত্তা পুথোক্ত্রবসু য়াগনি। থা ৬কী মতুংদা হায়দোরকপা মীওইশিংগী ওইনদি হৌজিক লৈরিবা আইন অমসুং চৎন-কাংলোনগী মতুং ইন্না তঙাই ফদনা পীগদবা চে-চাং খুদিংমক পীগদবনি।

অসিগুম্বা জীব লোয়বশিংনা ৱেবসাইৎ (www.parivesh.nic.in) অসিদা চংদুনা তঙাই ফদবা ফোর্মশিং মেনশিন্দুনা জিবশিংগী মশিং রেজিস্ত্রেসন তৌবগী থবক অসি লোইশিনগদবনি।

এদবাইজরী অসিগী অকুপ্পা মরোল খংনবা মফমসিদা ক্লিক তৌবিয়ু।

*****